Sunday, 6 April 2014

நட்சத்திரங்களை நோக்கி ஒரு பயணம்.


இன்றைய சமூகத்தின் கீழ்மைகளில் சகிக்க முடியாதது நல்லது கெட்டது குறித்த கவலையற்று இருப்பதே.

ஆயிரம் ஆயிரம் ஆண்டுகள் பழமை  தோய்ந்த நமது கலாசாரத்தின் அடையாளமாகவே இது இருந்து வந்திருப்பதை நாம் உணரலாம்.

இத்தகு சூழலில் நன்றையும் தீதையும் ஆன்ம பலத்தோடு சார்பில்லாது, சமரசமில்லாது சொல்பவர்கள் சிலரே.


மழைத் தாரையில் நமது நாசிக்கு வரும் மண்வாசனையைப் போல இவர்கள் நமது வரலாறெங்கும் இறைந்து கிடக்கிறார்கள். மின்மயமாகிப் போன நமது இரவுகளில் நாம் நட்சத்திரங்கள் குறித்து கவனமற்று இருப்பதொன்றும் புதிதல்ல. நமது கவனத்தில் இல்லை என்பதால் அவை சுடர்விட மறுப்பதும் இல்லை.

நம்மோடு சக மனிதர்களாக வாழ்ந்தாலும், நமக்கு பல ஆண்டுகளுக்கு முன்பே மரித்திருந்தாலும் அவர்கள் ஒரு  சுடர் போல் நமக்கு ஒளியூட்டி வழிகாட்டுவதை உணரலாம்.

இந்தப் பதிவின் நட்சத்திரம் ஒரு 1845இல் மே,  இருபதில் கோவையின் ஒரு கிராமத்தின் தலித் குடும்பத்தில் உதித்த காத்தவராயன்.
அயோத்தி தாஸ் (Iyothee Thass) 

1845இல் ஒரு தலித் குடும்பத்தில் பிறந்தால் என்ன நடக்கும் என சொல்லத் தேவையில்லை. ஆனால் காத்தன் அதிர்ஷ்டக்காரன். காத்தனின் தாத்தா ஆர்லிங்டன் பிரபுவிடம் பணியாற்றி வந்தார். இதனால் பல அனுகூலங்கள் காத்தனுக்கு கிடைத்தன.

இந்த தொடர்பின் மூலம் தமிழ் இலக்கியத்தில் விற்பண்ணன் ஆனான் காத்தன். பின்பு தத்துவத்தை தொட்டார், பின்பு இந்திய சித்த மருத்துவம் என இவர் தொட்டதெல்லாம் துலங்கியது.


தமிழ், ஆங்கிலம், பாலி மற்றும் சமஸ்கிருதத்தையும் நன்கு கற்று தேர்ந்த இவர் தனது பெயரை அயோத்தி தாச பண்டிதர் என மாற்றிக் கொண்டார்.

1870இல் நீலகிரியின் தோடர்களை(இனக்குழு)  ஒன்றிணைத்து செயல்திறம் மிக்க ஒரு அமைப்பை உருவாக்கினார். இதன் தலைவராகவும் தீரத்துடன் செயல்பட்டார்.

1876இல் அத்வைதானந்தா சபையை நிறுவினார். பாதிரியார் ஜான் ரெத்தினத்துடன் இணைந்து திராவிடப் பாண்டியன் என்ற  இதழை நடத்தினார்.

1886இல் அயோத்திதாசர் தீண்டத்தகாதோர் யாரும் ஹிந்துக்கள் கிடையாது என்ற புரட்சிகர அறிவிப்பை செய்தார். இவரது பிரிவினர் (பறையர்கள்)பூர்வ பவுத்தர்கள் என்பது இவரது கருத்து.

இதனைத் தொடர்ந்து திராவிட மஹாஜன சபாவை 1891இல் நிறுவினார். அவ்வாண்டு எடுக்கப்பட்ட மக்கள் தொகைக் கணக்கெடுப்பில் தலித்துகள் தங்களை சாதியில்லா திராவிடர்கள் என பதிவிடுமாறு அறைகூவல் விடுத்தார்.

தலித்துகளுக்கான வழிபாட்டு உரிமையைக் கோரியபொழுது  மேல்தட்டு (என்று தங்களை நிறுவிக்கொண்ட)பண்டிதர்கள்   "நீங்கள் உங்கள் கருப்பனையும் காளியையும் மட்டும் வணங்கினால் போதும், பெருமாள், சிவன் கோவில்கள் உங்களுக்கு எதற்கு?" என்று பெருந்தன்மையோடு கூறினார்கள்.

தலித்துகளுக்கான கல்வியை இவர் கேட்டது இதனினும் சிறப்பு. "அப்படி என்றால் உங்கள் தெய்வங்கள் எங்களுக்கு வேண்டாம். எங்கள் குழந்தைகள் இலவசமாக கற்க பள்ளிகளை தாருங்கள். எங்கள் பிள்ளைகளுக்கு எங்கள் சாதியிலேயே ஆசிரியர்களும் நியமிக்கப் படவேண்டும்" என்றும் வேண்டினார்.

நிறைவேறிவிடுமா என்ன?

புத்த மதத்திற்கு மாறுதல்



கானல்  ஹெச்.எஸ். ஆல்காட்டை சந்தித்த அயோத்தி தாசர் தனது ஆதரவாளர்களுடன் புத்த மதத்தை தழுவ உதவுமாறு வேண்ட, ஆல்காட் அவரை இலங்கைக்கு அனுப்பினார். அங்கே சுமங்கள நாயகே என்கிற புத்த பிக்குவிடம் தீட்சை பெற்று திரும்பிய அயோத்தி தாசர் சென்னையில் 1898இல் சாக்கிய புத்த நிறுவனத்தை தொடங்கினார். இது பின்னர் தென்னிந்தியா முழுமைக்கும் பரவியது. தற்போது இந்திய புத்த நிறுவனம் என்றும் அறியப்பெறுகிறது.



ஜூன் 19, 1907இல் அயோத்தி தாசர் ஒரு பைசா தமிழன் என்கிற செய்தித் தாளை  நிறுவி நடத்தினார்.

1914ம் ஆண்டு தனது 69ம் வயதில் அயோத்தி தாசர் இம்மண்ணை விட்டு மறைந்தார்.

கடந்த 2005ம் ஆண்டு செப்டெம்பர் மூன்றாம் தேதியில் நடுவண் அரசு தாம்பரத்தில் உள்ள தேசிய சித்த மருத்தவ கழகத்திற்கு இவரது பெயரைச் சூட்டி மகிழ்ந்தது.

2005ம் ஆண்டு அக்டோபர் 21இல் இவரது நினைவைப் போற்றும் வகையில் ஒரு தபால் தலை ஒன்றும் வெளியிடப் பட்டது.

சுதந்திரப் போராட்டத்தில் ஈடுபட்ட தலித்துகளை தடுத்தவர் என்பதால் இவரை கடுமையாக விமர்சிப்பவரும் உண்டு.

இன்றளவும் தீண்டாமை கொடுமைகள் நம்மிடம் ஊறிப்போய்க் கிடப்பதை பார்த்தால் இவர் செய்தது நியாமானதே என்று ஏற்றுக்கொள்ள முடியும்.

எரிந்து போன ராமையாவின் குடிசையில் சாம்பலான   நாற்பத்தி நான்கு உயிர்களுக்கு என்ன பதில்?



தனது இடத்தை ஆதிக்க சாதியினருக்கு தர மறுத்ததால் பதினான்கு முறை கற்பழித்து கொலைசெய்யப்பட்ட பிரியங்காவின் ஆன்மாவிற்கு என்ன பதில்? (Click the link to know more)

இணைப்பு  மூன்று

இணைப்பு நான்கு

இரயில் தண்டவாளத்தின் அருகே பின்னங்கைகள் திருப்பப்பட்டு கிடந்த இளவரசனின் மரணத்திற்கு என்ன பதில்?

இப்போ சொல்லுங்க அயோத்தி தாசர் தலித்துகளை விடுதலைப் போரில் இருந்து தள்ளி நிற்க சொன்னது சரியா தவறா?

இன்று நாம் மௌனிக்கும் இந்த இடத்தில் 1845இல் ஒரு சிங்கம் கர்ஜித்திருக்கிறது!


சந்திப்போம்
அன்பன்
மது

18 comments:

  1. அயோத்தி தாசரைப் பற்றிய தகவலுக்கு மிக்க நன்றி மது..உங்கள் மூலமாக இப்படி பெரியோர் சிலரை அறிய முடிகிறதே. விடுதலை பெற்று இன்னும் மோசமாகதான் ஆகியிருக்கிறது இந்த விசயம்....

    ReplyDelete
    Replies
    1. மனிதம் மலர்வது குறித்து கவலைகொள்ளும் ஆசிரியர்களால்தான் மாற்றங்கள் சாத்தியமாகும்.

      Delete
  2. மிக நல்ல பகிர்வு... வாழ்த்துக்கள்.

    ReplyDelete
    Replies
    1. வாழ்த்துக்கள் மகிழ்வுடன் பெறப்பட்டன
      நன்றி..

      Delete
  3. தந்தை பெரியாருக்கு முன்பே இந்த மண்ணில் தலித்துகளுக்கான சலுகை மற்றும் இடஒதுக்கீடு பற்றிய சிந்தனைகளைத் தந்தவர் அயோத்திதாசர். அவரைப் பற்றிப் பேசுவதும், அவரது சிந்தனை செயல்பாடுகளைப் பரப்புவதும் இன்றைய நம் கடமை. ஆனால் தலித்தியச் செயற்பாட்டாளர் பலருக்கும் இவரைப் பற்றித் தெரியாதிருப்பதுதான் நம்மைப் பிடித்த அரசியல் கேவலம். அரிய தொகுப்பு மது! தொடருங்கள்.

    ReplyDelete
    Replies
    1. நன்றி அண்ணா..
      தொடர்வேன்..

      Delete
  4. புதிய தகவல்கள் பெரியோர்களை அறிமுகப் படுத்துவது நன்றே நன்றி சகோ! வாழ்த்துக்கள்...!

    ReplyDelete
    Replies
    1. நன்றி சகோதரி

      Delete
  5. அயோத்தி தாச பண்டிதரைப் பற்றி அறியாதன அறிந்தேன் நண்பரே நன்றி

    ReplyDelete
    Replies
    1. நன்றி அய்யா
      வருகைக்கும் கருத்துக்கும்

      Delete
  6. இன்றளவும் தீண்டாமை கொடுமைகள் நம்மிடம் ஊறிப்போய்க் கிடப்பதை பார்த்தால் இவர் செய்தது நியாமானதே என்று ஏற்றுக்கொள்ள முடியும்.//

    100% சரியே!

    நீங்கள் கேட்டிருக்கும் கேள்விகள் அனைத்துமே மிக மிக நியாயமானக் கேள்விகள்!

    யாரிடம் இருக்கிறது பதில்?? நாம் எல்லோருமே வெட்கித்தலை குனிய வேண்டியதுதான்!...ஏனென்றால் நம்மால் மௌனசாட்சிகளாய்தானே இருக்க முடிகின்றது!? இந்த சமுதாயத்தைத் திருத்த முடியவில்லையே என்று! அதுதான் கசப்பான உண்மை!

    நல்ல அருமையான ஒரு தகவல்! பகிர்வுக்கு மிக்க நன்றி!

    ReplyDelete
    Replies
    1. நாம் என்று பொதுவாக சொன்னால் எப்படி ...
      ஆசிரியர்களாகிய நாம் என்றுதான் சொல்ல வேண்டும்
      கற்பித்தலும் விழிப்புணர்வை ஏற்படுத்துவதும் நமது கடமை அல்லவா ...
      பொதுச் சமூகத்தை குறை கூறுதல் சரியல்ல என்பது எனது கருத்து...தவறாக இருந்தால் மன்னிக்கவும்..

      Delete
  7. அயோத்தி தாசரைப் பற்றி தெரிந்துக்கொள்ள முடிந்தது. பகிர்வுக்கு நன்றி

    ReplyDelete
    Replies
    1. நன்றி நண்பரே...

      Delete
  8. எனக்கு தெரிந்த பொது வரலாற்றில் இதுவரை மறைக்கப்பட்ட மாமனிதரை அறிமுகம் செய்தமைக்கு நன்றி. .

    ReplyDelete
    Replies
    1. தங்கள் வருகைக்கும் கருதுக்கம் மிக்க நன்றி தோழர்..

      Delete
  9. சாதி குறித்த அயோத்தி தாசரின் பார்வை நியாயமானது . ஆனால் தீபாவளி பண்டிகை குறித்த இவரது பார்வை ??? புத்தசமய கருத்துகளை தனக்குத் தகுந்தாற்போல் மாற்றிக் கொன்டார் எனும் குற்றச்சாட்டும் உள்ளதே !

    ReplyDelete
    Replies
    1. அவா சொல்றதையெல்லாம் கேட்கவேண்டிய அவசியம் இல்லை ...
      அப்படியே மாற்றியிருந்தாலும் நல்லதே.. அவர் படித்த அளவு நான் படிக்கவில்லை என்பதே உண்மை.

      அப்புறம் பூர்வ குடிகளின் பழக்க வழக்கங்களை உள்ளீர்த்தே பிராமணீயம் வளர்ந்தது.

      சரித்திரம் சமயம் என அனைத்தையும் அவர்கள் விருப்பத்திற்கு அவர்கள் மாற்றுகிற பொழுது ... அயோத்தியாருக்கு அவ்வுரிமை இல்லையா?

      Delete

தங்கள் வருகை எனது உவகை...

Labels

12 Years a Slave (2013) 2:22 2001: எ ஸ்பேஸ் ஆடிசி A Walk Among the Tombstones aathaar Amr Waked Avengers Age of Ultron avms kaarthik bairava blogging tips buds to blossoms c.c.e Fast and Furious 8 fb share geostorm 2017 Guardians of the Galaxy hariharasuthan honour killings innovations in Marketing into the storm Iyothee Thass jci jci pudukkottai central kalvi kannaki kovil keezhadi khan's academy kochadaiyaan review lakshmi short film linking fraud Lucy(2014) spoiler madurai Michiel Huisman Teresa Palmer Sam Reid Simone Kessell Maeve Dermody Min-sik Choi Morgan Freeman oblivion paleo diet personal change positive attitude வெற்றி இலக்கியம் Rafeeq Friend robin williams rouge one 2016 sasikala for cm Scarlett Johansson shajakaan society spoiler ssa T.V.18 yaathum oore episode 12 Tamil Short Story tasmac tesla motors thamizh thirai vimarsanm udayakkumar viswaroopam movie want to write ? War for the Planet of the Apes www.ted.com X Standard Tamil Memory Songs Tamil Nadu X-Men: Days of Future Past அ பெ கா பண்பாட்டு இயக்கம் அ.பெ.கா அசத்தல் அரசுப் பள்ளி அச்சம் என்பது மடமையடா அப்பா அமெரிக்கா அம்மா அயோத்தி தாசர் அரசு ஊழியர் ஓய்வூதிய போராட்டம் அரசு ஊழியர்களின் குரல் அரசுப் பள்ளிகள் அரிமளம் பள்ளி அரைவல் அலைகள் அலையும் குரல்கள் அவென்ஜெர்ஸ் ஏஜ் ஆப் அல்ட்ரான் அறிவிப்புகள் அனுபவம் அன்னவாசல் கே. ரெங்கசாமி ஆஃபரா ஆங்கில கேட்டல் பயிற்சி ஆங்கிலத்தொடர்பாற்றல் ஆங்கிலப் படம் ஆங்கிலப் பயிற்சி ஆங்கிலம் ஆசிரியர் ஆசிரியர் தினம் ஆசிவகம் ஆசை தொடர் பதிவு ஆண்டனி ஆதிச்சநல்லூர் இசை இடஒதுக்கீடு இடைநிறுத்தம் இடைநிற்றல் இந்திய தேசிய ராணுவம் இந்தியா வரங்களும் சாபங்களும் இந்துத்துவம் இமான் இளையராஜா இறுதிச் சுற்று இனப்படுகொலை இன் டு தி ஸ்டார்ம் இன்னுமொரு சிறுகதை. புன்னகை இஸ்ரேல் ஈர்ப்பலைகள் ஈழம் ஈழம் சமுகம் உயிர்மை உலகின் பொருளாதாரக் கொள்கை உலோக உருக்கு ஆலை எக்ஸ்.மென் அபோகிளிப்ஸ் எட்ஜ் ஆப் டுமாரா எல்காம் எஸ்.எம்.எஸ். கொள்ளை ஏற்பாடுகள் ஐஸ் ஸ்டுபா ஒரு கோப்பை மனிதம் ஒரு முகநூல் பகிர்வு ஒலிம்பிக் ஒன்பதாம் வகுப்பு ஆங்கிலப் பாடம் ஓவியர்கள் கடிதம் கட்செவி பகிர்வு ஒன்று கட்டிடப் பொறியியல் கட்டுரைப் போட்டி கண்ணகி கோவில் கண்ணேநலமா - கண்ணாடி பவர் குறைபாடுகள் கதிர்வேல் கதை திரைக்கதை வசனம் இயக்கம் கத்தி கயல் கருத்தாளிகள் கலாச்சராம் கலிலியோ அறிவியல் மையம். கல்வி கல்வித்துறை விழா கல்வியாண்டு கவண் கவிஞர் தங்கம் மூர்த்தி கவிஞர் நீலா கவிதை கவிதை அறிமுகம் கவிதை பகிர்வு கவிதைகள் கவிதைத் தொகுப்பு கவிநாடு கண்மாய் கவுரவக் கொலைகள் கற்க கசடற கற்பித்தல் யுக்திகள் கனகசபை ராமசாமி கனவில் வந்த காந்தி கனிமொழி காக்கா முட்டை காசு பணம் துட்டு மணி மணி காணொளிகள் சில காதர் காந்தி திரைப்படம் காப்டன் அப்பாஸ் அலி காப்புரிமை கார்டியன்ஸ் ஆப் தி காலக்ஸி கார்த்திக் கார்த்திக் கார்த்திக் காவியத் தலைவன் காற்றுவெளியிடை கிரமத்து குழந்தைகள் கிரேஸ் பிரதிபா கிரேஸ் பிரதீபாவின் துளிர் விடும் விதைகள் கிஷோர் டேவிட் ராஜ ராஜன் கீழடி குருநாதசுந்தரம் குழந்தை வளர்ப்பு குழந்தைகள் தினம் குறும்படம் கேவல் நதி கொசுவத்தி கொசுவர்த்தி கொஞ்சம் புதிய அறிவியல் கொஞ்சம் வெப் கொடி காத்த குமரன் கொம்பன் திரை விமர்சனம் கோச்சடையான் கோடை நகர்ந்த கதை கோபிநாத் கோவை ஆவி க்விஸ் சக்கரக்காலன் சக்தி சவுந்தர் ராஜன் சச்சின் சதுர ஆவுடைகள் சந்தானம் சந்திப்பு சந்திரமோகன் வெற்றிவேல் சந்தைப்படுத்துதல் சமணச் சிலை சமுகம் சமுத்திரக்கனி சமூகம் சர்தார் வல்லபாய் பட்டேல் சாதனைப் பெண்மணிகள் சித்தன்னவாசல் ஓவியங்கள் சித்தன்னாவாசல் இலக்கிய சந்திப்பு சிவகார்த்திகேயன் சிறுகதை சினிமா சின்னவள் கவிதைத் தொகுப்பு சீனு சுகு சுய முன்னேற்றம் சுயபுராணம் சுரபி சுரேந்தர் சூப்பர்மென் வெர்சஸ் பாட்மேன் செந்தூரன் பாலிடெக்னிக் செந்தூரன் பாலியின் தொடர் சாதனை செல்பி செவன்த் சென்ஸ் செவென்த் சென்ஸ் சொன்னாங்க சோ ஸ்வீட் வலைப்பூ ஞானாலயா ஆவணப் படம் டாக்டர் ஸ்ட்ரேஞ் டான் ஆப் ஜஸ்டிஸ் டி.எம்.என்.டி Teenage Mutant Ninja Turtles (2014) டினா அரீனா டெல்லி சம்பவம் ட்ரான்ஸ்பார்மர்ஸ் ஏஜ் ஆப் எக்ஸ்டின்ஷன் தங்கமகன் தஞ்சை தபால்காரர் தமிழ் தமிழ் ஹிந்து தமிழ்ச் செம்மல் விருது தயான் சந்த் தர்மதுரை தலைமைப் பண்பு தலைவாரி பூச்சூடி தாயம்மாள் தாய்மொழி தாரை தப்பட்டை தி இத்தாலியன் ஜாப் தி பிரஸ்டீஜ் தி.ஆலை பள்ளி தியாக வரலாறு திருச்சி புகைப்பட பொருட்கள் கண்காட்சி. நிகழ்வுகள் திரை இசை திரை வி மர்சனம் திரை விமர்சனம் திரைவிமர்சனம் தீபிகா படுகோன் தீரன் அதிகாரம் ஒன்று தீரன் சின்னமலை துவரங்குறிச்சி தேவதைகளால் தேடப்படுபவன் தேறி தொடர்பதிவு தொலைகாட்சி 18 தொல்காப்பியர் விருது தொல்லியல் ஆய்வுக் கழகம் தொல்லியல் சான்றுகள் தொழில் நுட்பம் தொழில் முனைவு தொழில்முனைவு தோழர் ரபீக் பதிவு நகை நடாஷா ரைட் நடிகர் சங்கத் தேர்தல் நத்தார் தின வாழ்த்துக்கள் நந்தன் ஸ்ரீதரன் நமக்கு நாமே திட்டம் நம்பிக்கை மனிதர்கள். நம்மாழ்வார் நலம் நன்றிகள் நாகூர் ரூமி நாடகக் கலைஞர்கள் நாயகர்கள் நாளைய மனிதர்களின் நேற்று நான் ஒரு குழந்தை நிகழ்வு நிகழ்வுகள் நிகில் நிறுவனம் நிகில் பயிற்சி நிலைப்பாடுகள் நிழல் பதியம் நீட் பார் ஸ்பீட் நீயா நானா நுட்பம் நூர் டீச்சர் நூல் அறிமுகம் நூல் பட்டியல் நூல் விமர்சனம் நேர நிர்வாக தளம் நேர நிர்வாகம் நேர மேலாண்மை நேர்மறைச் சிந்தனை பக்தி பஞ்ச் 75 படிக்க வேண்டாத பதிவுகள் பட்லர் பணமதிப்பு நீக்கம் பணிநிறைவு பதிவர் சந்திப்பு 2014 பதிவர் சந்திப்பு 2015 பதிவர் சந்திப்பு 2015 ஆல்பம் பதிவர் திருவிழா 2015 பத்தாம் வகுப்பு ஆங்கிலப் பாடம் பயிற்சிகள் பயிற்சித்துறை பலூஸ்சிஸ்தான் பள்ளி பள்ளிக்கல்வி பாகுபலி பாட்டன் காட்டைத் தேடி பாபநாசம் பாரதி புத்தகாலயம் பாரத் ஸ்டேஜ் 4 பாஸ்ட் அண்ட் ஃபியூரியஸ் 7 Fast and Furious 7 பாஸ்ட் அண்ட் ஃபியூரியஸ் 8 பாஸ்ட் எய்ட் பிட் டோரறேன்ட் பிரபு சாலோமோன் பிரமாண்டமான பேலியோ அறிமுக மாநாடு - புதுக்கோட்டை பிராங்கின் படங்கள் பிரார்த்தனை பிரித்தாளுதல் பிரியங்கா பிரேமா தக்ஷிணாமூர்த்தி பிரேம்சந்த் பு.கோ.சரவணன் புகைப்படத் தொகுப்பு புதியவன் புதுகை குளம் மீட்பு புதுகை செல்வா புதுகை தொல்லியல் ஆய்வுக் கழகம். புதுகை தொல்லியல் ஆய்வுக்கழகம் புதுகையின் கல்வி முகங்கள் புதுக்கோட்டை புதுக்கோட்டை மாவட்ட பாறை ஓவியங்கள் புள்ளிகள் புறம்போக்கு பெரியார் பெற்றோர் பேப்பர் ஒன்று பேராசிரியர் அ. தட்சிணாமூர்த்தி பைரவா பொது பொதுப் போக்குவரத்து மேம்பாடு பொற்பனைக்கோட்டை போட்டிகள் ப்ரோசன் ப்ளாகர் டிப்ஸ் மணிகண்டன் ஆறுமுகம் மதத்தீவிரவாதம் மதுரை மதுரை வரலாறு மரபு நடை மரபு வழி நடை மராத்திய மொழிப் படங்கள் மலர்தரு மழைமனிதர்கள் மனிதர்கள் மாட் மாக்ஸ் ஃபியூரி ரோட் Mad_Max:_Fury_Road மாணவர் போராட்டம் மாண்பு மிகு மகளிர் - அறிவியல் சுடர்கள் மாண்புமிகு மகளிர் மாண்புமிகு மாணவர்கள் மாதொரு பாகன் மாத்யு ப்ளோரிஸ் மாமழை நினைவுகள் மார்க் அண்டோனி மாறாப்புன்னகை மாற்றத்தின் முகங்கள் மியான்மர் மிருதன் மிஷன் இம்பாசிபிள் 5 Mission Imposible Rogue Nation முகநூல் முகநூல் நிலைத்தகவல்கள் முகநூல் பகிர்வு முத்தலாக் முத்துக்கிருஷ்ணன் முத்துநிலவன் முனைவர் மு பிரபு முனைவர் ஜம்புலிங்கம் முனைவர். அருள்முருகன் மூன்று புத்தகங்கள் வெளியீடும் குடும்ப விழாவும் மெட்ராஸ் மெமரி கார்ட் மேயாத மான் ராஜாசுந்தர்ராஜன் அவர்களின் பார்வையில் மேன்மை இதழ் அறிமுகம் மொழி மொழித்திறன் மோசன் காப்ச்சர் யாதும் ஊரே யாழியின் இரண்டு தொகுப்புகள் ரபீக் ரபீக் பகிர்வு ரம்ஜான் ரவீந்திரன் ரஜனி ரஷ் ரஹ்மான் ராஜ கோபால தொண்டைமான் ராஜ சுந்தர்ராஜன் ராஜசுந்தர்ராஜன் ராஜா சுந்தர்ராஜன் ராஜேஷ் வைத்யா ரிச்சர்ட் அட்டன்பரோ ரியோ ஒலிம்பிக் ருத்ரையா ரோக் ஒன் movie review ரோஹித் வேமுலா லட்சுமி குறும்பட விமர்சனங்கள் லாரீனா லூசி லோகன் 2017 வகுப்பறை அனுபவங்கள் வகை ஒன்று வணக்கம் வண்ணதாசன் வலைச்சரம் வலைப்பதிவர் மாநாடு வலைப்பூ நுட்பம் வள ஆசிரியர்கள் வனமகன் வாசிப்பு வாசிப்பு அனுபவப்பகிர்வு வாழ்த்துக்கள் வாழ்வியல் திறன்கள் பயிற்சி. வாழ்வியல் திறன்கள் பயிற்சி. தன்னை அறிதல் பயிற்சி வானவில் விடுதலை வேள்வியில் வீரத் தமிழர்கள் விடைபெறல் விதைக்கலாம் வித்டிராயல் சிம்ப்டம் விப்லாஷ் விருது வில்வன்னி நாகரீகம் விவசாயம் விஜய் டீ.வி விஜூ கனைக்ட் விஷாலின் விஸ்வரூபம் வீணை இசை வீதி கூட்டம் வீதிக் கூட்டம் வீதிக்கூட்டம் வீரபாண்டிய கட்டபொம்மன் வீரமுரசு சுப்பிரமணிய சிவா வெயிலில் நனைந்த மழை வெர்சடைல் ப்ளாகர் விருது வெள்ளைப் புலி வெற்றி இலக்கியம் வைகறை வைகறையின் ஜெய் நல நிதி ஜல்லிக்கட்டு ஜாக்கி சேகர் ஜாதவ் ஜியோஸ்டார்ம் 2017 ஜூராசிக் வோர்ல்ட் ஜெயப் பிரபு ஜெர்மனி ஜே.சி. பயிற்சி ஜேசி இயக்கம் ஜோக்கர் ஜோசப் விஜூ ஷபானா பாஸிஜ் ஷாமிலா தலுவத் ஷாருக்கான் ஷான் கருப்புசாமி ஷாஜகான் ஸ்டான்லி குப்ரிக் ஸ்பாய்லர் ஸ்பிலிட் ஸ்ரீதர் சுப்பிரமணியன் ஹாக்ஸா ரிட்ஜ் ஹாண்ட்ஸ் ஆப் ஸ்டீல் ஹாலிவுட் ஹெர்குலிஸ்