Tuesday, 11 November 2014

பிரியங்கா! - யார் இவர்?

பிரியங்கா 
முகநூல் நண்பர் திரு.ரபீக் அவர்களின் பதிவொன்றைப் பகிர்கிறேன். 

பிரியங்கா - தூயமகள்.
பிரியங்கா! - யார் இவர்?

முகநூலில் மட்டுமல்ல என்னால் முடிந்தவரையிலும் முகத்திற்கு நேராகவும் இந்தக் கேள்வியைக் கேட்டுவிட்டேன்.இந்தப் பெயரில் உள்ள எல்லாப் பிரபலங்களையும் தெரிந்திருப்பவர்களுக்கு, பிரபலப் படுத்தவேண்டிய இவரைத் தெரிந்திருக்கவில்லை.


சிலநாள்களுக்கு முன்பு ஒரு அமெரிக்கப் பேச்சாளரின் பேச்சின் மூலம் தான் எனக்கும் இந்தப் பிரியங்கா தெரியவந்தார்.

சரி, கல்யாணக்கோலத்தில் இருக்கிறாரே? ஆம் திருமணத்திற்கு அடுத்த நாளே கணவன் வீட்டிலிருந்து பிறந்தவீட்டிற்குத் திரும்பிய பிரியங்காவை இரண்டு மாதங்கள் கழித்து அழைத்து வந்தபோது ஊரே திரண்டு உற்சாகமாய் வரவேற்றபோது எடுத்த படமாம் இது.

கோபித்துக்கொண்டு போனவரை ஊர்கூடி அழைத்ததா? அப்படி என்ன செய்துவிட்டார் என்று வியப்பாய் இருக்கிறதல்லவா?

உத்திரப்பிரதேச மாநிலத்தில் ஒரு கிராமத்தில் பிறந்து வளர்ந்த பிரியங்கா, தனது 19ம் வயதில் (2012ம் ஆண்டு ஏப்ரல் மாதம் 13ம் தேதி) உத்திரப்பிரதேசத்தின் கொரக்பூர் மாவட்டத்தில் உள்ள விஷ்னுப்பூர் குர்து கிராமத்தைச் சேர்ந்த அமர்ஜித் என்பவரை மணக்கிறார்.

மணநாளின் மறுநாள் அதிகாலை நான்கு மணி. அறைக்கதவு தட்டப்படுவதறிந்து, பிரியங்கா கதவைத் திறக்கிறார்.வாசலில் நின்றிருந்த் மாமியார், “பிரியங்கா, பொழுது புலர்வதற்குள் காட்டுப் பக்கம் போய்க் காலைக்கடன்களை முடித்துவிடு.” என்கிறார்.“என்னது காட்டுப்பக்கமா?, இந்த இருட்டிலா?.. எனக்குப் பயமாக இருக்கிறது. நான் டாய்லெட்டி…..” முடிப்பதற்குள் மாமியார் இடைமறித்து,”அதெல்லாம் இங்குக் கிடையாது. நாங்களெல்லாம் காட்டுப்பக்கம் தான் போவோம். சீக்கிரம் போய்வா “ என்று கட்டளையிடுகிறார்.

செய்வதறியாது நின்றிருந்த பிரியங்கா, விடிந்ததும் கணவனை அழைத்து, “நீங்கள் எப்போது உங்கள் வீட்டில் கழிப்பறை கட்டுகிறீர்களோ, அப்போது வந்து என்னை அழைத்து வாருங்கள். நான் என் அம்மா வீட்டிற்குப் போகிறேன்” என்று கிளம்பிவிட்டார்.

அந்த அமெரிக்கப் பேச்சாளர்,.

’இது போன்ற இருள்நேரத்தில் பெண்கள் காட்டுப்பகுதிக்குச் சென்றால், குடிகாரர்களின் தொல்லை, விசப்பூச்சிகளின் பயம் மற்றும் அம்மாநில அமைச்சர் ஒருவரே சொன்னது போலக் கற்பழிப்பு போன்ற கொடுஞ்செயல்கள் நடப்பதற்குக் காரணியாய் அமைந்துவிடுகிறது. மேலும் இந்தியாவில் ஒரு சராசரி கிராமத்துப் பெண் கழிப்பறை இல்லாத காரணத்திற்காகக் கணவன் வீட்டை விட்டு வெளியேறுவது இதுவரை நடந்திராத ஒன்று என்று சொன்னதை இங்கு நினைவுகூற வேண்டியது அவசியமாகிறது.

இந்தச் சம்பவம் ஊர் முழுக்கப் பரவ ஆரம்பிக்கிறது. பேசப்படுகிறது.

வடஇந்தியப் பகுதிகளில் சுகாதார வசதிகளை ஏற்படுத்தித் தரும் ‘சுலப் இன்டர்நேஷ்னல்’ என்ற அமைப்பு இந்தச் செய்தியினை அறிந்து, உடனடியாக அந்தக் கிராமத்திற்கு வருகிறது. பிரியங்காவின் வெளிநடப்பு உத்தியை வெகுவாகப் பாராட்டி, அவரின் வீட்டோடு ஒரு கழிப்பறையினைக் கட்டிக் கொடுத்தது. மேலும் இது போன்ற ஒரு புரட்சியான வெளிநடப்பு செய்து கிராமத்தில் கழிப்பறையின் அவசியம் பற்றிய விழிப்புணர்வை ஏற்படுத்தியமைக்காக ரூபாய் இரண்டு லட்சம் பரிசும் வழங்கிக் கௌரவித்திருக்கிறது.

”இப்போது பிரியங்கா, வீட்டுவேலைகள் போகக் கிடைக்கும் நேரத்தில், கிராமத்தில் உள்ள பெண்கள், குழந்தைகள் இதுமட்டுமன்றி அருகில் உள்ள வேறுபல கிராமங்களுக்கும் சென்று கழிப்பறையின் அவசியம், சுகாதாரத்தின் முக்கியத்துவம் பற்றி விளக்குகிறார். இவரது முயற்சியினால் கிராமத்தில் நிறைய பேர் வீட்டோடு கழிப்பறையினை அமைத்திருக்கிறார்கள் . ’சுலப் இன்டர்நேஷ்னல்’ அவரைத் தனது விளம்பரத் தூதுவராக நியமித்திருக்கிறது. நேரம் கி்டைக்கும் போது நானும் அவருடன் சென்று உதவிபுரிகிறேன்” என்று பெருமையுடன் சொல்கிறார் பிரியங்காவின் கணவர் அமர்ஜித்!

”இனிவரும் காலங்களில் பஞ்சாயத்துத் தேர்தல் முதல் பார்லிமெண்ட் தேர்தல் வரையிலும் போட்டியிட விண்ணப்பிப்பவர்கள், எந்த அளவு சுகாதாரத்திற்கு முன்னுரிமை கொடுக்கிறார்கள் என்பதைப் பொறுத்தே அவர்களின் விண்ணப்பங்களைப் பரிசீலிக்க வேண்டும்” என்கிறார் பிரியங்கா முத்தாய்ப்பாக.

அடடா, இவரைப் பற்றி அறியாமல் இருந்து விட்டோமேயென வருந்துகிறீர்களா?

என்ன செய்வது, நாம் நினைக்கும் பிரபலங்கள் தும்மினால் கூட மருந்துவமனையில் அனுமதி, கவர்னர் நலம் விசாரித்தார் என்று‘பில்ட்-அப்’ கொடுக்கப்பதை, அவர்களின் பேட்டிகள், பேச்சுகள் எல்லாம் ஏதோ இமாலய சாதனை புரிந்துவிட்டவர்கள் ‘ரேஞ்சு’க்கு உயர்த்தப்படுவதை நாம் புறக்கணிக்கத் தவறியதால், சமுதாயத்தில் மறுமலர்ச்சி ஏற்படுத்துவோர் வெளிச்சத்திற்கு வராமல் புறக்கணிக்கப்படுவதற்கும் நாமே காரணமாய் அமைந்து விடுகிறோம் என்பதே உண்மை.
@Rafeeq----------------------------------------------------------------------------------------------------------------------------------------------------------------------------
குறிப்பு: பிரியங்கா - யார் இவர் என்று நிலைத்தகவலிட்டிருந்த போது பதிலளித்த / கலந்து கொண்டோர் (upto 5:41 PM GST ) இந்த நோட்டில் TAG செய்யப்பட்டுள்ளனர்.


நண்பர் ரபீக் அவர்களின் முகநூல் பகிர்வு 

செய்தித்துறையில் மிக நீண்டகால அனுபவம் கொண்ட ரபீக் அவர்களின் இந்தப் பதிவு நமது இந்தியாவிற்கு தேவையானது. நாட்டின் அவலங்களை வெளிச்சப் படுத்துவதோடு மட்டுமின்றி அதற்கான தீர்வையும் தருவதால் பகிர்ந்தேன் 

அன்பன்
 மது 

34 comments:

  1. பிரியங்கா பாராட்டிக்கு உரியவர்

    ReplyDelete
    Replies
    1. நன்றி தோழர்...

      Delete
  2. நீங்கள் சொல்வது முற்றிலும் உண்மை - பிரபலங்களைப் பற்றிய செய்திக்கு தான் முக்கியத்துவம் கொடுக்கப்படுகிறதே தவிர இம்மதிரியான செய்திகளுக்கு இல்லை என்பது சுடும் நிஜம். மக்களும் இம்மாதிரியான செய்திகளை படிக்காமல் இருப்பது அதைவிட கொடுமை.

    ReplyDelete
    Replies
    1. நன்றி உண்மையானவரே.

      Delete
  3. அருமை!
    ஊருக்கு ஒரு பிரியங்கா அவசியம் இருத்தல் வேண்டும்!

    நல்ல பகிர்வு! வாழ்த்துக்கள் சகோ!

    ReplyDelete
    Replies
    1. நன்றி சகோதரி

      Delete
  4. நல்லதொரு பதிவுதான் தோழரே பிரியங்கா போன்றவர்களை பாராட்ட வேண்டும்

    கீழே மதுரை விழா பதிவு

    http://killergee.blogspot.ae/2014/11/blog-post.html?showComment=1415704927486#c8574430856310576796

    ReplyDelete
    Replies
    1. படங்களின்
      நேர்த்தி அருமை

      Delete
  5. திரு ரபீக் அவர்களின் நடையில் கரந்தையார் தென்படுகிறார் தோழர்.
    இந்தக் கழிவறையை நம்நாட்டில் அறிமுகப்படுத்தப் பிரஞ்சுகாரர்கள் பட்ட பாட்டை அனந்தரங்கம பிள்ளையின் நாடகுறிப்பு ஆவணப்படுத்தியுள்ளது.
    சமுதாயப் பெரிய மனிதர்களின் ஒட்டுமொத்த எதிர்ப்பை பொது இடங்களில் இது போல அசுத்தப் படுத்தக் கூடாது என்கிற பிரெஞ்சு சட்டம் பெற்றது.
    கடுமையாக்கப்பட்ட சட்டத்தில் “வெளிக்கு“ சென்ற பல ஆயிரம் பேர் பிட்டத்தில் பிரம்படி பெற்றனர்.
    தாங்கள் ஆண்ட பகுதியில் சட்டத்தைக் கடுமையாக்கி இந்தியாவில் கழிவறைகளின் தந்தையராகப் பிரஞ்சு காரர்களே இருந்திருக்கின்றனர் எனத் தோன்றுகிறது.
    சாதாரண மக்கள்தான் இப்படி..
    அந்தக் காலத்து அரசர்கள் வெளிக்குப் போன கதை சுவாரசியமானது!

    தங்களின் பகிர்வு புதிய தகவலை அறியத்தந்தது.
    நன்றி

    ReplyDelete
    Replies
    1. அரசு என்றால் என்னவென்றே தெரியாதவர்கள் நம்ம அரசியல்வாதிகள்..

      விரிவான தகவலுக்கு நன்றி...

      ஜூவியில் படித்த விசயங்கள் நினைவில் வந்தன .

      Delete
  6. தமிழ்மணம் ஓட்டுப்பட்டை இல்லையே தோழர்?

    ReplyDelete
    Replies
    1. தமிழ் மனம் தற்காலிகமாக வேலை செய்யவில்லை இன்று காலை..
      மாலை சரியாகிவிட்டது

      Delete
  7. நானும் படித்தேன் சகோ...வித்தியாசமான பெண்..த.ம.ஓட்டு 3

    ReplyDelete
    Replies
    1. நன்றி சகோதரி..

      Delete
  8. பாராட்டுக்குரிய பெண்மணி! செய்தித்தாள்களில் வந்தபோது படித்தேன்! ஆனால் எனக்கும் பெயர் நினைவில் இல்லை! நன்றி!

    ReplyDelete
    Replies
    1. நன்றி ஸ்வாமிகள்

      Delete
  9. //இனிவரும் காலங்களில் பஞ்சாயத்துத் தேர்தல் முதல் பார்லிமெண்ட் தேர்தல் வரையிலும் போட்டியிட விண்ணப்பிப்பவர்கள், எந்த அளவு சுகாதாரத்திற்கு முன்னுரிமை கொடுக்கிறார்கள் என்பதைப் பொறுத்தே அவர்களின் விண்ணப்பங்களைப் பரிசீலிக்க வேண்டும்” என்கிறார் பிரியங்கா முத்தாய்ப்பாக.// மிக சரியாக சொல்லியிருக்கார் பிரியங்கா ..!!நல்ல பகிர்வு ..நன்றி சகோ

    ReplyDelete
    Replies
    1. நன்றி சகோதரி

      Delete
  10. இந்த தகவல் தெரியும். ஆனா அந்த பொண்ணு பெயர் இப்போ தான் தெரிஞ்சுகிட்டேன்.

    ReplyDelete
    Replies
    1. நன்றி கவிஞரே.

      Delete
  11. ““மகாசுந்தர் வலைப்பூவில் ‘மது‘வைக் காணோம்!““

    http://mahaasundar.blogspot.in/2014/11/blog-post.html

    ReplyDelete
  12. நல்ல தகவல்.!பிரியங்கா என்ற தீப்பொறி அந்தப் பகுதிக்கே ஒளிகொடுத்துவிட்டது.
    அந்த ஒளி நாடெங்கும் பரவவேண்டும்..உண்மையானவர்கள் விளம்பரத்துக்குகாக எதையும் செய்வதில்லை.உலகமும் அவர்களை உடன் அங்கீகரிப்பதில்லை என்பது சாபக்கேடு.!?.பட்டுக்கோட்டையின் வரிகள் தான் நினைவுக்குவருகின்றன.
    "உண்மை ஒருநாள் வெளியாகும் -அதில்
    உள்ளங்கள் எல்லாம் தெளிவாகும்.
    பொறுமை எல்லாம் புலியாகும் -அதில்
    பொய்யும் புரட்டும் பலியாகும்.!"
    ...அது சரி..எண்ணப் பறவையில் ஏன் மது இல்லை என "வெண்பா வேந்தர்" கேட்கிறார்..?

    ReplyDelete
    Replies
    1. அண்ணா வருக வணக்கம்
      நன்றி

      Delete
  13. செய்தித்தாளிலோ வேறு எதிலோ அண்மையில் படித்த நினைவு.
    பகிர வேண்டிய செய்தி. பிரியங்கா இந்தப் பிரியங்கா வையே முன்னுதாரணமாகக் கொண்டு, கட்சியையும் நாட்டையும் சுத்தப்படுத்தலாம். பகிர்வுக்கு ந்ன்றி மது.

    ReplyDelete
    Replies
    1. நன்றி அண்ணா.

      Delete
  14. பாராட்டப்பட வேண்டிய பெண்....
    வாழ்த்துக்கள்.

    ReplyDelete
    Replies
    1. நன்றி தோழர் குமார்.

      Delete
  15. அட இப்போதுதான் நண்பர் விமலின் பதிவில் கழிப்பறை குறித்த விசயங்களை படித்துவிட்டு இங்கே வந்தால், நீங்கள் பிரியங்கா மூலம் அதுகுறித்து கூறியுள்ளீர்கள்...

    விமல் அவர்களின் சுட்டி

    http://pazhaiyapaper.blogspot.in/2014/11/toilet-and-sanitation.html

    ReplyDelete
    Replies
    1. நன்றி சீனு.

      Delete
  16. அன்புள்ள அய்யா,

    பிரியங்கா! - யார் இவர்? முகநூல் நண்பர் திரு.ரபீக் அவர்களின் பதிவொன்றைப் பகிர்ந்தததை படித்தறிந்தேன்.

    தமிழகத்தில் அநேக கிராமங்களில் வீடுகளில் கழிவறைகள் இல்லாத நிலைமைதான் இன்னும் இருந்து கொண்டு தான் இருக்கிறது.

    கிராமத்துப் பெண் கழிப்பறை இல்லாத காரணத்திற்காகக் கணவன் வீட்டை விட்டு வெளியேறுவது இதுவரை நடந்திராத ஒன்றுதான். பிரியங்காவை பெருமைப்படுத்திய ’சுலப் இன்டர்நேஷ்னல்’ அவரின் வீட்டோடு ஒரு கழிப்பறையினைக் கட்டிக் கொடுத்தது. மேலும் இது போன்ற ஒரு புரட்சியான வெளிநடப்பு செய்து கிராமத்தில் கழிப்பறையின் அவசியம் பற்றிய விழிப்புணர்வை ஏற்படுத்தியமைக்காக ரூபாய் இரண்டு லட்சம் பரிசும் வழங்கிக் கௌரவித்திருக்கிறது எண்ணி அந்த அமைப்பிற்கு நன்றியும்...பிரியங்ககாவுக்கு பாராட்டையையும் தெரிவித்துக் கொள்வோம்.

    ReplyDelete
  17. பிரியங்காவை பற்றி நான் படித்துள்ளேன். இவரைத் தாங்கள் அறிமுகப்படுத்திய விதம் சிறப்பாக உள்ளது. நல்ல பதிவு. வாழ்த்துக்கள்.

    ReplyDelete
  18. பெண்கள் சமுதாயத்திற்கே முன்னுதாரணமாக விளங்கும் பெண்! பாராட்டி, வாழ்த்தப்பட வேண்டியப் பெண்! எத்தனை கிராமங்களில் பெண்கள் நம் தமிழகத்திலும் கருவேலங்காட்டை நாடிச் செல்கின்றனர்! இந்தப் பிர்யங்கா கண்டு கொள்ளப்பட்டாரே! விழிப்புணர்வை ஏற்படுத்தி வருவதற்கு! அதுவே மிகப் பெரிய விஷயம்! வாழ்த்துவோம்! அவரை!

    இப்பெண்ணைப் பற்றியும், கழிப்பறையின் அவசியத்தை வலியுறுத்தும், விழிப்புணர்வை ஏற்படுத்தும் ஒரு மிகப் பெரிய அழகான விரிவான கட்டுரை, பல மாதங்களுக்கு முன் பதிவர் விவரணம் நீலவண்ணன் அவர்கள் அருமையாக எழுதியிருந்தார். தற்போது அவரை வலைத்தளத்தில் காணவில்லை. ஏனென்று தெரியவில்லை. மிகவும் அருமையான பதிவர்! (தங்களைப் போன்று!)

    பிரியங்கா என்றவுடன் நல்ல காலம் எங்களுக்கு வேறு பிரியங்கா எல்லாம் நினைவுக்கு வரவில்லை! பக்கத்து வீட்டுக் குட்டிப் பெண்தான் நினைவுக்கு வந்தாள்!

    ReplyDelete

தங்கள் வருகை எனது உவகை...

Labels

12 Years a Slave (2013) 2001: எ ஸ்பேஸ் ஆடிசி A Walk Among the Tombstones Amr Waked Avengers Age of Ultron avms kaarthik bairava blogging tips buds to blossoms c.c.e Fast and Furious 8 Guardians of the Galaxy honour killings innovations in Marketing into the storm Iyothee Thass jci jci pudukkottai central kalvi kannaki kovil keezhadi khan's academy kochadaiyaan review Lucy(2014) spoiler madurai Min-sik Choi Morgan Freeman oblivion Rafeeq Friend robin williams rouge one 2016 sasikala for cm Scarlett Johansson shajakaan spoiler ssa T.V.18 yaathum oore episode 12 Tamil Short Story tesla motors thamizh thirai vimarsanm udayakkumar viswaroopam movie want to write ? www.ted.com X Standard Tamil Memory Songs Tamil Nadu X-Men: Days of Future Past அ பெ கா பண்பாட்டு இயக்கம் அ.பெ.கா அசத்தல் அரசுப் பள்ளி அச்சம் என்பது மடமையடா அப்பா அமெரிக்கா அம்மா அயோத்தி தாசர் அரசு ஊழியர்களின் குரல் அரசுப் பள்ளிகள் அரிமளம் பள்ளி அரைவல் அலைகள் அலையும் குரல்கள் அவென்ஜெர்ஸ் ஏஜ் ஆப் அல்ட்ரான் அறிவிப்புகள் அனுபவம் அன்னவாசல் கே. ரெங்கசாமி ஆஃபரா ஆங்கில கேட்டல் பயிற்சி ஆங்கிலத்தொடர்பாற்றல் ஆங்கிலப் படம் ஆங்கிலப் பயிற்சி ஆங்கிலம் ஆசிரியர் ஆசிரியர் தினம் ஆசிவகம் ஆசை தொடர் பதிவு ஆண்டனி ஆதிச்சநல்லூர் இசை இடஒதுக்கீடு இடைநிறுத்தம் இடைநிற்றல் இந்திய தேசிய ராணுவம் இந்தியா வரங்களும் சாபங்களும் இமான் இளையராஜா இறுதிச் சுற்று இனப்படுகொலை இன் டு தி ஸ்டார்ம் இன்னுமொரு சிறுகதை. புன்னகை இஸ்ரேல் ஈர்ப்பலைகள் ஈழம் ஈழம் சமுகம் உயிர்மை உலகின் பொருளாதாரக் கொள்கை உலோக உருக்கு ஆலை எக்ஸ்.மென் அபோகிளிப்ஸ் எட்ஜ் ஆப் டுமாரா எல்காம் எஸ்.எம்.எஸ். கொள்ளை ஏற்பாடுகள் ஐஸ் ஸ்டுபா ஒரு கோப்பை மனிதம் ஒரு முகநூல் பகிர்வு ஒலிம்பிக் ஒன்பதாம் வகுப்பு ஆங்கிலப் பாடம் ஓவியர்கள் கடிதம் கட்செவி பகிர்வு ஒன்று கட்டிடப் பொறியியல் கட்டுரைப் போட்டி கண்ணகி கோவில் கதிர்வேல் கதை திரைக்கதை வசனம் இயக்கம் கத்தி கயல் கருத்தாளிகள் கலாச்சராம் கலிலியோ அறிவியல் மையம். கல்வி கல்வித்துறை விழா கல்வியாண்டு கவண் கவிஞர் தங்கம் மூர்த்தி கவிஞர் நீலா கவிதை கவிதை அறிமுகம் கவிதை பகிர்வு கவிதைகள் கவிதைத் தொகுப்பு கவுரவக் கொலைகள் கற்க கசடற கற்பித்தல் யுக்திகள் கனகசபை ராமசாமி கனவில் வந்த காந்தி கனிமொழி காக்கா முட்டை காணொளிகள் சில காதர் காந்தி திரைப்படம் காப்டன் அப்பாஸ் அலி காப்புரிமை கார்டியன்ஸ் ஆப் தி காலக்ஸி கார்த்திக் கார்த்திக் கார்த்திக் காவியத் தலைவன் காற்றுவெளியிடை கிரமத்து குழந்தைகள் கிரேஸ் பிரதிபா கிரேஸ் பிரதீபாவின் துளிர் விடும் விதைகள் கிஷோர் டேவிட் ராஜ ராஜன் கீழடி குருநாதசுந்தரம் குழந்தை வளர்ப்பு குழந்தைகள் தினம் குறும்படம் கேவல் நதி கொசுவத்தி கொசுவர்த்தி கொஞ்சம் புதிய அறிவியல் கொஞ்சம் வெப் கொடி காத்த குமரன் கொம்பன் திரை விமர்சனம் கோச்சடையான் கோடை நகர்ந்த கதை கோபிநாத் கோவை ஆவி க்விஸ் சக்கரக்காலன் சக்தி சவுந்தர் ராஜன் சச்சின் சந்தானம் சந்திப்பு சந்திரமோகன் வெற்றிவேல் சந்தைப்படுத்துதல் சமுகம் சமுத்திரக்கனி சமூகம் சர்தார் வல்லபாய் பட்டேல் சாதனைப் பெண்மணிகள் சித்தன்னவாசல் ஓவியங்கள் சித்தன்னாவாசல் இலக்கிய சந்திப்பு சிவகார்த்திகேயன் சிறுகதை சினிமா சின்னவள் கவிதைத் தொகுப்பு சீனு சுகு சுயபுராணம் சுரபி சுரேந்தர் சூப்பர்மென் வெர்சஸ் பாட்மேன் செந்தூரன் பாலிடெக்னிக் செந்தூரன் பாலியின் தொடர் சாதனை செல்பி செவன்த் சென்ஸ் செவென்த் சென்ஸ் சொன்னாங்க சோ ஸ்வீட் வலைப்பூ ஞானாலயா ஆவணப் படம் டாக்டர் ஸ்ட்ரேஞ் டான் ஆப் ஜஸ்டிஸ் டி.எம்.என்.டி Teenage Mutant Ninja Turtles (2014) டினா அரீனா டெல்லி சம்பவம் ட்ரான்ஸ்பார்மர்ஸ் ஏஜ் ஆப் எக்ஸ்டின்ஷன் தங்கமகன் தஞ்சை தபால்காரர் தமிழ் தமிழ் ஹிந்து தமிழ்ச் செம்மல் விருது தயான் சந்த் தர்மதுரை தலைமைப் பண்பு தலைவாரி பூச்சூடி தாயம்மாள் தாய்மொழி தாரை தப்பட்டை தி இத்தாலியன் ஜாப் தி பிரஸ்டீஜ் தி.ஆலை பள்ளி தியாக வரலாறு திருச்சி புகைப்பட பொருட்கள் கண்காட்சி. நிகழ்வுகள் திரை இசை திரை வி மர்சனம் திரை விமர்சனம் திரைவிமர்சனம் தீபிகா படுகோன் தீரன் சின்னமலை துவரங்குறிச்சி தேவதைகளால் தேடப்படுபவன் தேறி தொடர்பதிவு தொலைகாட்சி 18 தொல்காப்பியர் விருது தொழில் நுட்பம் தொழில் முனைவு தோழர் ரபீக் பதிவு நகை நடாஷா ரைட் நடிகர் சங்கத் தேர்தல் நத்தார் தின வாழ்த்துக்கள் நந்தன் ஸ்ரீதரன் நமக்கு நாமே திட்டம் நம்பிக்கை மனிதர்கள். நம்மாழ்வார் நலம் நன்றிகள் நாகூர் ரூமி நாடகக் கலைஞர்கள் நாயகர்கள் நாளைய மனிதர்களின் நேற்று நான் ஒரு குழந்தை நிகழ்வு நிகழ்வுகள் நிகில் நிறுவனம் நிகில் பயிற்சி நிலைப்பாடுகள் நிழல் பதியம் நீட் பார் ஸ்பீட் நீயா நானா நுட்பம் நூர் டீச்சர் நூல் அறிமுகம் நூல் விமர்சனம் நேர நிர்வாக தளம் நேர நிர்வாகம் நேர மேலாண்மை பக்தி படிக்க வேண்டாத பதிவுகள் பட்லர் பணமதிப்பு நீக்கம் பணிநிறைவு பதிவர் சந்திப்பு 2014 பதிவர் சந்திப்பு 2015 பதிவர் சந்திப்பு 2015 ஆல்பம் பதிவர் திருவிழா 2015 பத்தாம் வகுப்பு ஆங்கிலப் பாடம் பயிற்சிகள் பயிற்சித்துறை பலூஸ்சிஸ்தான் பள்ளி பள்ளிக்கல்வி பாகுபலி பாட்டன் காட்டைத் தேடி பாபநாசம் பாரதி புத்தகாலயம் பாரத் ஸ்டேஜ் 4 பாஸ்ட் அண்ட் ஃபியூரியஸ் 7 Fast and Furious 7 பாஸ்ட் அண்ட் ஃபியூரியஸ் 8 பாஸ்ட் எய்ட் பிட் டோரறேன்ட் பிரபு சாலோமோன் பிராங்கின் படங்கள் பிரார்த்தனை பிரித்தாளுதல் பிரியங்கா பிரேமா தக்ஷிணாமூர்த்தி பிரேம்சந்த் பு.கோ.சரவணன் புகைப்படத் தொகுப்பு புதியவன் புதுகை குளம் மீட்பு புதுகை செல்வா புதுகை தொல்லியல் ஆய்வுக் கழகம். புதுகையின் கல்வி முகங்கள் புதுக்கோட்டை புதுக்கோட்டை மாவட்ட பாறை ஓவியங்கள் புள்ளிகள் புறம்போக்கு பெரியார் பெற்றோர் பேப்பர் ஒன்று பேராசிரியர் அ. தட்சிணாமூர்த்தி பைரவா பொது பொதுப் போக்குவரத்து மேம்பாடு பொற்பனைக்கோட்டை போட்டிகள் ப்ரோசன் ப்ளாகர் டிப்ஸ் மணிகண்டன் ஆறுமுகம் மதுரை மதுரை வரலாறு மரபு வழி நடை மராத்திய மொழிப் படங்கள் மலர்தரு மழைமனிதர்கள் மனிதர்கள் மாட் மாக்ஸ் ஃபியூரி ரோட் Mad_Max:_Fury_Road மாணவர் போராட்டம் மாண்பு மிகு மகளிர் - அறிவியல் சுடர்கள் மாண்புமிகு மகளிர் மாதொரு பாகன் மாத்யு ப்ளோரிஸ் மாமழை நினைவுகள் மார்க் அண்டோனி மாறாப்புன்னகை மாற்றத்தின் முகங்கள் மியான்மர் மிருதன் மிஷன் இம்பாசிபிள் 5 Mission Imposible Rogue Nation முகநூல் முகநூல் நிலைத்தகவல்கள் முகநூல் பகிர்வு முத்துக்கிருஷ்ணன் முத்துநிலவன் முனைவர் மு பிரபு முனைவர் ஜம்புலிங்கம் முனைவர். அருள்முருகன் மூன்று புத்தகங்கள் வெளியீடும் குடும்ப விழாவும் மெட்ராஸ் மெமரி கார்ட் மேன்மை இதழ் அறிமுகம் மொழி மொழித்திறன் மோசன் காப்ச்சர் யாதும் ஊரே யாழியின் இரண்டு தொகுப்புகள் ரபீக் ரபீக் பகிர்வு ரம்ஜான் ரவீந்திரன் ரஜனி ரஷ் ரஹ்மான் ராஜ கோபால தொண்டைமான் ராஜ சுந்தர்ராஜன் ராஜசுந்தர்ராஜன் ராஜா சுந்தர்ராஜன் ராஜேஷ் வைத்யா ரிச்சர்ட் அட்டன்பரோ ரியோ ஒலிம்பிக் ருத்ரையா ரோக் ஒன் movie review ரோஹித் வேமுலா லாரீனா லூசி லோகன் 2017 வகுப்பறை அனுபவங்கள் வகை ஒன்று வணக்கம் வண்ணதாசன் வலைச்சரம் வலைப்பதிவர் மாநாடு வலைப்பூ நுட்பம் வள ஆசிரியர்கள் வாசிப்பு வாசிப்பு அனுபவப்பகிர்வு வாழ்த்துக்கள் வாழ்வியல் திறன்கள் பயிற்சி. வாழ்வியல் திறன்கள் பயிற்சி. தன்னை அறிதல் பயிற்சி வானவில் விடுதலை வேள்வியில் வீரத் தமிழர்கள் விடைபெறல் விதைக்கலாம் வித்டிராயல் சிம்ப்டம் விப்லாஷ் விருது விவசாயம் விஜய் டீ.வி விஜூ கனைக்ட் விஷாலின் விஸ்வரூபம் வீணை இசை வீதி கூட்டம் வீதிக் கூட்டம் வீதிக்கூட்டம் வீரபாண்டிய கட்டபொம்மன் வீரமுரசு சுப்பிரமணிய சிவா வெயிலில் நனைந்த மழை வெர்சடைல் ப்ளாகர் விருது வெள்ளைப் புலி வெற்றி இலக்கியம் வைகறை வைகறையின் ஜெய் நல நிதி ஜல்லிக்கட்டு ஜாக்கி சேகர் ஜாதவ் ஜூராசிக் வோர்ல்ட் ஜெயப் பிரபு ஜெர்மனி ஜே.சி. பயிற்சி ஜேசி இயக்கம் ஜோக்கர் ஜோசப் விஜூ ஷபானா பாஸிஜ் ஷாமிலா தலுவத் ஷாருக்கான் ஷான் கருப்புசாமி ஷாஜகான் ஸ்டான்லி குப்ரிக் ஸ்பாய்லர் ஸ்பிலிட் ஸ்ரீதர் சுப்பிரமணியன் ஹாக்ஸா ரிட்ஜ் ஹாண்ட்ஸ் ஆப் ஸ்டீல் ஹாலிவுட் ஹெர்குலிஸ்