எலிஷியம்

மாட் டாமன் ஹீரோவாக,கொஞ்சம் காதல், கொஞ்சம் ஏழை பணக்காரர்கள் யுத்தம் கொஞ்சம் தியாகம் அனைத்தையும் ஒரு சீசாவில் போட்டு குலுக்கி கொஞ்சம் அறிவியல் புனைவை சேர்த்து ஸ்க்ரிப்ட் எழுதினால் அது எலிசியம்.

மாட் டாமன்
2154லில் ஏழைகள் புவியில் நாய்வாழ்க்கை வாழ்கிறார்கள். சரியான வேலை இல்லை, உணவு இல்லை மருத்துவம் இல்லை. அவர்களின் வாழ்நாள் கனவெல்லாம் ஒன்றே ஒன்று அது எப்படியாவது எலிசியம் செல்லவேண்டும் என்பதே. எலிசியம், புவியை கைவிட்டு விண்வெளியில் சொகுசு வாழ்க்கை வாழும் ஆகப்பெரும் பணக்காரர்களின் விண்வெளி குடியிருப்பு. 

அங்கே கிடைக்கும் மெட்பெட் வைத்தியம் முதுமையை விரட்டி இளமையை தரும், போலியோவை விரட்டி வலுவான கால்களை தரும். ஒரு சர்வரோக நிவாரணி. வீட்டிற்கு ஒரு மெட்பெட் இருக்கிறது.
எலிசிய வாசிகள் சும்மா போய் படுத்தாலே அவர்களின் உடல் உபாதைகள் கேன்சர் உட்பட குணமாகிவிடுகிறது! இப்படி ஒரு மருத்துவத்திற்காக ஏங்கும் புவி ஏழைகள் என்ன பாடுபட்டு அங்கு செல்கிறார்கள். அவர்கள் எப்படி அழிக்கப்படுகிறார்கள் என விரிகிறது படம். 

மாட் டாமன் (தி போர்ன் ஐடென்டிட்டி புகழ்) ஒரு ரோபோ போலிசை தயாரிக்கும் நிறுவனத்தில் வேலைப்பார்க்கிறார். ஒரு விபத்தில் கதிரியக்கத்தில் மாட்டி வெறும் ஐந்து நாள்தான் வாழாலாம் என்கிற நிலைக்கு வந்துவிடுகிறார். அப்புறம் என்ன ஒரு மெட்பெட் தேவை. 

ஜோடி பாஸ்டர்,
எலிசியத்திற்கு ஆட்களை கடத்தும் ஸ்பைடர் ஒரு ஒப்பந்தின் அடிப்படையில் மாக்சிர்க்கு உதவ தயாராகிறார். ஒரு முக்கியமான ஆளின் தலையில் இருக்கும் தகவலை மாக்ஸ் தனது தலையில் மாற்றிக்கொள்ள வேண்டும். மாக்ஸ் தாக்க வேண்டியது எலிசியத்திற்கு ஆபரேட்டிங் சிஸ்டம் எழுதிய ஒரு ப்ரோக்ராமரை! டேட்டா மாற்றத்தின் பின் செத்துக்கொண்டிருக்கும் அந்த ப்ரோக்ராமர் மாக்சின் தலையில் இருந்து அந்த முக்கியமான டேட்டாவை எடுக்க முயற்சித்தால் மாக்ஸ் மரணிக்கும்படி மாற்றிவிட்டு சொகுசாக செத்துப்போகிறான். அப்புறம் என்ன ஆச்சு என்பவர்கள் படத்தை திரையில் பார்க்கலாம். நல்ல படம் தான்.

வில்லியம் பிச்னர், ப்ரோக்ராமர்
கதிரியக்கத்தில் மாட்டி முதலுதவியில் இருக்கும் தொழிலாளியின் தோல் படுக்கையில்  கழண்டு விழக்கூடாது அவனை அப்படியே வெளியில் அனுப்பு என்று அசால்ட்டாக சொல்லும் குரூர முதலாளி, அதிகார வெறிபிடித்த எலிஷிய செயலர் (ஜோடி பாஸ்டர்) என பல பாத்திரங்கள் மின்னுகின்றன.

இவர்கள் எல்லோரையும் தூக்கி சாப்பிடும் சூப்பர் வில்லன் க்ரூகர் செய்யும் அதகளம், அவன் பயன்படுத்தும் அதிநவீன ஆயுதங்கள் வாவ்.
ஷார்ல்டோ கூப்லி, சூப்பர் வில்லன்

ஒருமுறை பாருங்கள் 2154இல் உண்மையிலேயே நடக்க வாய்ப்பு இருக்கிறது.
ஒரு நல்ல சயன்ஸ் பிச்சன்..


அன்பன்
மது.

அனைவருக்கும் இனிய நத்தார் (கிருஸ்த்மஸ்) நல்வாழ்த்துக்கள்.




Comments

  1. சகோவிற்கு வணக்கம்
    ஆஹா! என்னும் வகையில் மிக அருமையாக ஒரு ஹாலிவுட் படத்தின் கதையை விமர்சனம் செய்திருப்பது கண்டு வியப்பு ஏற்பட்டாலும் தங்கள் நண்பர் ஜாக்கிசேகர் அவர்களின் தாக்கம் என்பது புரிகிறது. விமர்சனத்தைப் பார்த்தவுடன் முழுப்படத்தையும் பார்க்க வேண்டும் என தூண்டும் வகையில் அமைந்தது சிறப்பு. பகிர்வுக்கு நன்றி சகோதரர்..

    ReplyDelete
    Replies
    1. திண்டுக்கல் தனபாலன் அய்யாவிற்கு பின்னர் வலையுலகில் பின்னூட்டம் இவ்வளவு விரைவாக யாரும் தருவதாக தெரியவில்லை வாழ்த்துக்கள் நன்றி..

      அப்புறம் இது எப்டி இருக்கு
      http://thamizhkalanjiyam.blogspot.in/

      Delete
  2. சுருக் நறுக் விமர்சனம்... நன்றி...

    தைப்பொங்கலை முன்னிட்டு மாபெரும் சிறப்புக் கட்டுரைப் போட்டி...

    விளக்கம் : http://dindiguldhanabalan.blogspot.com/2013/12/Pongal-Special-Article-Contest.html

    ReplyDelete
    Replies
    1. நன்றி அண்ணா

      அப்புறம் இது எப்டி இருக்கு
      http://thamizhkalanjiyam.blogspot.in/

      Delete

Post a Comment

வருக வருக