விதை வீசி வினையறுப்போம்

பசுமைச்சித்தர்
தீன தயாளன்

பயணங்கள் தான் உண்மையான கல்விமுறை என்பார் எஸ்.ரா. அது உண்மைதான் என்பது போல ஒரு நிகழ்வு. ஒரு பயிற்சிக்காக ஈரோடு செல்லவேண்டியிருந்தது.  நிகில் நிறுவன பயிற்சிகளுக்கு செல்லும் பொழுது சக பயிற்சியாளர்களுடன் உரையாடுவதால் கிடைக்கும் தகவல்கள் எல்லாமே பயன்பெறத்தக்கவையே. கரூர் துவங்கி ஈரோடுவரை செல்லும் வழியில் ராமநாதபுரத்தின் ஒரு கி ஜேசி  திரு.தீனதயாளன் அவர்களை  திரு அஸ்வத் கேள்விகளால் துளைத்தெடுத்தார். நான் தீனாவின் பதில்களை பொறுமையாக கேட்டுக் கொண்டுவந்தேன்.

தீனா "விதை வீசி வினையறுப்போம்" என்பதை விளக்கிய பொழுது உண்மையில் அசந்துபோனேன். வினை (துன்பம்,பாவம்) தீர நமது முன்னோர் வழக்கு இது. ஒரு விருட்சத்தின் விதையை வீசி, அது வளரும் பொழுது அதன் நிழலில் இளைப்பாரும் மனிதர்களும் விலங்கினங்களும் வாழ்த்துவார்கள். (அந்தக் காலத்தில் மரத்தை வெட்டி போராட்டம் எல்லாம் செய்ய மாட்டார்கள் அல்லவா ?) இது விதைத்தவருக்கு ஒரு புண்ணியமாக போய்ச்சேரும் என்று சொல்லிவந்திருக்கிறார்கள்.

உண்மையில் இயற்கையோடு எத்துனை இசைவாய் வாழ்ந்திருக்கிறது தமிழினம். இந்தப் பதமே(தலைப்பு) எனக்கு இந்த பயணத்தில்தான் தெரியும். நன்றி தீனா. மேலும் நவகிரக மரங்கள், ராசிக்கொரு மரம் என இவரது பேச்சு மறந்து போன பழைய ப்ரோக்மாட்டிக் ஆன்மீகத்தை எனக்கு அறிமுகம் செய்தது.

மேலும் தீனாவின் ஜி.எப்.சி கிரீன் பிரண்ட்ஸ் சர்கிள் (சி.எப்.சிக்கு ரைமிங்கா) குறித்தும் அறிந்தேன். எப்படி ஒரு நர்சரியை நடத்த வேண்டும், மேட்டுப்பாத்தி என்றால் என்ன, அமிர்த கரைசல் என பசுமை விவசாயத்தை குறித்து நீண்ட நேரம் பேசிக்கொண்டிருந்தார் தீனா.

தீனாவை வைத்து ஒரு நிகழ்வை புதுகையில் நடத்தவேண்டும் என்று முடிவு செய்திருக்கிறேன். மாடித் தோட்டம் அமைதல், நர்சரி கன்றுகள் வளர்ப்பு, பசுமை விவசாயம் குறித்தும் பயிற்சி தர தீன தயார். நான்தான் தயாராக வேண்டியிருக்கிறது.

முடிகிற இடங்களில் விதைகளை வீசுங்கள்.

பாப்போம்
மது.

இந்தப் பதிவில் கொஞ்சம் பணம்

விக்கிபீடியர் ரவிசங்கரின் ஒரு பயனுள்ள பகிர்வு

வலையில் பணம்

இது சுமார் நான்கு கட்டுரைகளாக தொடர்கிறது பொறுமையாக படிங்க, பணம் பண்ணுங்க.