திருச்சி புகைப்பட பொருட்கள் கண்காட்சி. நிகழ்வுகள்

விடுதலை  கொண்டாட்ட நாள் மதியம் திருச்சியில் நடைபெற்ற புகைப்பட கருவிகள் கண்காட்சிக்கு போவதாக ஸ்ரீயிடம் ஏற்கனவே சொல்லியிருந்தேன்.



மதியம் புறப்பட்டு ஒரு நான்கு மணிக்கு கண்காட்சி நடந்த கலைஞர் அறிவாலயம் அடைந்தோம். அசத்தும்  விதத்தில் கட்டப்பட்டிருந்தது அறிவாலயம். பதிவு முடிந்ததும் அரங்கத்தை பார்க்க ஆரம்பித்தோம்.

ஆன் தி ஸ்பாட் ஹெச் டி வீடியோ மிக்சர்கள் வரவேற்றன. விலை சும்மா நாலு லெட்ச்சங்கள்  மட்டுமே. அடுத்ததாக எங்களை மிகவும் கவர்ந்த ஸ்ரீ வெங்கடேஷ்வரா போட்டோ ஸ்டுடியோ பார்வைக்கு வைத்திருந்த விதவிதமான போட்டோ பிரேம்கள். செமையான கலக்சன். பரிசுப் பொருள்களுக்கு நல்ல தேர்வு.

இப்படி பல்வேறு மின்னணு சாதனங்களை பார்த்த போதுதான் எங்கள் பள்ளி எல்.சி.டிக்கு ஒரு விடிவு கிடைத்தது.

இயல்பாகவே காமிரா ஆர்வம் உள்ளவன் என்பதால் மட்டுமே இந்த கண்காட்சிக்கு சென்றேன். அங்கே எனக்கு  ஒரு இனிய பரிசாக கிடைத்துதான் எல்.சி.டி ஐடியா.

அரங்கில் ஒரு புகைப்படக் கண்காட்சியும் ஏற்பாடு செய்யப்பட்டிருந்தது. காமிராவை விடாமல் வேலை வாங்கினேன். அங்கேயே ஒருவர் எதோ ஷூட்டிங்கிற்கு ரெடியான மாதிரி நின்று கொண்டிருந்தார்.

மெல்லப் பேசியதில் அவர்தான் நாங்கள் ரசித்துப் பார்த்துக்கொண்டிருந்த படங்களைப் எடுத்த சம்பந்தன் என்பது தெரிந்தது. நீண்ட நேரம் பேசிக் கொண்டிருந்தோம். ஒரு ராடி லென்ஸ் போட்டு நிலாவை ஒரு  ஷாட் எடுத்திருந்தார் மனிதர். நிலவுப் பள்ளங்களெல்லாம் தெரிந்தது. பாதிப் படங்களை பழைய பில்ம் காமிராவில் எடுத்ததாக சொன்னார். பனோரமிக் காட்சிகளை அவர் எடுத்ததை விளக்கினார். அருமை.

அப்போது அங்கே வந்த ஒரு பெண்மணி வெகு இயல்பாக எங்களிடம் அங்கே இருந்த படங்கள் குறித்துப் பேசினார். காமிரா குறித்துப்  பேசிய அவர் நீண்ட காலம் காமிரா வுமனாக இருப்பதாகவும், செவன் டி காமிரவினைப் பயன்படுத்திவருதாகவும் சொன்னார்.

வெண்ணிலா போட்டோஸ் என்பது அவரது நிறுவனத்தின் பெயர். உண்மையில் பாராட்டுக்கு உரிய விசயம்தான்.

சம்பந்தன், வெண்ணிலா போன்ற புதிய நண்பர்கள் மற்றும் காணக் கிடைக்காத புகைப்படங்கள் என  ஒரு நல்ல அனுபவத்தோடு ஹோட்டல் ரகுநாத்தில் இரவு உணவை முடித்துவிட்டு புதுகை திரும்பினோம்.

சந்திப்போம்
அன்பன்
மது