Wednesday, 3 September 2014

விடுதலை வேள்வியில் வீரத் தமிழர்கள் - 17

உயர்திரு ஷாஜகான் அவர்களின் முகநூல் பதிவுத் தொடர்


தந்தை பெரியார்

ஈ.வெ. ராமசாமி நாயக்கர் என்னும் அந்த மனிதருக்கு பெண்கள் மாநாடுதான் பெரியார் என்று பெயர் வைத்து அழைத்தது. அவருடைய நாத்திகக் கொள்கை, வைக்கம் போராட்டம், திராவிடர் கழகம் .... இப்படிப்பல செய்திகள் நாம் அறிந்திருக்கிறோம்.


1879ஆம் ஆண்டு செப்டம்பர் 17ஆம் நாள் ஈரோடு நகரில் வசதியான குடும்பத்தில் பிறந்தவர் ராமசாமி. பள்ளிப்பருவத்தில் குறும்புக்காரர். அதனால் பள்ளிக்கே போக வேண்டாம் என்று நிறுத்தப்பட்டார். 19 வயது ராமசாமியின் மாமன் மகள் 13 வயது நாகம்மை. பண வசதி இல்லாததால் அவரை முதியவர் ஒருவருக்குத் திருமணம் செய்ய இருப்பதாகத் தெரியவந்த ராமசாமி, தன் பெற்றோரின் மறுப்பையும் மீறி நாகம்மையை திருமணம் செய்து கொண்டார்.
சிறுவயதிலிருந்தே கடவுள் நம்பிக்கை இல்லாதவராக இருந்தவர் ராமசாமி. ஆயினும் தேவஸ்தானக் கமிட்டியில் பல ஆண்டுகள் உறுப்பினராக இருந்தார். சுயநலம் கருதாப் பணிகளின் காரணமாக பதவிகள் அவரைத் தேடி வந்தன. 1919ஆம் ஆண்டு ஈரோடு நகரசபைத் தலைவர் ஆனார். ஈரோடு நகரில்தான் தமிழகத்தின் முதல் மேல்நிலைத் தொட்டி அமைக்கப்பட்டது. ராமசாமி, ஈ.வெ.ரா. எனப் பெயர் பெற்றார்.

1907ஆம் ஆண்டு முதலாகவே காங்கிரஸ் இயக்கத்தின்பால் ஈர்க்கப்பட்டார். வெள்ளையர்களை விரட்டினால்தான் இந்தியர்கள் நலமாக வாழ முடியும். அதற்காகப் போராடும் காங்கிரஸ் இயக்கத்தில் சேர வேண்டும் என்று எண்ணினார். ஒரே நாளில் தான் வகித்து வந்த அனைத்துப் பதவிகளையும் ராஜிநாமா செய்துவிட்டு காங்கிரசில் இணைந்தார்.

வசதியாக வாழ்ந்துவந்த ஈ.வெ.ரா. எளிமையான வாழ்வை மேற்கொண்டார். கதர் அணிய ஆரம்பித்தார். 80 வயதான தாயார் சின்னத் தாயம்மை, தங்கை கண்ணம்மா, மனைவி நாகம்மாள் ஆகியோரையும் கதர் அணியச் செய்தார். திருச்செங்கோட்டில் கதர் ஆசிரமத்தைத் துவக்கினார். கதர் துணிகளை த் தலையில் சுமந்து ஊர்ஊராகச் சென்று விற்பனை செய்தார். மதுவிலக்குப் பிரச்சாரத்தில் ஈடுபாடு கொண்டார், தன் தோட்டத்தில் காய்த்துக் கொண்டிருந்த 500 தென்னை மரங்களை வெட்டிச் சாய்த்தார்.

1919ஆம் ஆண்டு அமிர்தசரசில் நடைபெற்ற காங்கிரஸ் மாநாட்டில் பங்கேற்றார். தமிழகம் திரும்பியதும் காங்கிரஸ் இயக்கத்தில் தீவிரமாக ஈடுபட்டார். கள்ளுக்கடை மறியலுக்குத் தலைமை தாங்கினார். சிறை சென்றார். அவருக்குப் பிறகு அவரது குடும்பத்தினரும் கள்ளுக்கடை மறியலில் ஈடுபட்டு சிறை சென்றனர். ஈரோட்டில் இருந்த அவரது சொந்தக் கட்டிடத்தில் இந்திப் பிரச்சார வகுப்பை ஆரம்பித்தார். இதைத் துவக்கி வைத்தவர் மோதிலால் நேரு.

தாழ்த்தப்பட்ட வகுப்பினர் ஊருக்குள் சுதந்திரமாக நடந்து செல்ல முடியாத நிலை இருப்பதைக் கண்டித்து வைக்கம் சத்தியாக்கிரம் நடத்தி சிறை சென்றார் ஈ.வெ.ரா. அவர் சிறை சென்றதும் மனைவியும் தங்கையும் வைக்கம் போராட்டத்தைத் தொடர்ந்தார்கள். கேரளத்தில் தீண்டாமை ஒழிப்புப் போராட்டம் பெரும் கிளர்ச்சியாக மூண்டது. மன்னர் இறந்தபிறகு, அரசியார் போராட்டக்காரர்களுடன் பேச்சுவார்த்தை நடத்தி, போராட்டத்தை முடிவுக்குக் கொண்டுவந்தார். 21-6-1925 முதல் வைக்கம் வீதிகளில் அனைத்து சாதியினரும் நடக்கலாம் என்று அரசு உத்தரவிட்டது. அடுத்து வந்தது கோயில்களில் அனைத்து சாதியினரும் நுழையலாம் என்பதற்கான மாநாடு. இதிலும் வெற்றி கிடைத்தது. கதர் பிரச்சாரத்தில் வெள்ளையர் ஆட்சிக்கு எதிராகப் பிரச்சாரம் செய்ததற்காக சிறைவாசம் அனுபவித்தார் ஈ.வெ.ரா.

இவ்வாறு காங்கிரஸ் இயக்கத்தில் முனைப்பாக இருந்த ஈ.வெ.ரா., வகுப்புவாதத்தை எதிர்த்துக் குரல் கொடுத்தார். வகுப்புரிமைக்காக காங்கிரஸ் மாநாடுகளில் அவர் கொண்டுவந்த தீர்மானம் ஏற்கப்படவில்லை. எனவே காங்கிரசிலிருந்து வெளியேறினார். சுய மரியாதை இயக்கம் பிறந்தது. குடியரசு இதழ் துவக்கப்பட்டது. பின்னர் புரட்சி என்னும் வார இதழைத் துவக்கினார். குடியரசு இதழில் எழுதிய கட்டுரைக்காக மீண்டும் சிறை சென்றார். ஈ.வெ.ரா. முன்வைத்த வேலைத்திட்டத்தை நீதிக்கட்சி ஏற்றுக்கொண்டதால், நீதிக் கட்சியை ஆதரித்தார். பகுத்தறிவு வார இதழ் துவக்கப்பட்டது. 1935ஆம் ஆண்டு விடுதலை இதழ் பிறந்தது, இன்றும் வெளியாகிக் கொண்டிருக்கிறது.

1938 நவம்பர் 13ஆம் நாள் சென்னையில் நடைபெற்ற மகளிர் மாநாட்டில்தான் மறைமலையடிகளின் மகள் நீலாம்பிகை அம்மையார், பெரியார் என்ற பட்டம் வழங்கினார். என எந்த தொண்டு செய்து பழுத்த பழம் என்று பாரதிதாசன் பாடிய பெரியார், 1973 டிசம்பர் 24ஆம் நாள், 95 வயதில் உயிர்நீத்தார்.
*
பி.கு. - இன்று பெரும்பான்மை மக்கள் பெரியார் வலியுறுத்திய கொள்கைகளிலிருந்து வெகுதூரம் சென்று விட்டார்கள் என்றாலும், கடவுள் மறுப்பு, சாதி எதிர்ப்பு, சுயமரியாதை, பெண்கள் முன்னேற்றம், பகுத்தறிவு, திராவிடம் போன்ற சொற்களோடு இணைந்த - பிரிக்க முடியாத அடையாளமாக இருக்கிறார் பெரியார் என்பது இக்கட்டுரையை தட்டச்சு செய்யும்போது சட்டெனத் தோன்றியது. He has become synonymous with these terms.
‪#‎விடுதலை_வேள்வியில்_வீரத்தமிழர்கள்‬

7 comments:

  1. பகிர்விற்கு நன்றி அண்ணா
    பி,கு. உண்மைதான் ..அதோடு சேர்த்து கள்ளுக்கடை மறியலும்

    ReplyDelete
    Replies
    1. நன்றி சகோதரி...

      Delete
  2. கண்டிப்பாக சார். திராவிட கட்சிகளின் அடையாளமாக திகழ்வது பெரியார் தான். அவருடைய விடுதலை நாள் எதிர்ப்பைத் தவிர அனைத்திலும் உடன்படுகிறவன் நான்.

    ReplyDelete
    Replies
    1. விடுதலை நாள் எதிர்ப்பின் நியாயங்கள் புரிந்தால் எலோரும்தான் எதிர்ப்பார்கள்.

      Delete
    2. எத்துனை நியாயங்களும் அநியாயங்கள் இருந்தாலும் 300 ஆண்டு அடிமைப்பட்டுக்கிடந்த தேசத்தின் விடுதலை தினத்தை எதிர்ப்பது என்பது ????

      Delete
  3. வணக்கம்

    அறியாத பல தகவல்கள் சுமந்த வண்ணம் பதிவு ஒளிர்கிறது... பகிர்வுக்கு நன்றி
    -நன்றி-
    -அன்புடன்-
    -ரூபன்-

    ReplyDelete
    Replies
    1. நன்றி சகோ ரூபன்

      Delete

தங்கள் வருகை எனது உவகை...

Labels

12 Years a Slave (2013) 2001: எ ஸ்பேஸ் ஆடிசி A Walk Among the Tombstones Amr Waked Avengers Age of Ultron avms kaarthik bairava blogging tips buds to blossoms c.c.e Fast and Furious 8 Guardians of the Galaxy honour killings innovations in Marketing into the storm Iyothee Thass jci jci pudukkottai central kalvi kannaki kovil keezhadi khan's academy kochadaiyaan review Lucy(2014) spoiler madurai Min-sik Choi Morgan Freeman oblivion Rafeeq Friend robin williams rouge one 2016 sasikala for cm Scarlett Johansson shajakaan society spoiler ssa T.V.18 yaathum oore episode 12 Tamil Short Story tasmac tesla motors thamizh thirai vimarsanm udayakkumar viswaroopam movie want to write ? www.ted.com X Standard Tamil Memory Songs Tamil Nadu X-Men: Days of Future Past அ பெ கா பண்பாட்டு இயக்கம் அ.பெ.கா அசத்தல் அரசுப் பள்ளி அச்சம் என்பது மடமையடா அப்பா அமெரிக்கா அம்மா அயோத்தி தாசர் அரசு ஊழியர்களின் குரல் அரசுப் பள்ளிகள் அரிமளம் பள்ளி அரைவல் அலைகள் அலையும் குரல்கள் அவென்ஜெர்ஸ் ஏஜ் ஆப் அல்ட்ரான் அறிவிப்புகள் அனுபவம் அன்னவாசல் கே. ரெங்கசாமி ஆஃபரா ஆங்கில கேட்டல் பயிற்சி ஆங்கிலத்தொடர்பாற்றல் ஆங்கிலப் படம் ஆங்கிலப் பயிற்சி ஆங்கிலம் ஆசிரியர் ஆசிரியர் தினம் ஆசிவகம் ஆசை தொடர் பதிவு ஆண்டனி ஆதிச்சநல்லூர் இசை இடஒதுக்கீடு இடைநிறுத்தம் இடைநிற்றல் இந்திய தேசிய ராணுவம் இந்தியா வரங்களும் சாபங்களும் இமான் இளையராஜா இறுதிச் சுற்று இனப்படுகொலை இன் டு தி ஸ்டார்ம் இன்னுமொரு சிறுகதை. புன்னகை இஸ்ரேல் ஈர்ப்பலைகள் ஈழம் ஈழம் சமுகம் உயிர்மை உலகின் பொருளாதாரக் கொள்கை உலோக உருக்கு ஆலை எக்ஸ்.மென் அபோகிளிப்ஸ் எட்ஜ் ஆப் டுமாரா எல்காம் எஸ்.எம்.எஸ். கொள்ளை ஏற்பாடுகள் ஐஸ் ஸ்டுபா ஒரு கோப்பை மனிதம் ஒரு முகநூல் பகிர்வு ஒலிம்பிக் ஒன்பதாம் வகுப்பு ஆங்கிலப் பாடம் ஓவியர்கள் கடிதம் கட்செவி பகிர்வு ஒன்று கட்டிடப் பொறியியல் கட்டுரைப் போட்டி கண்ணகி கோவில் கண்ணேநலமா - கண்ணாடி பவர் குறைபாடுகள் கதிர்வேல் கதை திரைக்கதை வசனம் இயக்கம் கத்தி கயல் கருத்தாளிகள் கலாச்சராம் கலிலியோ அறிவியல் மையம். கல்வி கல்வித்துறை விழா கல்வியாண்டு கவண் கவிஞர் தங்கம் மூர்த்தி கவிஞர் நீலா கவிதை கவிதை அறிமுகம் கவிதை பகிர்வு கவிதைகள் கவிதைத் தொகுப்பு கவுரவக் கொலைகள் கற்க கசடற கற்பித்தல் யுக்திகள் கனகசபை ராமசாமி கனவில் வந்த காந்தி கனிமொழி காக்கா முட்டை காணொளிகள் சில காதர் காந்தி திரைப்படம் காப்டன் அப்பாஸ் அலி காப்புரிமை கார்டியன்ஸ் ஆப் தி காலக்ஸி கார்த்திக் கார்த்திக் கார்த்திக் காவியத் தலைவன் காற்றுவெளியிடை கிரமத்து குழந்தைகள் கிரேஸ் பிரதிபா கிரேஸ் பிரதீபாவின் துளிர் விடும் விதைகள் கிஷோர் டேவிட் ராஜ ராஜன் கீழடி குருநாதசுந்தரம் குழந்தை வளர்ப்பு குழந்தைகள் தினம் குறும்படம் கேவல் நதி கொசுவத்தி கொசுவர்த்தி கொஞ்சம் புதிய அறிவியல் கொஞ்சம் வெப் கொடி காத்த குமரன் கொம்பன் திரை விமர்சனம் கோச்சடையான் கோடை நகர்ந்த கதை கோபிநாத் கோவை ஆவி க்விஸ் சக்கரக்காலன் சக்தி சவுந்தர் ராஜன் சச்சின் சந்தானம் சந்திப்பு சந்திரமோகன் வெற்றிவேல் சந்தைப்படுத்துதல் சமுகம் சமுத்திரக்கனி சமூகம் சர்தார் வல்லபாய் பட்டேல் சாதனைப் பெண்மணிகள் சித்தன்னவாசல் ஓவியங்கள் சித்தன்னாவாசல் இலக்கிய சந்திப்பு சிவகார்த்திகேயன் சிறுகதை சினிமா சின்னவள் கவிதைத் தொகுப்பு சீனு சுகு சுயபுராணம் சுரபி சுரேந்தர் சூப்பர்மென் வெர்சஸ் பாட்மேன் செந்தூரன் பாலிடெக்னிக் செந்தூரன் பாலியின் தொடர் சாதனை செல்பி செவன்த் சென்ஸ் செவென்த் சென்ஸ் சொன்னாங்க சோ ஸ்வீட் வலைப்பூ ஞானாலயா ஆவணப் படம் டாக்டர் ஸ்ட்ரேஞ் டான் ஆப் ஜஸ்டிஸ் டி.எம்.என்.டி Teenage Mutant Ninja Turtles (2014) டினா அரீனா டெல்லி சம்பவம் ட்ரான்ஸ்பார்மர்ஸ் ஏஜ் ஆப் எக்ஸ்டின்ஷன் தங்கமகன் தஞ்சை தபால்காரர் தமிழ் தமிழ் ஹிந்து தமிழ்ச் செம்மல் விருது தயான் சந்த் தர்மதுரை தலைமைப் பண்பு தலைவாரி பூச்சூடி தாயம்மாள் தாய்மொழி தாரை தப்பட்டை தி இத்தாலியன் ஜாப் தி பிரஸ்டீஜ் தி.ஆலை பள்ளி தியாக வரலாறு திருச்சி புகைப்பட பொருட்கள் கண்காட்சி. நிகழ்வுகள் திரை இசை திரை வி மர்சனம் திரை விமர்சனம் திரைவிமர்சனம் தீபிகா படுகோன் தீரன் சின்னமலை துவரங்குறிச்சி தேவதைகளால் தேடப்படுபவன் தேறி தொடர்பதிவு தொலைகாட்சி 18 தொல்காப்பியர் விருது தொழில் நுட்பம் தொழில் முனைவு தொழில்முனைவு தோழர் ரபீக் பதிவு நகை நடாஷா ரைட் நடிகர் சங்கத் தேர்தல் நத்தார் தின வாழ்த்துக்கள் நந்தன் ஸ்ரீதரன் நமக்கு நாமே திட்டம் நம்பிக்கை மனிதர்கள். நம்மாழ்வார் நலம் நன்றிகள் நாகூர் ரூமி நாடகக் கலைஞர்கள் நாயகர்கள் நாளைய மனிதர்களின் நேற்று நான் ஒரு குழந்தை நிகழ்வு நிகழ்வுகள் நிகில் நிறுவனம் நிகில் பயிற்சி நிலைப்பாடுகள் நிழல் பதியம் நீட் பார் ஸ்பீட் நீயா நானா நுட்பம் நூர் டீச்சர் நூல் அறிமுகம் நூல் பட்டியல் நூல் விமர்சனம் நேர நிர்வாக தளம் நேர நிர்வாகம் நேர மேலாண்மை பக்தி படிக்க வேண்டாத பதிவுகள் பட்லர் பணமதிப்பு நீக்கம் பணிநிறைவு பதிவர் சந்திப்பு 2014 பதிவர் சந்திப்பு 2015 பதிவர் சந்திப்பு 2015 ஆல்பம் பதிவர் திருவிழா 2015 பத்தாம் வகுப்பு ஆங்கிலப் பாடம் பயிற்சிகள் பயிற்சித்துறை பலூஸ்சிஸ்தான் பள்ளி பள்ளிக்கல்வி பாகுபலி பாட்டன் காட்டைத் தேடி பாபநாசம் பாரதி புத்தகாலயம் பாரத் ஸ்டேஜ் 4 பாஸ்ட் அண்ட் ஃபியூரியஸ் 7 Fast and Furious 7 பாஸ்ட் அண்ட் ஃபியூரியஸ் 8 பாஸ்ட் எய்ட் பிட் டோரறேன்ட் பிரபு சாலோமோன் பிராங்கின் படங்கள் பிரார்த்தனை பிரித்தாளுதல் பிரியங்கா பிரேமா தக்ஷிணாமூர்த்தி பிரேம்சந்த் பு.கோ.சரவணன் புகைப்படத் தொகுப்பு புதியவன் புதுகை குளம் மீட்பு புதுகை செல்வா புதுகை தொல்லியல் ஆய்வுக் கழகம். புதுகையின் கல்வி முகங்கள் புதுக்கோட்டை புதுக்கோட்டை மாவட்ட பாறை ஓவியங்கள் புள்ளிகள் புறம்போக்கு பெரியார் பெற்றோர் பேப்பர் ஒன்று பேராசிரியர் அ. தட்சிணாமூர்த்தி பைரவா பொது பொதுப் போக்குவரத்து மேம்பாடு பொற்பனைக்கோட்டை போட்டிகள் ப்ரோசன் ப்ளாகர் டிப்ஸ் மணிகண்டன் ஆறுமுகம் மதத்தீவிரவாதம் மதுரை மதுரை வரலாறு மரபு வழி நடை மராத்திய மொழிப் படங்கள் மலர்தரு மழைமனிதர்கள் மனிதர்கள் மாட் மாக்ஸ் ஃபியூரி ரோட் Mad_Max:_Fury_Road மாணவர் போராட்டம் மாண்பு மிகு மகளிர் - அறிவியல் சுடர்கள் மாண்புமிகு மகளிர் மாதொரு பாகன் மாத்யு ப்ளோரிஸ் மாமழை நினைவுகள் மார்க் அண்டோனி மாறாப்புன்னகை மாற்றத்தின் முகங்கள் மியான்மர் மிருதன் மிஷன் இம்பாசிபிள் 5 Mission Imposible Rogue Nation முகநூல் முகநூல் நிலைத்தகவல்கள் முகநூல் பகிர்வு முத்துக்கிருஷ்ணன் முத்துநிலவன் முனைவர் மு பிரபு முனைவர் ஜம்புலிங்கம் முனைவர். அருள்முருகன் மூன்று புத்தகங்கள் வெளியீடும் குடும்ப விழாவும் மெட்ராஸ் மெமரி கார்ட் மேன்மை இதழ் அறிமுகம் மொழி மொழித்திறன் மோசன் காப்ச்சர் யாதும் ஊரே யாழியின் இரண்டு தொகுப்புகள் ரபீக் ரபீக் பகிர்வு ரம்ஜான் ரவீந்திரன் ரஜனி ரஷ் ரஹ்மான் ராஜ கோபால தொண்டைமான் ராஜ சுந்தர்ராஜன் ராஜசுந்தர்ராஜன் ராஜா சுந்தர்ராஜன் ராஜேஷ் வைத்யா ரிச்சர்ட் அட்டன்பரோ ரியோ ஒலிம்பிக் ருத்ரையா ரோக் ஒன் movie review ரோஹித் வேமுலா லாரீனா லூசி லோகன் 2017 வகுப்பறை அனுபவங்கள் வகை ஒன்று வணக்கம் வண்ணதாசன் வலைச்சரம் வலைப்பதிவர் மாநாடு வலைப்பூ நுட்பம் வள ஆசிரியர்கள் வாசிப்பு வாசிப்பு அனுபவப்பகிர்வு வாழ்த்துக்கள் வாழ்வியல் திறன்கள் பயிற்சி. வாழ்வியல் திறன்கள் பயிற்சி. தன்னை அறிதல் பயிற்சி வானவில் விடுதலை வேள்வியில் வீரத் தமிழர்கள் விடைபெறல் விதைக்கலாம் வித்டிராயல் சிம்ப்டம் விப்லாஷ் விருது விவசாயம் விஜய் டீ.வி விஜூ கனைக்ட் விஷாலின் விஸ்வரூபம் வீணை இசை வீதி கூட்டம் வீதிக் கூட்டம் வீதிக்கூட்டம் வீரபாண்டிய கட்டபொம்மன் வீரமுரசு சுப்பிரமணிய சிவா வெயிலில் நனைந்த மழை வெர்சடைல் ப்ளாகர் விருது வெள்ளைப் புலி வெற்றி இலக்கியம் வைகறை வைகறையின் ஜெய் நல நிதி ஜல்லிக்கட்டு ஜாக்கி சேகர் ஜாதவ் ஜூராசிக் வோர்ல்ட் ஜெயப் பிரபு ஜெர்மனி ஜே.சி. பயிற்சி ஜேசி இயக்கம் ஜோக்கர் ஜோசப் விஜூ ஷபானா பாஸிஜ் ஷாமிலா தலுவத் ஷாருக்கான் ஷான் கருப்புசாமி ஷாஜகான் ஸ்டான்லி குப்ரிக் ஸ்பாய்லர் ஸ்பிலிட் ஸ்ரீதர் சுப்பிரமணியன் ஹாக்ஸா ரிட்ஜ் ஹாண்ட்ஸ் ஆப் ஸ்டீல் ஹாலிவுட் ஹெர்குலிஸ்