Friday, 12 September 2014

விடுதலை வேள்வியில் வீரத் தமிழர்கள் முன்னுரை




1857இல் நடைபெற்ற சிப்பாய்க்கலகம்தான் முதல் சுதந்திரப் போராட்டம் என்று வரலாற்றாசிரியர்கள் கூறி வந்துள்ளனர். சிப்பாய்க் கலகம் என்பது வெள்ளையர் வைத்த பெயர், சிப்பாய்ப் புரட்சி என்பது இந்தியர்கள் வைத்த பெயர். ஆனால் அதுதான் சுதந்திரத்துக்கான முதல் போராட்டமா என்பது கேள்விக்குரியதுதான். அதற்கும் நூறு ஆண்டுகள் முன்னரே தெற்கே விடுதலைப் போராட்டத்திற்கான குரல்கள் ஒலிக்கத் துவங்கிவிட்டன.



ஆங்கிலேயர்களுக்கு சிம்மசொப்பனமாக விளங்கிய மைசூர் புலி திப்பு சுல்தானின் போராட்டத்தை விடுதலைப்போரின் துவக்கம் என்று கூறலாம். 1857இல் ஜான்சி ராணியின் போராட்டத்திற்கு போராட்டத்திற்கு முன்னரே 1824இல் கிட்டூர் ராணி சென்னம்மாள் ஆங்கிலேயர் ஆதிக்கத்திற்கு எதிராக ஆயுதமேந்திப் போராடினார். அவருக்கும் கால் நூற்றாண்டுக்கும் முன்னதாகவே திருவிதாங்கூரைச் சேர்ந்த வேலுத்தம்பி, கொச்சியைச் சேர்ந்த பாலியத்தச்சன், மலபாரைச் சேர்ந்த பழசி ராஜா ஆகியோரின் போராட்டங்கள் குறிப்பிடத்தக்கவை. வேலுத்தம்பியின் போராட்டம் 1806ஆம் ஆண்டில் நடந்தது. அதற்கும் முன்னதாக, 1792இல் துவங்கி ஒன்பதாண்டு காலம் நடைபெற்ற பாஞ்சாலங்குறிச்சிப் போர்தான் இந்திய விடுதலைப்போரின் முதல் நிகழ்ச்சியா, இல்லை, நெற்கட்டான்செவ்வல் என்ற பகுதியை ஆண்டுவந்த பூலித்தேவனின் போராட்டம்தான் முதல் விடுதலைப் போராட்டமா என்று 1960களில் தமிழகத்தில் விவாதம் நடந்தது. சிற்றரசர்களின் போராட்டங்களை விடுதலைப் போராட்டமாக வகைப்படுத்த முடியாது என்று ஒருசாராரும், ஆங்கிலேயரின் ஆதிக்கத்திற்கு எதிரான போராட்டம் எதுவுமே விடுதலைப் போராட்டத்தின் பங்குதான் என்று ஒருசாராரும் கருதுகின்றனர்.

விடுதலைப் போராட்டத்தில் தமிழகத்தின் பங்கு வேறெந்த மாநிலங்களின் பங்கைக் காட்டிலும் குறைந்த்தல்ல. ஆயினும், விடுதலைப் போராட்டம் என்றாலே திலகர், காந்திஜி, தாதாபாய் நவ்ரோஜி, பகத்சிங், நேரு, சுபாஷ் போன்ற பெயர்கள்தான் பெரும்பாலான வரலாற்று நூல்களில் இடம் பெறுகின்றன.

விடுதலைப் போரில் தமிழகத்தின் பங்கை விவரிக்கும் புத்தகங்கள் மிக அரிது. சிலம்புச்செல்வர் ம.பொ.சி. அவர்கள் எழுதிய விடுதலைப் போரில் தமிழகம் என்ற முதன்மையான நூலும், ஸ்டாலின் குணசேகரன் எழுதிய விடுதலை வேள்வியில் தமிழகம் என்ற அண்மைக்கால நூலும் இல்லையென்றால், தமிழர்களுக்கே தமது வரலாறு குறித்து முழுமையாகத் தெரிய வந்திருக்காது.

வீரபாண்டிய கட்டபொம்மன், வ.உ.சி. இவர்களைப் பற்றிய திரைப்படங்கள் வந்த்தால் இவர்களின் பெயர்கள் பரவலாக அறியப்பட்டன. காமராஜர், ராஜாஜி போன்றவர்கள் விடுதலைக்குப் பின்னர் தமிழக அரசியலில் குறிப்பிடத்தக்க பங்கு வகித்ததால் அவர்களின் பெயர்களும் தமிழர்களுக்கு நினைவில் இருக்கின்றன. திராவிட இயக்கத்தின் தந்தை பெரியார் அவர்கள் வைக்கம் வீர்ர் என்ற பட்டம் பெற்றவர். ஆனால் அவர் காங்கிரஸ் கட்சியில் தீவிர உறுப்பினராக இருந்தார் என்பதையும், கதர்த்துணிகளை மூட்டையாகக் கட்டி தலையில் சுமந்துசென்று விற்றார் என்பதையும் பலர் அறிய மாட்டார்கள். வாஞ்சிநாதன், சுப்பிரமணிய சிவா போன்ற போராளிகளின் பெயர்களை எத்தனைபேர் அறிவார்கள்?

சுதந்திரப் போராட்டத்தை ஒடுக்குவதற்கு ஆங்கிலேய அரசு அனைத்து விதமான அடக்குமுறைகளையும் பயன்படுத்தியது. ஆயுதம் இன்றி அகிம்சை வழியில் சத்தியாக்கிரகப் போராட்டத்தில் ஈடுபட்டவர்களைக்கூட கண்மூடித்தனமாகத் தாக்கியது. “தடிகள் கொடுத்திருப்பதன் நோக்கம் அடிப்பதற்காகத்தான், அச்சுறுத்துவதற்காக அல்ல. தலைமை அதிகாரியின் ஆணை இல்லாமலே தடியடி நடத்தும் சக்தியும் தைரியமும் போலீஸ்காரர்களுக்கு இருக்க வேண்டும்” என்பது ஆங்கிலேய அரசு காவல் துறையினருக்கு அளித்த அறிவுரை.

உப்புச் சத்தியாக்கிரகத்தின்போது காந்திஜி கைதுசெய்யப்பட்டார். அவரைத் தொடர்ந்து இயக்கத்தின் தலைமை ஏற்றார் அப்பாஸ் த்யாப்ஜி. அவரும் கைதானபின் வந்தார் சரோஜினி நாயுடு. அந்த சத்தியாக்கிரகத்தின்போது நேரில் பார்த்த அமெரிக்கப் பத்திரிகை நிருபர் வெப் மில்லர் உருக்கமான சொற்களில் அங்கு நடந்த்தை விவரித்தார். கடைசியில் அவர் எழுதினார் –

“எதிர்ப்பு எதுவும் காட்டாத தொண்டர்கள் தடிகளால் தாக்கப்பட்டு இரத்தக் குவியலில் கிடந்த காட்சியைக் காணச் சகிக்காமல் பலமுறை நான் முகத்தைத் திருப்பிக்கொள்ள வேண்டியதாயிற்று. எதுவும் செய்ய வகையில்லாத ஆத்திரமும் வெறுப்பும் அடங்கிய இனமறியாத உணர்வு என்னை ஆட்கொண்டது.”

இப்படி தடியடிக்கும் துப்பாக்கிச் சூட்டுக்கும் சிறைக்கொடுமைக்கும் உள்ளாகி உயிர் துறந்தோர் எண்ணற்றோர். ஆயுள் முழுவதும் முடமாகிப் போனவர்கள் எண்ணற்றோர். ஆங்கிலேய அடக்குமுறை குறித்து அறியவந்த அந்நியர்களின் குழு ஒன்று, அரசின் கொடூரத்தனங்களைக் கண்டித்து அறிக்கை எழுதியது. இந்த அறிக்கையைப் படித்த தத்துவஞானி பெர்ட்ரண்ட் ரஸ்ஸல் எழுதினார் –

“உலகில் நாகரிகமான எந்த அரசும் கையாளாத கொடிய அடக்குமுறைகளை இந்தியாவில் பிரிட்டிஷ் ஆட்சியாளர்கள் கையாள்கிறார்கள். ஜெர்மனியில் நாஜிகளின் கொடுமைகளைப்பற்றி அறிந்தபோது நம்மில் வெகுளாதவர் எவரும் இல்லை. ஆனால் அதேபோன்ற கொடுமைகளை இந்தியாவில் பிரிட்டிஷ் ஆட்சியாளரும் செய்கின்றனர் என்பதை இங்கிலாந்தில் உள்ள மிகச்சிலரே அறிவர்.”

வெள்ளையரின் கொடுமைகளை வெள்ளையரே கண்டிக்கும் அளவுக்கு அடக்குமுறைகள் நிகழ்ந்தன. அதையும் மீறித்தான் நமது முன்னோர்கள் சுதந்திரத்திற்காகப் போராடினார்கள், இரத்தம் சிந்தினார்கள், விடுதலை பெற்றார்கள். நேதாஜி சுபாஷ் சந்திர போஸ் இந்திய தேசிய ராணுவத்தை உருவாக்கியபோது அப்படையின் அனைத்து நிலைகளிலும் முன்னிலை வகித்தவர்கள் தமிழர்கள். நேதாஜியின் அழைப்பை ஏற்று படையில் சேர ஆயிரமாயிரம் தமிழர்கள் முன்வந்தார்கள். நாடகம் என்றாலே தொலைக்காட்சி நாடகம் அல்லது நகைச்சுவை நாடகம் என்றாகிப் போய்விட்ட இன்றைய நிலையில், நாடக மேடையை நாட்டு விடுதலைக்காகப் பயன்படுத்திய வரலாற்றை எத்தனைபேர் அறிவார்கள்?

இப்படிப் போராடிய பல்லாயிரம் இந்தியர்களில் பெயர் குறிப்பிடும் அளவுக்குப் புகழ் பெறாதவர்கள், போராட்ட வரலாற்றின் சுவடும்கூட இல்லாமல் போனவர்கள் எண்ணற்றோர். இந்தச் சிறிய நூல் அத்தகைய தியாக தீபங்களுக்குக் காணிக்கை.

இன்றைய தலைமுறையும் நாளைய தலைமுறையும் நம் விடுதலைப் போராட்ட வீர வரலாற்றை மறந்து விடுமோ என்ற அச்சம் எழுந்துள்ளது. தகவல் தொழில்நுட்ப வளர்ச்சியும், தொலைக்காட்சிகளின் ஆதிக்கமும் சேர்ந்து, மக்களின் வாழ்க்கை முறைகளை புரட்டிப்போட்டிருக்கிற நிலைதான் இன்றைய நிலை.

சுதந்திர தினத்தன்று தில்லித் தமிழ்ச் சங்கத்தில் என்ன நிகழ்ச்சிகளை நடத்தலாம் என்று ஆலோசிக்கப்பட்டது. விடுதலைப் போரில் பங்கேற்ற வீரத் தமிழர்களின் பங்களிப்பை அனைவரும் அறியும் வகையில் சிறியதோர் நூலை வெளியிடலாம் என்று நண்பர் ஒருவர் ஆலோசனையை முன்வைத்தார். சுதந்திர தினத்தன்று இந்நூலை வெளியிட்டு, அனைவருக்கும் இலவசமாக அளிக்கலாம் என்று முடிவு செய்யப்பட்டது. (இது நடந்தது 2002இல்.)

விடுதலைப்போரில் ஈடுபட்ட தமிழர்கள் அத்தனைபேரின் வரலாறும் பதியப்பட வேண்டும் என்பது என் அவா. அது சாத்தியமற்றது என்றும் புரிந்தே இருக்கிறது. இந்தப் பிரசுரத்துக்காக முயன்றபோது சில தலைவர்களைப் பற்றிய செய்திகள் துணுக்குகளாகத்தான் கிடைத்தன. பலரின் புகைப்படங்கள் கிடைக்கவில்லை. சிலரின் வாழ்க்கை வரலாறு கிடைக்கவில்லை. எனவே, இந்தப் பிரசுரம் மிகச்சிறிய முயற்சி என்பதைத் தெரிவித்துக்கொள்ள விரும்புகிறேன். (அப்போதுதான் இணையம் பரவலாகத் துவங்கியிருந்தது. இப்போது இருப்பதுபோல தகவல்கள் கொட்டிக் கிடக்கவில்லை.)

நன்கு அறியப்பட்டவர்களைப் பற்றிய அறியப்படாத செய்திகளையும், அறியப்படாமல் போனவர்களைப் பற்றிய செய்திகளையும் இந்நூல் சுட்டிச் செல்கிறது. கால அவகாசம் இன்மையால் நாமக்கல் கவிஞர், கல்கி, அவினாசிலிங்கம் செட்டியார் போன்றவர்களைப் பற்றிய தகவல்களைத் திரட்டியும்கூட, முழுமை பெறாததால் அவற்றை சேர்க்க இயலாமல் போனது.

இந்தக் குறுநூலை உருவாக்கத் துணைநின்ற நூல்களின் ஆசிரியர்கள், பதிப்பாளர்கள் ஆகியோருக்கும், வேண்டுகோளை ஏற்று மின்னஞ்சலில் சில தகவல்களை அளித்த முகம் தெரியாத நண்பர்களுக்கும் நன்றி.

ஆடுவோமே பள்ளுப் பாடுவோமே
ஆனந்த சுதந்திரம் அடைந்து விட்டோமென்று...
எங்கும் சுந்திரம் என்பதே பேச்சு – நாம்
எல்லாரும் சம்மென்பது உறுதியாச்சு
சங்கு கொண்டே வெற்றி ஊதுவோமே – இதை
தரணிக்கெல்லாம் எடுத்து ஓதுவோமே...

சுதந்திரத்திற்கு முன்பு கற்பனையில்தான் ஆனந்தப் பள்ளுப் பாடினான் பாரதி. அந்தக் கற்பனையை நிஜமாக்க உழைத்த நல்லவர்களுக்கு இந்நாளில் அஞ்சலி செலுத்துவோம். பெற்ற சுதந்திரத்தைப் போற்றி மதிப்போம் என்று உறுதிகொள்வோம்.

*

பி.கு. 1. 2000 வாக்கில் இதை எழுதத் துவங்கியிருந்தேன். அப்போது பன்மொழிப் போர்ட்டல் ஒன்றில் தமிழப்பிரிவின் பொறுப்பாசிரியராக இருந்தபோது, இதைத் தொடராக வெளியிட்டேன். பிறகு 2002இல் முன்னுரையில் குறிப்பிட்டவாறு நூல் வடிவில் கொண்டுவரும்போது ஒரே பக்கத்திற்குள் அடக்க வேண்டும் என்பதற்காக அங்கங்கே வெட்டப்பட்டது. துரதிர்ஷ்டவசமாக, வலைதளத்தில் எழுதியவற்றை சேமித்து வைத்திருந்த குறுந்தகடு காணாமல் போய்விட்டது. பிரசுரம் மட்டுமே கையில் இருக்கிறது, அதிலிருந்தே மறுவெளியீடு செய்யப்படுகிறது.
2.இப்பிரசுரம் சாமானிய வாசகர்களுக்காக எளிய மொழியில் எழுதப்பட்டதால் நூலில் ஆதாரங்களாக அடிக்குறிப்புகள் தராமல் விட்டுவிட்டேன். தவறு செய்துவிட்டேன் என்பது இப்போது புரிகிறது.

ஆக்கம் ஷாஜகான் அவர்கள்
புது தில்லி
அனுமதி பெற்ற பகிர்வு 

3 comments:

  1. நல்லதொரு பகிர்வு சார், உண்மையாகவே விடுதலைப் போரில் தமிழகம் அளப்பறிய பங்கை ஆற்றியிருக்கிறது என்பது நிஜத்திலும் சத்தியம். ஆனாலும் அது அதிகம் ஊடக வெளிச்சத்திற்குப் போகவில்லை என்பது தான் விசயம்.

    ReplyDelete
  2. மிகவும் சிறப்பான கட்டுரை...
    வாழ்த்துக்கள்.

    ReplyDelete
  3. விடுதலைப் போராட்டத்தில் தமிழகத்தின் பங்கு வேறெந்த மாநிலங்களின் பங்கைக் காட்டிலும் குறைந்த்தல்ல. ஆயினும், விடுதலைப் போராட்டம் என்றாலே திலகர், காந்திஜி, தாதாபாய் நவ்ரோஜி, பகத்சிங், நேரு, சுபாஷ் போன்ற பெயர்கள்தான் பெரும்பாலான வரலாற்று நூல்களில் இடம் பெறுகின்றன.//

    உண்மையே! சுதந்திரப் போராட்ட வரலாற்றில் தென்னகத்து/தமிழகத்து வீரர்கள் அதிகம் பேசப்படுவதில்லை! சுதந்திரப் போராட்டம் சிப்பாய் கலகத்திற்கு முன்னரே ஆரம்பித்துவிட்டது என்றாலும் ;அதைப் பற்றியும் வரலாற்றில் அதிகம் இல்லை...அதாவது நமக்கு அறியப்படும் வரலாற்றில்....

    மிக அருமையான தொடர்....தொடர்கின்றோம்...பகிர்வுக்கு மிக்க நன்றி தோழரே!

    ReplyDelete

தங்கள் வருகை எனது உவகை...

Labels

12 Years a Slave (2013) 2001: எ ஸ்பேஸ் ஆடிசி A Walk Among the Tombstones Amr Waked Avengers Age of Ultron avms kaarthik bairava blogging tips buds to blossoms c.c.e Fast and Furious 8 Guardians of the Galaxy honour killings innovations in Marketing into the storm Iyothee Thass jci jci pudukkottai central kalvi kannaki kovil keezhadi khan's academy kochadaiyaan review Lucy(2014) spoiler madurai Min-sik Choi Morgan Freeman oblivion personal change positive attitude வெற்றி இலக்கியம் Rafeeq Friend robin williams rouge one 2016 sasikala for cm Scarlett Johansson shajakaan society spoiler ssa T.V.18 yaathum oore episode 12 Tamil Short Story tasmac tesla motors thamizh thirai vimarsanm udayakkumar viswaroopam movie want to write ? War for the Planet of the Apes www.ted.com X Standard Tamil Memory Songs Tamil Nadu X-Men: Days of Future Past அ பெ கா பண்பாட்டு இயக்கம் அ.பெ.கா அசத்தல் அரசுப் பள்ளி அச்சம் என்பது மடமையடா அப்பா அமெரிக்கா அம்மா அயோத்தி தாசர் அரசு ஊழியர்களின் குரல் அரசுப் பள்ளிகள் அரிமளம் பள்ளி அரைவல் அலைகள் அலையும் குரல்கள் அவென்ஜெர்ஸ் ஏஜ் ஆப் அல்ட்ரான் அறிவிப்புகள் அனுபவம் அன்னவாசல் கே. ரெங்கசாமி ஆஃபரா ஆங்கில கேட்டல் பயிற்சி ஆங்கிலத்தொடர்பாற்றல் ஆங்கிலப் படம் ஆங்கிலப் பயிற்சி ஆங்கிலம் ஆசிரியர் ஆசிரியர் தினம் ஆசிவகம் ஆசை தொடர் பதிவு ஆண்டனி ஆதிச்சநல்லூர் இசை இடஒதுக்கீடு இடைநிறுத்தம் இடைநிற்றல் இந்திய தேசிய ராணுவம் இந்தியா வரங்களும் சாபங்களும் இமான் இளையராஜா இறுதிச் சுற்று இனப்படுகொலை இன் டு தி ஸ்டார்ம் இன்னுமொரு சிறுகதை. புன்னகை இஸ்ரேல் ஈர்ப்பலைகள் ஈழம் ஈழம் சமுகம் உயிர்மை உலகின் பொருளாதாரக் கொள்கை உலோக உருக்கு ஆலை எக்ஸ்.மென் அபோகிளிப்ஸ் எட்ஜ் ஆப் டுமாரா எல்காம் எஸ்.எம்.எஸ். கொள்ளை ஏற்பாடுகள் ஐஸ் ஸ்டுபா ஒரு கோப்பை மனிதம் ஒரு முகநூல் பகிர்வு ஒலிம்பிக் ஒன்பதாம் வகுப்பு ஆங்கிலப் பாடம் ஓவியர்கள் கடிதம் கட்செவி பகிர்வு ஒன்று கட்டிடப் பொறியியல் கட்டுரைப் போட்டி கண்ணகி கோவில் கண்ணேநலமா - கண்ணாடி பவர் குறைபாடுகள் கதிர்வேல் கதை திரைக்கதை வசனம் இயக்கம் கத்தி கயல் கருத்தாளிகள் கலாச்சராம் கலிலியோ அறிவியல் மையம். கல்வி கல்வித்துறை விழா கல்வியாண்டு கவண் கவிஞர் தங்கம் மூர்த்தி கவிஞர் நீலா கவிதை கவிதை அறிமுகம் கவிதை பகிர்வு கவிதைகள் கவிதைத் தொகுப்பு கவுரவக் கொலைகள் கற்க கசடற கற்பித்தல் யுக்திகள் கனகசபை ராமசாமி கனவில் வந்த காந்தி கனிமொழி காக்கா முட்டை காணொளிகள் சில காதர் காந்தி திரைப்படம் காப்டன் அப்பாஸ் அலி காப்புரிமை கார்டியன்ஸ் ஆப் தி காலக்ஸி கார்த்திக் கார்த்திக் கார்த்திக் காவியத் தலைவன் காற்றுவெளியிடை கிரமத்து குழந்தைகள் கிரேஸ் பிரதிபா கிரேஸ் பிரதீபாவின் துளிர் விடும் விதைகள் கிஷோர் டேவிட் ராஜ ராஜன் கீழடி குருநாதசுந்தரம் குழந்தை வளர்ப்பு குழந்தைகள் தினம் குறும்படம் கேவல் நதி கொசுவத்தி கொசுவர்த்தி கொஞ்சம் புதிய அறிவியல் கொஞ்சம் வெப் கொடி காத்த குமரன் கொம்பன் திரை விமர்சனம் கோச்சடையான் கோடை நகர்ந்த கதை கோபிநாத் கோவை ஆவி க்விஸ் சக்கரக்காலன் சக்தி சவுந்தர் ராஜன் சச்சின் சதுர ஆவுடைகள் சந்தானம் சந்திப்பு சந்திரமோகன் வெற்றிவேல் சந்தைப்படுத்துதல் சமுகம் சமுத்திரக்கனி சமூகம் சர்தார் வல்லபாய் பட்டேல் சாதனைப் பெண்மணிகள் சித்தன்னவாசல் ஓவியங்கள் சித்தன்னாவாசல் இலக்கிய சந்திப்பு சிவகார்த்திகேயன் சிறுகதை சினிமா சின்னவள் கவிதைத் தொகுப்பு சீனு சுகு சுய முன்னேற்றம் சுயபுராணம் சுரபி சுரேந்தர் சூப்பர்மென் வெர்சஸ் பாட்மேன் செந்தூரன் பாலிடெக்னிக் செந்தூரன் பாலியின் தொடர் சாதனை செல்பி செவன்த் சென்ஸ் செவென்த் சென்ஸ் சொன்னாங்க சோ ஸ்வீட் வலைப்பூ ஞானாலயா ஆவணப் படம் டாக்டர் ஸ்ட்ரேஞ் டான் ஆப் ஜஸ்டிஸ் டி.எம்.என்.டி Teenage Mutant Ninja Turtles (2014) டினா அரீனா டெல்லி சம்பவம் ட்ரான்ஸ்பார்மர்ஸ் ஏஜ் ஆப் எக்ஸ்டின்ஷன் தங்கமகன் தஞ்சை தபால்காரர் தமிழ் தமிழ் ஹிந்து தமிழ்ச் செம்மல் விருது தயான் சந்த் தர்மதுரை தலைமைப் பண்பு தலைவாரி பூச்சூடி தாயம்மாள் தாய்மொழி தாரை தப்பட்டை தி இத்தாலியன் ஜாப் தி பிரஸ்டீஜ் தி.ஆலை பள்ளி தியாக வரலாறு திருச்சி புகைப்பட பொருட்கள் கண்காட்சி. நிகழ்வுகள் திரை இசை திரை வி மர்சனம் திரை விமர்சனம் திரைவிமர்சனம் தீபிகா படுகோன் தீரன் சின்னமலை துவரங்குறிச்சி தேவதைகளால் தேடப்படுபவன் தேறி தொடர்பதிவு தொலைகாட்சி 18 தொல்காப்பியர் விருது தொல்லியல் ஆய்வுக் கழகம் தொல்லியல் சான்றுகள் தொழில் நுட்பம் தொழில் முனைவு தொழில்முனைவு தோழர் ரபீக் பதிவு நகை நடாஷா ரைட் நடிகர் சங்கத் தேர்தல் நத்தார் தின வாழ்த்துக்கள் நந்தன் ஸ்ரீதரன் நமக்கு நாமே திட்டம் நம்பிக்கை மனிதர்கள். நம்மாழ்வார் நலம் நன்றிகள் நாகூர் ரூமி நாடகக் கலைஞர்கள் நாயகர்கள் நாளைய மனிதர்களின் நேற்று நான் ஒரு குழந்தை நிகழ்வு நிகழ்வுகள் நிகில் நிறுவனம் நிகில் பயிற்சி நிலைப்பாடுகள் நிழல் பதியம் நீட் பார் ஸ்பீட் நீயா நானா நுட்பம் நூர் டீச்சர் நூல் அறிமுகம் நூல் பட்டியல் நூல் விமர்சனம் நேர நிர்வாக தளம் நேர நிர்வாகம் நேர மேலாண்மை நேர்மறைச் சிந்தனை பக்தி படிக்க வேண்டாத பதிவுகள் பட்லர் பணமதிப்பு நீக்கம் பணிநிறைவு பதிவர் சந்திப்பு 2014 பதிவர் சந்திப்பு 2015 பதிவர் சந்திப்பு 2015 ஆல்பம் பதிவர் திருவிழா 2015 பத்தாம் வகுப்பு ஆங்கிலப் பாடம் பயிற்சிகள் பயிற்சித்துறை பலூஸ்சிஸ்தான் பள்ளி பள்ளிக்கல்வி பாகுபலி பாட்டன் காட்டைத் தேடி பாபநாசம் பாரதி புத்தகாலயம் பாரத் ஸ்டேஜ் 4 பாஸ்ட் அண்ட் ஃபியூரியஸ் 7 Fast and Furious 7 பாஸ்ட் அண்ட் ஃபியூரியஸ் 8 பாஸ்ட் எய்ட் பிட் டோரறேன்ட் பிரபு சாலோமோன் பிராங்கின் படங்கள் பிரார்த்தனை பிரித்தாளுதல் பிரியங்கா பிரேமா தக்ஷிணாமூர்த்தி பிரேம்சந்த் பு.கோ.சரவணன் புகைப்படத் தொகுப்பு புதியவன் புதுகை குளம் மீட்பு புதுகை செல்வா புதுகை தொல்லியல் ஆய்வுக் கழகம். புதுகையின் கல்வி முகங்கள் புதுக்கோட்டை புதுக்கோட்டை மாவட்ட பாறை ஓவியங்கள் புள்ளிகள் புறம்போக்கு பெரியார் பெற்றோர் பேப்பர் ஒன்று பேராசிரியர் அ. தட்சிணாமூர்த்தி பைரவா பொது பொதுப் போக்குவரத்து மேம்பாடு பொற்பனைக்கோட்டை போட்டிகள் ப்ரோசன் ப்ளாகர் டிப்ஸ் மணிகண்டன் ஆறுமுகம் மதத்தீவிரவாதம் மதுரை மதுரை வரலாறு மரபு வழி நடை மராத்திய மொழிப் படங்கள் மலர்தரு மழைமனிதர்கள் மனிதர்கள் மாட் மாக்ஸ் ஃபியூரி ரோட் Mad_Max:_Fury_Road மாணவர் போராட்டம் மாண்பு மிகு மகளிர் - அறிவியல் சுடர்கள் மாண்புமிகு மகளிர் மாதொரு பாகன் மாத்யு ப்ளோரிஸ் மாமழை நினைவுகள் மார்க் அண்டோனி மாறாப்புன்னகை மாற்றத்தின் முகங்கள் மியான்மர் மிருதன் மிஷன் இம்பாசிபிள் 5 Mission Imposible Rogue Nation முகநூல் முகநூல் நிலைத்தகவல்கள் முகநூல் பகிர்வு முத்துக்கிருஷ்ணன் முத்துநிலவன் முனைவர் மு பிரபு முனைவர் ஜம்புலிங்கம் முனைவர். அருள்முருகன் மூன்று புத்தகங்கள் வெளியீடும் குடும்ப விழாவும் மெட்ராஸ் மெமரி கார்ட் மேன்மை இதழ் அறிமுகம் மொழி மொழித்திறன் மோசன் காப்ச்சர் யாதும் ஊரே யாழியின் இரண்டு தொகுப்புகள் ரபீக் ரபீக் பகிர்வு ரம்ஜான் ரவீந்திரன் ரஜனி ரஷ் ரஹ்மான் ராஜ கோபால தொண்டைமான் ராஜ சுந்தர்ராஜன் ராஜசுந்தர்ராஜன் ராஜா சுந்தர்ராஜன் ராஜேஷ் வைத்யா ரிச்சர்ட் அட்டன்பரோ ரியோ ஒலிம்பிக் ருத்ரையா ரோக் ஒன் movie review ரோஹித் வேமுலா லாரீனா லூசி லோகன் 2017 வகுப்பறை அனுபவங்கள் வகை ஒன்று வணக்கம் வண்ணதாசன் வலைச்சரம் வலைப்பதிவர் மாநாடு வலைப்பூ நுட்பம் வள ஆசிரியர்கள் வனமகன் வாசிப்பு வாசிப்பு அனுபவப்பகிர்வு வாழ்த்துக்கள் வாழ்வியல் திறன்கள் பயிற்சி. வாழ்வியல் திறன்கள் பயிற்சி. தன்னை அறிதல் பயிற்சி வானவில் விடுதலை வேள்வியில் வீரத் தமிழர்கள் விடைபெறல் விதைக்கலாம் வித்டிராயல் சிம்ப்டம் விப்லாஷ் விருது விவசாயம் விஜய் டீ.வி விஜூ கனைக்ட் விஷாலின் விஸ்வரூபம் வீணை இசை வீதி கூட்டம் வீதிக் கூட்டம் வீதிக்கூட்டம் வீரபாண்டிய கட்டபொம்மன் வீரமுரசு சுப்பிரமணிய சிவா வெயிலில் நனைந்த மழை வெர்சடைல் ப்ளாகர் விருது வெள்ளைப் புலி வெற்றி இலக்கியம் வைகறை வைகறையின் ஜெய் நல நிதி ஜல்லிக்கட்டு ஜாக்கி சேகர் ஜாதவ் ஜூராசிக் வோர்ல்ட் ஜெயப் பிரபு ஜெர்மனி ஜே.சி. பயிற்சி ஜேசி இயக்கம் ஜோக்கர் ஜோசப் விஜூ ஷபானா பாஸிஜ் ஷாமிலா தலுவத் ஷாருக்கான் ஷான் கருப்புசாமி ஷாஜகான் ஸ்டான்லி குப்ரிக் ஸ்பாய்லர் ஸ்பிலிட் ஸ்ரீதர் சுப்பிரமணியன் ஹாக்ஸா ரிட்ஜ் ஹாண்ட்ஸ் ஆப் ஸ்டீல் ஹாலிவுட் ஹெர்குலிஸ்