Thursday, 23 October 2014

இளையராஜா ஏன் ஆராதிக்கப்படுகிறார்?


மீண்டும் ஒரு முகநூல் பகிர்வு ...
இளையராஜாவை ரஹ்மானுடன் இன்னொரு கோணத்தில் இருந்து அணுகும் கட்டுரை திரு. Nelson Xavier அவர்களது. (அனுமதி பெற்ற பகிர்வு) 

கடந்த சில வாரங்களாக தொடர்நது ரஹ்மான் பாடல்களை பண்பலையிலும் மொபைலிலும் கேட்கிறேன். ஏற்கனவே கேட்ட பாடல்கள் என்றாலும் இப்போது கொஞ்சம் புதிதாக தெரிகிறது . என்னுடைய மனநிலையும் சூழலும் அதற்கு காரணமாக இருக்கலாம் . ரஹ்மானின் இசையில் ஒருவித தொடர்ச்சி இருக்கிறது. பல்லவி சரணம் வேறுபடும் இடங்களில் ஒருவித நிர்ணயிக்கப்பட்ட ரிதம் இருக்கிறது.
பொதுவாக இளையராஜாவின் தீவிர ரசிகன் நான். ரஹ்மானையும் பிடிக்கிறது. அனிருத்தையும் பிடிக்கிறது.

ஏன் இளையராஜாவை தொழுவது போல,ஆராதிப்பது போல இவர்களை தொழ இயலவில்லை என்று யோசிக்கிறேன். நான் எண்பதுகளில் பிறந்தவன். 1990க்கு முன்பாக பிறந்த பலருக்கும் Stressbusters ஆகவோ ,Outlet ஆகவோ பயன்படுத்த நிறைய வாய்ப்புகள் இல்லை. வாய்ப்புக்களே இல்லை . வானொலியும் திரைப்படங்களும் மட்டுமே வடிகாலாக இருந்த காலங்கள் அவை. அதனாலேயே தங்கள் வாழ்வின் எல்லா தருணங்களுக்கும் இளையராஜாவிடம் இசை இருந்ததை அவர்கள் கண்டுகொண்டார்கள். அல்லது அவரின் இசையோடு தங்கள் வாழ்க்கையை பொருத்திப் பார்த்துக் கொண்டார்கள் என்றே நினைக்கிறேன் . யாரிடமும் சொல்லமுடியா தங்கள் கதைகளையும், கண்ணீரையும் , புன்னகையையும் ராஜாவின் இசைதான் இசைமட்டும்தான் மேகங்களிடையே தாங்கிசென்றிருக்கிறது. இதனாலேயே ராஜா , படைப்பாளி என்கிற நிலையிலிருந்து ஞானி என்கிற ஆராதிக்கிற நிலைக்கு உயரத் தொடங்கினார் என்றே அறிகிறேன். இளையராஜாவின் இசை இந்த மண்ணோடு தொடர்புடைய , இந்த சமூகத்தை பிரதிபலிக்கிற ஒருவித கிறக்கத்தை கொடுத்தது . அந்த போதை மீட்க முடியாத தெளிய முடியாத போதை .

ஆனால் ரஹ்மான் இசை வெளிவரத் தொடங்கிய நாட்களுக்கு பிறகு உலகமயத்தின் கதவுகள் இந்தியாவிற்கு திறக்கப்பட்டன. தொலைக்காட்சிகள் இணையம் என வடிகால் வாசல்கள் பிறந்தன. தனது தனித்துவத்தால் இந்த தலைமுறையை ஆளத் தொடங்கினார் ரஹ்மான். ராஜாவின் தீவிர ரசிகர்கள் ரஹ்மானை நிராகரிக்க முடியாமல் போனார்கள். ரஹ்மானை சிறந்த இசையமைப்பாளராக பார்த்தவர்கள், இளையராஜாவை அதற்கும் மேலாக பார்க்கிறார்கள். இந்த தலைமுறைக்கு இருக்கிற பல விசயங்களில் இசையும் ஒன்று. ரஹ்மான் அவற்றில் சிறந்தவர் . அவ்வளவே . சர்வதேச விருதுகளைப் பெற்றாலும் கூட ரஹ்மானால் ராஜா ஏற்படுத்திய தாக்கத்தை ஏற்படுத்த முடியவில்லை என்று பலரும் சொல்கிறார்கள் . ஆனால் உண்மை அது அன்று. ராஜாவைப் போல மனித மனங்களில் ஆட்சி செலுத்தும் வாய்ப்பு ரஹ்மானுக்கு வாய்த்தே இருக்கிறது. ஆனால் அதை சொல்லி மகிழ , அங்கீகாரம் தேட, அந்த ஏணியில் ஏற்றி வைக்க, அவரை தெய்வமாக கொண்டாட இந்த தலைமுறைக்கு நேரமில்லை . ஐடியாவுமில்லை. தங்கள் புன்னகை, கண்ணீர் இரண்டிற்குமான காரணங்களையும் விளைவுகளையும் இசையை தாண்டியும் கூட இந்த தலைமுறையால் அணுக முடிகிறது. நான் சொல்வேன் ரஹ்மானின் மந்திரம் ராஜாவிற்கு வாய்த்தது போல வெளியில் அறியப்படாமல் போகலாம்.ஆனால் ரஹ்மானின் மந்திரம் இன்னமும் மனங்களில் ஒலித்துக் கொண்டேதான் இருக்கிறது. ராஜாவின் இசையில் தவத்திற்கு வரம் கிடைத்திருக்கிறது . ரஹ்மானின் இசையைப் பொறுத்தவரை தவமிருப்பதே வரம்தான் !

# காற்றின் அலைவரிசை கேட்கின்றதா ? கேட்கும் பாட்டில் ஒரு உயிர் விடும் கண்ணீர் வழிகின்றதா,நெஞ்சில் நனைகின்றதா ?

நெல்சன் சேவியர் ...

29 comments:

  1. நல்ல அலசல்
    நெல்வன் சேவியர் அவர்களுக்கு நன்றி

    ReplyDelete
    Replies
    1. நன்றி அண்ணா

      Delete
  2. Replies
    1. நன்றி அண்ணா

      Delete
  3. அன்புள்ள அய்யா,

    இளையராஜாவை ரஹ்மானுடன் இன்னொரு கோணத்தில் இருந்து அணுகும் கட்டுரை திரு. Nelson Xavier அவர்களது கருத்துகளைப் பார்த்தேன்.

    அவர் சொல்வதில் உண்மை இருக்கிறது.

    இசையை ரசிப்பது காலத்துக்கு காலம் மாறிக் கொண்டே வருகிறது. மெல்லிசை மன்னர் எம்.எஸ்.வி.யின் திரையிசைப் பாடல்தான் ...பழைய பாடல் என்றாலும் அதிகமாக மீண்டும் மீண்டும் கேட்கத் தோன்றுகிறது என்பது உண்மைதானே!

    அன்னக்கிளியில் இளையராஜா வந்தார். பண்ணைபுரத்திலிருந்து பாட்டுகட்டிவர அவர்கள் பட்ட துயரம் கொஞ்ச நல்லமல்லவே! தனக்கென தனிமுத்திரை பதித்தார். இசைஞானியாக
    இருக்கின்ற அவர் பாடல்களும் அநேகம் மீண்டும் மீண்டும் கேட்டுக் கிரங்க வைக்கக் கூடியவை...இவரின் பாடலுக்கு ஈடு இணை இல்லை என்றே சொல்லலாம். இசைஞானியும்...கவியரசரும் இணைந்தால் ...மீண்டும் நல்ல பழைய பாடல்கள் போல கிடைக்கும்.! நடக்குமா?

    இசைப்புயல் ரகுமான் வந்தார். திரைப் பாடல்களின் இசையையே புரட்டிப்போட்டார். வெகுவாக ரசிக்கும் படியே உள்ளது என்பதை மறுப்பதற்கு இல்லை... செம்மொழியான தமிழ் மொழிக்கு... உலகளாவிய அளவில் சிறப்புச் சேர்த்து வருகிறார் என்பது உள்ளபடியே நமக்கெல்லாம் பெருமைக்குரிய விசயம்.

    நாம் எப்பொழுதும் நல்லது எங்கே இருந்து வந்தாலும் ரசிக்கக் கூடியவர்கள்தான். என்ன ஒரு குறை என்றால் தற்பொழுது உள்ளவருக்கு உரிய அங்கிகாரம் கொடுப்பதில்லை. நமக்கு முந்திய காலத்தில் உள்ளவரை மட்டுமே எண்ணி பெருமைப்பட்டுக் கொள்வது.

    அது மாறவேண்டும். இந்தக் காலத்தவரையும் வாழும் பொழுதே பாராட்ட முன்வரவேண்டும்.

    இப்பொழுது வரும் பாடல்களில் ஒரே ஒரு குறை... பெரும்பாலும் பாடலை இசை ஆக்கிரமித்து விடுகிறதே...பாடல் வரிகளைத் தேடவேண்டி இருக்கிறது.

    நல்ல பதிவு.

    நன்றி.
    -மாறாத அன்புடன்,
    மணவை ஜேம்ஸ்.


    ReplyDelete
    Replies
    1. நன்றி அண்ணா
      பாடல் வரிகள் இருக்கிறதா என்ன தேட?

      Delete
  4. //சர்வதேச விருதுகளைப் பெற்றாலும் கூட ரஹ்மானால் ராஜா ஏற்படுத்திய தாக்கத்தை ஏற்படுத்த முடியவில்லை என்று பலரும் சொல்கிறார்கள் . ஆனால் உண்மை அது அன்று. //
    அப்படியா? அதிகம் வேண்டாம். சென்னையில் பல இடங்களிலும் இசைத்துக்கொண்டே இருக்கும் பாடல்களை கேளுங்கள். யார் பாடல் அதிகமாக இருக்கிறது? இளையராஜா. இதே நிலை தான் பல இடங்களிலும்!

    ReplyDelete
    Replies
    1. நன்றி தோழர் பாண்டு...
      உண்மைதான்

      Delete
  5. முகநூல் பகிர்வு வலை தள வானத்தில் முழு நிலவாக ஜொலித்தது.
    திரு.Nelson Xavier பகிர்வை தந்தமைக்காக வாழ்த்துக்களுடன் கூடிய பாராட்டுக்கள். இன்னொரு காரிகனின் இசை பரிநாம வளர்ச்சி பற்றிய பகிர்வாகப் படுகிறது. நன்றி
    புதுவை வேலு
    http/www.kuzhalinnisai.blogspot.fr

    ReplyDelete
    Replies
    1. காரிகன் பதிவுகளின் தரம் உன்னதம்
      உண்மைதான் நெல்சனும் நன்றாக எழுதுகிறார்..

      Delete
  6. நல்ல ஒரு பகிர்வு! நார்த் போல், சௌத் போல் இல்லாமல் இந்த உலகம் உண்டா? அதைப் போலத்தான் இந்த இது இசை மேதைகளும்! அவரவர் வழியில் தங்கள் இசை ஆளுமையை நிரூபிக்கும் ஜாம்பவான்கள்! அதே போல் ஒவ்வொருவரது ரசனையும்!

    பகிர்வுக்கு நன்றி நண்பரே!

    ReplyDelete
    Replies
    1. நடுநிலை?
      நன்றி அய்யா ...

      Delete
  7. இளைய ராஜா இசை ஆத்மார்த்தமாக இதயத்தில் இருந்து வந்த இசை ,இப்பத்தைய இசை செட் செய்யப் பட்ட கணினியில் இருந்து வரும் இசை !அதனால்தான் அவ்வளவாய் ரசிக்க முடியவில்லை !
    த ம2

    ReplyDelete
  8. மது,

    நல்ல பகிர்வு. நெல்சன் சேவியர் சரியாகத்தான் எழுதியிருக்கிறார். இருந்தும் சில நெருடல்கள்.

    ----ஏன் இளையராஜாவை தொழுவது போல,ஆராதிப்பது போல இவர்களை தொழ இயலவில்லை என்று யோசிக்கிறேன். நான் எண்பதுகளில் பிறந்தவன். 1990க்கு முன்பாக பிறந்த பலருக்கும் Stressbusters ஆகவோ ,Outlet ஆகவோ பயன்படுத்த நிறைய வாய்ப்புகள் இல்லை. வாய்ப்புக்களே இல்லை . வானொலியும் திரைப்படங்களும் மட்டுமே வடிகாலாக இருந்த காலங்கள் அவை. அதனாலேயே தங்கள் வாழ்வின் எல்லா தருணங்களுக்கும் இளையராஜாவிடம் இசை இருந்ததை அவர்கள் கண்டுகொண்டார்கள். அல்லது அவரின் இசையோடு தங்கள் வாழ்க்கையை பொருத்திப் பார்த்துக் கொண்டார்கள் என்றே நினைக்கிறேன் . ----

    இது ஒரு மேலோட்டமான பார்வை. இதில் அதிகம் உண்மையில்லை. சொல்லப்போனால் 90களுக்கு முன்னால் நமது சமூகத்தில் வாசிப்பும் எழுத்தும் இன்றைவிட அதிகமாக இருந்தது. எழுத்தாளர்களின் பாதிப்பும் புதுக்கவிதையின் எழுச்சியும் அப்போது ஆழமாகவே காணப்பட்டது. சினிமாவைத்தாண்டிய வடிகால்கள் நம்மிடமிருந்தன.ஒரு சாதாரண ரசிகன் இளையராஜாவின் இசையில் தன வாழ்கையின் எல்லா அம்சங்களையும் கண்டான் என்பதெல்லாம் ஒரு அலங்காரமான மேற்பூச்சு. அப்போது அவர் மட்டுமே களத்தில் இருந்தார். எனவே அவரது இசையை மட்டுமே கேட்கும் துர்ப்பாக்கியம் இங்கே நிலவியது என்று சொன்னால் அது கொஞ்சம் ஏற்றுக்கொள்ளக்கூடிய கருத்து.

    ---ரஹ்மானின் மந்திரம் ராஜாவிற்கு வாய்த்தது போல வெளியில் அறியப்படாமல் போகலாம்.ஆனால் ரஹ்மானின் மந்திரம் இன்னமும் மனங்களில் ஒலித்துக் கொண்டேதான் இருக்கிறது. ராஜாவின் இசையில் தவத்திற்கு வரம் கிடைத்திருக்கிறது . ரஹ்மானின் இசையைப் பொறுத்தவரை தவமிருப்பதே வரம்தான் !---

    இருவருமே வணிக அளவில் பெரிய சாதனைகள் செய்தவர்கள்தான். ஆனால் மக்கள் மனம் என்ற மைதானத்தில் இந்த இருவரும் எந்த ஓரத்தில் இருப்பார்கள் என்பது ஒரு விவாதிக்கப்படவேண்டிய கேள்வி. இதை எழுதியவர் எண்பதுகளில் பிறந்தவர் என்பதால் இளையராஜா ரஹ்மான் என்ற இருவரைத்தாண்டி இவரால் சிந்திக்க முடியவில்லை என்று தோன்றுகிறது.

    ReplyDelete
    Replies
    1. //எண்பதுகளில் பிறந்தவர் என்பதால் இளையராஜா ரஹ்மான் என்ற இருவரைத்தாண்டி இவரால் சிந்திக்க முடியவில்லை என்று தோன்றுகிறது//
      இப்போது(ம்) இவர்களை தாண்டி யார் இருக்கிறார்கள் என்று சொல்லுங்களேன்.

      Delete
  9. இந்தப் பதிவு ஒரு ரசிகரின் ஆதங்கமாகவே படுகிறது. வெகு கவனமாகவே இளையராஜாவை இறக்கியும் ரகுமானை உயர்த்தியும் எழுதப்பட்டு இருக்கிறது. காரணம்? ரகுமானை உலகம் இறக்கி வைத்துள்ளது என்கிற ஒரு கண்ணோட்டத்தில் ஆதங்கத்தில் இவர் ரகுமான் என்கிற கோட்டை நீளப் படுத்தி இளையராஜா என்கிற கோட்டை சிறியதாக்கிவிட்டார்.

    *** ராஜாவின் இசையில் தவத்திற்கு வரம் கிடைத்திருக்கிறது . ரஹ்மானின் இசையைப் பொறுத்தவரை தவமிருப்பதே வரம்தான் !***

    மன்னிக்கவும்..இது சுத்தமான உளறல்!!! வரம் தவம்னு வார்த்தை ஜாலங்களைப்போட்டு எதையோ ஜோடிக்க நினைத்து என்னவோ சொல்கிறார்!!

    *******************************
    நாம் நாம் வாழும் உலகைப் பற்றிப் புரிதுகொள்ளணும்..

    எனக்கு என்ன தோணுதுனா ஒரு காலத்தில் எம் எஸ் வி இசைதான் "க்ளாசிக்" என்று விவாதித்து இருப்பார்கள். இளையராஜா இசை காலத்தால் அழிந்துவிடும் என்றும் விவாதித்து இருப்பார்கள்.

    20 ஆண்டுகள் கடந்த பிறகு..

    இன்றைய நிலையில், எம் எஸ் விக்கு ஓய்வு கொடுத்துவிட்டு, இளையராஜாவை எம் எஸ் வி இடத்தில் வைத்துவிட்டார்கள்..ரகுமானை அன்றைய இளையராஜா இடத்தில் வைத்துள்ளார்கள்..இளையராஜா இசை க்ளாசிக்காகவும், ரகுமான் இசை காலத்தால் அழியும் என்பதுபோல் ஒரு நிலையை உருவாக்கி.. ரகுமான் அபிமானிகளை.. இது போல் தவம், வரம் என்று அர்த்தமற்ற வாக்கியங்களை பேச வைத்துவிட்டார்கள்..

    ஆனால், இதுவும் வரும் காலத்தில மாறும்!

    இளையராஜாவுக்கும் ஓய்வு கொடுத்துவிட்டு ரகுமானின் இசையைக் காலத்தால் அழியாதது என்று பேசத்தான் போகிறார்கள். இதுதான் நாம் உலகம்! நம் மக்கள் இவர்கள்தான்! ரகுமான அனுதாபிகள் தவம் வரமென்று பேசுவதை விட்டுவிட்டுக் கொஞ்சம் பொறுமையாக இருக்க வேண்டும். அவ்வளவுதான்!

    சுமாராக இவர்கள் ஆளுமைக்கு இடையில் 20 ஆண்டுகள் இடைவெளி இருக்கிறது..அதன் விளைவுதான் இதெல்லாம்..அதுவும் ஆஸ்கர் வென்றவர் என்கிற "க்ரிடிட்" பெற்றவர் ரகுமான்..பின்னாளில் இளையராஜாவை சிறிது இறக்கி ரகுமானை மேலே தூக்கி வைத்து கொண்டாடுவது மிகவும் இளகுவானது.

    ReplyDelete
    Replies
    1. //இளையராஜாவுக்கும் ஓய்வு கொடுத்துவிட்டு ரகுமானின் இசையைக் காலத்தால் அழியாதது என்று பேசத்தான் போகிறார்கள்//
      பண்பலை வானொலிகள் வாழும் வரை ராஜாவிற்கு ஓய்வு கொடுக்க மாட்டார்கள்.முடியாது.இரவு பத்து மணிக்கு மேல் ஒலிபரப்பாவது ராஜா அல்லது அவருக்கு முந்தைய காலத்து பாடல்களே

      Delete
  10. ***Seeni Mohan ”புது ராகம் படைப்பதாலே நானும் இறைவனே” என்பவரையும் “ எல்லாப் புகழும் இறைவனுக்கே” என்பவரையும் எப்படி ஒப்பிட முடியும் ? முன்னது தன்னகங்காரம்; பின்னது தன்னடக்கம்.***

    மேலே உள்ளது முகநூலில் வந்த பின்னூட்டம்...


    புது ராகம் படைத்ததாலே நானும் இறைவனே னு எழுதியது, கவிஞர் வாலினு நினைக்கிறேன். இளையராஜா அவர் கையைப் பிடித்து எழுதச்சொல்லவில்லை! நம்ம சீனு மோஹன், அவர் வசதிக்காக "கவிஞர் ராஜா"வுக்கு அந்த க்ரிடிட்டை கொடுக்கிறார்- அறியாமையால்.

    இதுதான் இன்றைய முகநூல் நிலவரம்!

    அரைவேக்காடுகள் நிறைந்தது.

    ReplyDelete
    Replies
    1. //புது ராகம் படைத்ததாலே நானும் இறைவனே னு எழுதியது, கவிஞர் வாலினு நினைக்கிறேன்//
      ''மடை திறந்து தாவும் நதியலை நான்'' என்ற அந்த பாடலை எழுதியது வைரமுத்து. பாடல் இடம் பெற்ற திரைப்படம் நிழல்கள். வைரமுத்து பாடலாசிரியராய் அறிமுகமான முதல் படமிது.

      Delete
    2. சேக்காளி: நீங்க தவறுதலாக சொல்றீங்க. வலைதளங்களில் வைரமுத்துக்கு க்ரிடிட் கொடுத்து இருக்காங்க. ஆனால் அது வைரமுத்து எழுதிய பாடல் அல்ல. வாலியின் படைப்பு அது.

      வைரமுத்துவை வானளாவ புகழ்ந்தது, பொன் மாலைப் பொழுது பாடலுக்கு.... வானம் எனக்கொரு போதிமரம்னு அவர் எழுதியதற்கு..

      என்னிடம் நிழல்கள் டிவிடி இருக்கு. நீங்க "மடை திறந்து" வைரமுத்து பாடல்தான்னு ஒரு 1000 ரூபாய் "பெட்" கட்ட தயார்னா.. நான் தேடிப் பார்த்து, டிவிடில டவுள்செக் பண்ணி சொல்லி 1000 ரூபாய் உங்களிடம் வாங்கிக்கிறேன்.

      போட்டிக்கு (பெட் கட்ட) தயாரா?? :)

      Delete
    3. வருண் நீங்கள் சொன்னது சரிதான். விக்கிபீடியாவிடம் விசாரித்திருந்தாலே தெரிந்திருக்கும்.தவறாய் பின்னூட்டமிட்டதற்கு வருந்துகிறேன்.உறுதியாய் தெரியாமல் மறுப்பு தெரிவிக்க கூடாதென்றதொரு நல்ல படிப்பினை.
      //போட்டிக்கு (பெட் கட்ட) தயாரா//
      வாபஸ்.

      Delete
    4. இதில் வருத்தம் தெரிவிக்க ஒண்ணும் இல்லைங்க. வலைதளங்களில் இது மாதிரி நெறைய தவறான செய்திகளை எழுதி வைத்திருக்காங்க. நம்ம வலைதள சரக்கை எல்லாம் "அவசர அகராதி" யாக பயன்படுத்தும்போது, மற்றவர் செய்த தவறுக்கு நாமும் ஒரு விலை கொடுக்க வேண்டி வருகிறது. இதுபற்றி ஏற்கனவே இன்னொரு இடத்தில் விவாதித்ததால் எனக்கு இதுபற்றி கொஞ்சம் தெரியும். மற்றபடி இசை ஞானம் எல்லாம் எனக்கு உங்களவுக்கு கெடையாது என்பதே உண்மை. Take it easy! :-)

      Delete

    5. // இசை ஞானம் எல்லாம் எனக்கு உங்களவுக்கு//
      முகவரி தர்றேன். நேர்ல வந்தே அடிங்க.எதுக்கு இப்டில்லாம்.

      Delete
    6. வாலி தான் என்பதற்கு ஆதாரம்
      http://ilayaraja.forumms.net/t63p75-vinyl-lp-record-covers-speak-about-ir-pictures-details-thamizh

      Delete
  11. நண்பர் சேக்காளி,

    வட்டத்தை விட்டு வெளியே வாருங்கள். உங்களுக்கே தெரியும். இதில் நான் சொல்ல என்ன இருக்கிறது?

    ReplyDelete
    Replies
    1. //வட்டத்தை விட்டு வெளியே வாருங்கள்//
      முயற்சிக்கிறேன் காரிகன்.
      //உங்களுக்கே தெரியும்//
      எம்எஸ் விஸ்வநாதன் இசையமைத்துள்ள படங்கள் கிட்டதட்ட ஆயிரம் இருக்கும் என சொல்கிறார்கள்.
      ராஜா இசையமைத்துள்ள படங்கள் கிட்டதட்ட ஆயிரம்.(http://spicyonion.com/musicdirector/ilayaraja-movies-list/)
      தேவா இசையமைத்துள்ள படங்கள் கிட்டதட்ட ஐநூறு
      http://spicyonion.com/musicdirector/deva-movies-list/
      ஏஆர் ரகுமான் இசையமைத்துள்ள படங்கள் கிட்டதட்ட நூறு
      http://spicyonion.com/musicdirector/ar-rahman-movies-list/
      யுவன் சங்கர் ராஜா இசையமைத்துள்ள படங்கள் கிட்டதட்ட நூறு
      http://spicyonion.com/musicdirector/yuvan-shankar-raja-movies-list/
      எனக்கு தெரிந்தது இதுதான்.
      //இதில் நான் சொல்ல என்ன இருக்கிறது?//

      Delete
  12. நண்பர் சேக்காளி,

    உங்கள் கணக்கெல்லாம் சரியா தவறா என்று சொல்லவரவில்லை. மேலும் எண்ணிக்கைதான் முக்கியம் என்று நான் கருதுவதில்லை. ஒரு சிறிய திருத்தம். நிழல்கள் படத்தின் மடை திறந்து தாவும் நதி அலை நான் பாடலை எழுதியது வைரமுத்து அல்ல. அது வாலிதான். வருண் சரியாகத்தான் சொல்லியிருக்கிறார். வைரமுத்து எழுதியது இது ஒரு பொன் மாலைப் பொழுது என்ற பாடல்.

    ReplyDelete
    Replies
    1. //அது வாலிதான். வருண் சரியாகத்தான் சொல்லியிருக்கிறார்.//
      ஆம்.

      Delete
  13. ராஜா இன்னும் தாலாட்டுகின்றார் பின்னவர் காலம் நமக்கு வாழ்வின் தேடலில் போகின்றது இசை சுருதி சேர்க்குது இல்லை வழிகாட்டி ராஜா தான் எனக்கு.

    ReplyDelete

தங்கள் வருகை எனது உவகை...

Labels

12 Years a Slave (2013) 2001: எ ஸ்பேஸ் ஆடிசி A Walk Among the Tombstones aathaar Amr Waked Avengers Age of Ultron avms kaarthik bairava blogging tips buds to blossoms c.c.e Fast and Furious 8 fb share Guardians of the Galaxy hariharasuthan honour killings innovations in Marketing into the storm Iyothee Thass jci jci pudukkottai central kalvi kannaki kovil keezhadi khan's academy kochadaiyaan review linking fraud Lucy(2014) spoiler madurai Min-sik Choi Morgan Freeman oblivion personal change positive attitude வெற்றி இலக்கியம் Rafeeq Friend robin williams rouge one 2016 sasikala for cm Scarlett Johansson shajakaan society spoiler ssa T.V.18 yaathum oore episode 12 Tamil Short Story tasmac tesla motors thamizh thirai vimarsanm udayakkumar viswaroopam movie want to write ? War for the Planet of the Apes www.ted.com X Standard Tamil Memory Songs Tamil Nadu X-Men: Days of Future Past அ பெ கா பண்பாட்டு இயக்கம் அ.பெ.கா அசத்தல் அரசுப் பள்ளி அச்சம் என்பது மடமையடா அப்பா அமெரிக்கா அம்மா அயோத்தி தாசர் அரசு ஊழியர் ஓய்வூதிய போராட்டம் அரசு ஊழியர்களின் குரல் அரசுப் பள்ளிகள் அரிமளம் பள்ளி அரைவல் அலைகள் அலையும் குரல்கள் அவென்ஜெர்ஸ் ஏஜ் ஆப் அல்ட்ரான் அறிவிப்புகள் அனுபவம் அன்னவாசல் கே. ரெங்கசாமி ஆஃபரா ஆங்கில கேட்டல் பயிற்சி ஆங்கிலத்தொடர்பாற்றல் ஆங்கிலப் படம் ஆங்கிலப் பயிற்சி ஆங்கிலம் ஆசிரியர் ஆசிரியர் தினம் ஆசிவகம் ஆசை தொடர் பதிவு ஆண்டனி ஆதிச்சநல்லூர் இசை இடஒதுக்கீடு இடைநிறுத்தம் இடைநிற்றல் இந்திய தேசிய ராணுவம் இந்தியா வரங்களும் சாபங்களும் இமான் இளையராஜா இறுதிச் சுற்று இனப்படுகொலை இன் டு தி ஸ்டார்ம் இன்னுமொரு சிறுகதை. புன்னகை இஸ்ரேல் ஈர்ப்பலைகள் ஈழம் ஈழம் சமுகம் உயிர்மை உலகின் பொருளாதாரக் கொள்கை உலோக உருக்கு ஆலை எக்ஸ்.மென் அபோகிளிப்ஸ் எட்ஜ் ஆப் டுமாரா எல்காம் எஸ்.எம்.எஸ். கொள்ளை ஏற்பாடுகள் ஐஸ் ஸ்டுபா ஒரு கோப்பை மனிதம் ஒரு முகநூல் பகிர்வு ஒலிம்பிக் ஒன்பதாம் வகுப்பு ஆங்கிலப் பாடம் ஓவியர்கள் கடிதம் கட்செவி பகிர்வு ஒன்று கட்டிடப் பொறியியல் கட்டுரைப் போட்டி கண்ணகி கோவில் கண்ணேநலமா - கண்ணாடி பவர் குறைபாடுகள் கதிர்வேல் கதை திரைக்கதை வசனம் இயக்கம் கத்தி கயல் கருத்தாளிகள் கலாச்சராம் கலிலியோ அறிவியல் மையம். கல்வி கல்வித்துறை விழா கல்வியாண்டு கவண் கவிஞர் தங்கம் மூர்த்தி கவிஞர் நீலா கவிதை கவிதை அறிமுகம் கவிதை பகிர்வு கவிதைகள் கவிதைத் தொகுப்பு கவிநாடு கண்மாய் கவுரவக் கொலைகள் கற்க கசடற கற்பித்தல் யுக்திகள் கனகசபை ராமசாமி கனவில் வந்த காந்தி கனிமொழி காக்கா முட்டை காசு பணம் துட்டு மணி மணி காணொளிகள் சில காதர் காந்தி திரைப்படம் காப்டன் அப்பாஸ் அலி காப்புரிமை கார்டியன்ஸ் ஆப் தி காலக்ஸி கார்த்திக் கார்த்திக் கார்த்திக் காவியத் தலைவன் காற்றுவெளியிடை கிரமத்து குழந்தைகள் கிரேஸ் பிரதிபா கிரேஸ் பிரதீபாவின் துளிர் விடும் விதைகள் கிஷோர் டேவிட் ராஜ ராஜன் கீழடி குருநாதசுந்தரம் குழந்தை வளர்ப்பு குழந்தைகள் தினம் குறும்படம் கேவல் நதி கொசுவத்தி கொசுவர்த்தி கொஞ்சம் புதிய அறிவியல் கொஞ்சம் வெப் கொடி காத்த குமரன் கொம்பன் திரை விமர்சனம் கோச்சடையான் கோடை நகர்ந்த கதை கோபிநாத் கோவை ஆவி க்விஸ் சக்கரக்காலன் சக்தி சவுந்தர் ராஜன் சச்சின் சதுர ஆவுடைகள் சந்தானம் சந்திப்பு சந்திரமோகன் வெற்றிவேல் சந்தைப்படுத்துதல் சமணச் சிலை சமுகம் சமுத்திரக்கனி சமூகம் சர்தார் வல்லபாய் பட்டேல் சாதனைப் பெண்மணிகள் சித்தன்னவாசல் ஓவியங்கள் சித்தன்னாவாசல் இலக்கிய சந்திப்பு சிவகார்த்திகேயன் சிறுகதை சினிமா சின்னவள் கவிதைத் தொகுப்பு சீனு சுகு சுய முன்னேற்றம் சுயபுராணம் சுரபி சுரேந்தர் சூப்பர்மென் வெர்சஸ் பாட்மேன் செந்தூரன் பாலிடெக்னிக் செந்தூரன் பாலியின் தொடர் சாதனை செல்பி செவன்த் சென்ஸ் செவென்த் சென்ஸ் சொன்னாங்க சோ ஸ்வீட் வலைப்பூ ஞானாலயா ஆவணப் படம் டாக்டர் ஸ்ட்ரேஞ் டான் ஆப் ஜஸ்டிஸ் டி.எம்.என்.டி Teenage Mutant Ninja Turtles (2014) டினா அரீனா டெல்லி சம்பவம் ட்ரான்ஸ்பார்மர்ஸ் ஏஜ் ஆப் எக்ஸ்டின்ஷன் தங்கமகன் தஞ்சை தபால்காரர் தமிழ் தமிழ் ஹிந்து தமிழ்ச் செம்மல் விருது தயான் சந்த் தர்மதுரை தலைமைப் பண்பு தலைவாரி பூச்சூடி தாயம்மாள் தாய்மொழி தாரை தப்பட்டை தி இத்தாலியன் ஜாப் தி பிரஸ்டீஜ் தி.ஆலை பள்ளி தியாக வரலாறு திருச்சி புகைப்பட பொருட்கள் கண்காட்சி. நிகழ்வுகள் திரை இசை திரை வி மர்சனம் திரை விமர்சனம் திரைவிமர்சனம் தீபிகா படுகோன் தீரன் சின்னமலை துவரங்குறிச்சி தேவதைகளால் தேடப்படுபவன் தேறி தொடர்பதிவு தொலைகாட்சி 18 தொல்காப்பியர் விருது தொல்லியல் ஆய்வுக் கழகம் தொல்லியல் சான்றுகள் தொழில் நுட்பம் தொழில் முனைவு தொழில்முனைவு தோழர் ரபீக் பதிவு நகை நடாஷா ரைட் நடிகர் சங்கத் தேர்தல் நத்தார் தின வாழ்த்துக்கள் நந்தன் ஸ்ரீதரன் நமக்கு நாமே திட்டம் நம்பிக்கை மனிதர்கள். நம்மாழ்வார் நலம் நன்றிகள் நாகூர் ரூமி நாடகக் கலைஞர்கள் நாயகர்கள் நாளைய மனிதர்களின் நேற்று நான் ஒரு குழந்தை நிகழ்வு நிகழ்வுகள் நிகில் நிறுவனம் நிகில் பயிற்சி நிலைப்பாடுகள் நிழல் பதியம் நீட் பார் ஸ்பீட் நீயா நானா நுட்பம் நூர் டீச்சர் நூல் அறிமுகம் நூல் பட்டியல் நூல் விமர்சனம் நேர நிர்வாக தளம் நேர நிர்வாகம் நேர மேலாண்மை நேர்மறைச் சிந்தனை பக்தி பஞ்ச் 75 படிக்க வேண்டாத பதிவுகள் பட்லர் பணமதிப்பு நீக்கம் பணிநிறைவு பதிவர் சந்திப்பு 2014 பதிவர் சந்திப்பு 2015 பதிவர் சந்திப்பு 2015 ஆல்பம் பதிவர் திருவிழா 2015 பத்தாம் வகுப்பு ஆங்கிலப் பாடம் பயிற்சிகள் பயிற்சித்துறை பலூஸ்சிஸ்தான் பள்ளி பள்ளிக்கல்வி பாகுபலி பாட்டன் காட்டைத் தேடி பாபநாசம் பாரதி புத்தகாலயம் பாரத் ஸ்டேஜ் 4 பாஸ்ட் அண்ட் ஃபியூரியஸ் 7 Fast and Furious 7 பாஸ்ட் அண்ட் ஃபியூரியஸ் 8 பாஸ்ட் எய்ட் பிட் டோரறேன்ட் பிரபு சாலோமோன் பிராங்கின் படங்கள் பிரார்த்தனை பிரித்தாளுதல் பிரியங்கா பிரேமா தக்ஷிணாமூர்த்தி பிரேம்சந்த் பு.கோ.சரவணன் புகைப்படத் தொகுப்பு புதியவன் புதுகை குளம் மீட்பு புதுகை செல்வா புதுகை தொல்லியல் ஆய்வுக் கழகம். புதுகை தொல்லியல் ஆய்வுக்கழகம் புதுகையின் கல்வி முகங்கள் புதுக்கோட்டை புதுக்கோட்டை மாவட்ட பாறை ஓவியங்கள் புள்ளிகள் புறம்போக்கு பெரியார் பெற்றோர் பேப்பர் ஒன்று பேராசிரியர் அ. தட்சிணாமூர்த்தி பைரவா பொது பொதுப் போக்குவரத்து மேம்பாடு பொற்பனைக்கோட்டை போட்டிகள் ப்ரோசன் ப்ளாகர் டிப்ஸ் மணிகண்டன் ஆறுமுகம் மதத்தீவிரவாதம் மதுரை மதுரை வரலாறு மரபு நடை மரபு வழி நடை மராத்திய மொழிப் படங்கள் மலர்தரு மழைமனிதர்கள் மனிதர்கள் மாட் மாக்ஸ் ஃபியூரி ரோட் Mad_Max:_Fury_Road மாணவர் போராட்டம் மாண்பு மிகு மகளிர் - அறிவியல் சுடர்கள் மாண்புமிகு மகளிர் மாதொரு பாகன் மாத்யு ப்ளோரிஸ் மாமழை நினைவுகள் மார்க் அண்டோனி மாறாப்புன்னகை மாற்றத்தின் முகங்கள் மியான்மர் மிருதன் மிஷன் இம்பாசிபிள் 5 Mission Imposible Rogue Nation முகநூல் முகநூல் நிலைத்தகவல்கள் முகநூல் பகிர்வு முத்தலாக் முத்துக்கிருஷ்ணன் முத்துநிலவன் முனைவர் மு பிரபு முனைவர் ஜம்புலிங்கம் முனைவர். அருள்முருகன் மூன்று புத்தகங்கள் வெளியீடும் குடும்ப விழாவும் மெட்ராஸ் மெமரி கார்ட் மேன்மை இதழ் அறிமுகம் மொழி மொழித்திறன் மோசன் காப்ச்சர் யாதும் ஊரே யாழியின் இரண்டு தொகுப்புகள் ரபீக் ரபீக் பகிர்வு ரம்ஜான் ரவீந்திரன் ரஜனி ரஷ் ரஹ்மான் ராஜ கோபால தொண்டைமான் ராஜ சுந்தர்ராஜன் ராஜசுந்தர்ராஜன் ராஜா சுந்தர்ராஜன் ராஜேஷ் வைத்யா ரிச்சர்ட் அட்டன்பரோ ரியோ ஒலிம்பிக் ருத்ரையா ரோக் ஒன் movie review ரோஹித் வேமுலா லாரீனா லூசி லோகன் 2017 வகுப்பறை அனுபவங்கள் வகை ஒன்று வணக்கம் வண்ணதாசன் வலைச்சரம் வலைப்பதிவர் மாநாடு வலைப்பூ நுட்பம் வள ஆசிரியர்கள் வனமகன் வாசிப்பு வாசிப்பு அனுபவப்பகிர்வு வாழ்த்துக்கள் வாழ்வியல் திறன்கள் பயிற்சி. வாழ்வியல் திறன்கள் பயிற்சி. தன்னை அறிதல் பயிற்சி வானவில் விடுதலை வேள்வியில் வீரத் தமிழர்கள் விடைபெறல் விதைக்கலாம் வித்டிராயல் சிம்ப்டம் விப்லாஷ் விருது வில்வன்னி நாகரீகம் விவசாயம் விஜய் டீ.வி விஜூ கனைக்ட் விஷாலின் விஸ்வரூபம் வீணை இசை வீதி கூட்டம் வீதிக் கூட்டம் வீதிக்கூட்டம் வீரபாண்டிய கட்டபொம்மன் வீரமுரசு சுப்பிரமணிய சிவா வெயிலில் நனைந்த மழை வெர்சடைல் ப்ளாகர் விருது வெள்ளைப் புலி வெற்றி இலக்கியம் வைகறை வைகறையின் ஜெய் நல நிதி ஜல்லிக்கட்டு ஜாக்கி சேகர் ஜாதவ் ஜூராசிக் வோர்ல்ட் ஜெயப் பிரபு ஜெர்மனி ஜே.சி. பயிற்சி ஜேசி இயக்கம் ஜோக்கர் ஜோசப் விஜூ ஷபானா பாஸிஜ் ஷாமிலா தலுவத் ஷாருக்கான் ஷான் கருப்புசாமி ஷாஜகான் ஸ்டான்லி குப்ரிக் ஸ்பாய்லர் ஸ்பிலிட் ஸ்ரீதர் சுப்பிரமணியன் ஹாக்ஸா ரிட்ஜ் ஹாண்ட்ஸ் ஆப் ஸ்டீல் ஹாலிவுட் ஹெர்குலிஸ்