Monday, 26 January 2015

வீதிக் கூட்டத்தின் மாதந்திர சிறுகதை அறிமுகம்

எனது வீதி இலக்கிய கூட்டப் பங்களிப்பை இங்கே பகிர்ந்திருக்கிறேன். 
(இடமிருந்து)திரு.செல்வா, திரு. முத்துநிலவன், மற்றும் முனைவர்.அருள்முருகன் 
ஒரு மணி நேரத்தில் இருந்து மூன்று மணி நேரத்திற்குள் படித்து முடித்துவிடுவதெல்லாம் சிறுகதை என்கிறார் ஒரு ஆங்கில இலக்கியவாதி. இன்னொருவர் ஆயிரம் வார்த்தைகளில் இருந்து நான்காயிரம் வார்த்தைகள் கொண்ட படைப்பைச் சிறுகதை என்று சொல்கிறார். 

தமிழ் வெகுமக்கள் பத்திரிக்கைகளில் தற்போது இந்த இலக்கிய வடிவம் என்ன பாடுபடுகிறது என்பதைப் பார்ப்போம். பல ஆண்டுகளுக்கு முன்னரே ஒருபக்கக் கதை என்று வந்து இலக்கிய உலகிலும் வாசகர் மத்தியிலும் கடும் விமர்சனத்திற்குள்ளான வடிவம் இன்றும் தொடர்வதை பார்க்கிறோம். 

இன்றைய தலைமுறைக்கு பத்து நொடித் தலைமுறை என்ற பெயர் இருப்பதை நாம் நினைவு கூற வேண்டும். எல்லாமே பத்து நொடிகளுக்குள் கிடைத்துவிட வேண்டும். இப்படி பட்ட விரைவுத் தலைமுறைக்கேற்ப இப்போது கதைகள் கார்னர் கதைகளாகவும் சிறு பத்திக் கதைகளாகவும் வரத்துவங்கி இருப்பதை பார்க்கிறோம். 

ஜன்னல் (ஜனவரி 15-31) இதழில் ஆனந்த் ராகவ் பதினைந்து கதைகளை இப்படி கார்னர் கதைகளாக எழுதியிருக்கிறார். சில வாக்கியங்களே கொண்ட கதை துணுக்குகள் இவை. 

ஒரு இலக்கிய வடிவம் எப்படி காலமாற்றத்தில் புதிய வடிவங்களை அடைகிறது என்பதை  இந்தமாதிரியான முயற்சிகள் அறிவிக்கின்றன. 

இதனை தொடர்ந்து (28/01/15) வெளிவந்த ஆனந்த விகடனில் சந்தோஷ் நாரயணன் எழுதிய அஞ்ஞானச்சிறுகதைகள் நேர்த்தியானவை. வேடிக்கை என்னவெனில் கால்பக்கக் கதைக்கு முக்கால் பக்க படங்கள்!

இன்றய வாசகர்கள் படிப்பதை விட காட்சியினை விரும்புகிறார்கள் என்பதை புரிந்துகொள்ள முடிகிறது. 

இவை கதைத் துணுக்குகள் எனினும் கடுகு சிறுத்தாலும் என்கிற பழமொழிதான். 

இவை நமது மனதில் பல கிளைக் கதைகளைச் சொல்கின்றன. சில ஆச்யர்மாக நமது ஆன்மாவையும் தொடுகின்றன. ஒரு மலர்தல் அனுபத்தையும் தருகின்றன. 

சந்தோஷின் பொம்மைகள் ஒரு பெருநாவலின் சிறு துளி!

ஆனந் ராகவ்வின்  ஜகரந்தா விளைவிக்கும் வசித்தல் அனுபவம் அற்புதம். ஆனந்த் ஒரு ரவுண்டு வருவார் என்றே நினைக்கிறன். 

என்னுடைய இம்மாதத்திய எழுத்தாளர் தேர்வாக நான் சொல்வது லக்ஷ்மி சரவணக்குமார். 

"குதிரைக்காரன் குறிப்புகள்" அற்புதமான கதை. வெகு நுட்பமாய் குதிரைப்பந்தயத்தை கண்முன் நிறுத்தும் கதை. அஷோக் அவனது காதலி ஆஷா, குதிரை ப்ளூ மவுண்டன் என சுழலும் கதையின் ஒவ்வொரு திருப்பமும் வியப்பு, நெகிழ்ச்சி, அதிர்ச்சி, ஆற்றாமை என்று நமது உணர்வுகளை இயக்கும் அற்புதமான எழுத்து எழுத்தாளருக்கு கைவந்திருக்கிறது. 

காதலை இவ்வளவு கண்ணியமாக வெளிப்படுத்தி பொது வெளியில் ஒரு பிரமாண்டமான பிம்பத்தை ஏற்படுத்தும் (ரெயின்போ ரெமோ?) இதே எழுத்தாளர் உயிர்மை இலக்கிய இதழில்  தனது இன்னோர் படைப்பில்  அதை முற்றாகத் தகர்க்கிறார். 

உயிர்மையில் வள்ளித் திருமணம் என்கிற கதையில் நாடக நடிகர்கள், அவர்களின் எசகு பிசகான பாலுறவு, இயற்கைக்கு மாறான பாலுறவு என்று வெகு "நுட்பமாய்" விவரிக்கிறார். 

ஒரே எழுத்தாளர் வெகு மக்கள் பத்திரிக்கையில் ஒரு மாதிரியும் ஸ்ப்ளிட் பர்சனாலிட்டி மாதிரி இலக்கியப் பத்திரிக்கையில் "ஒரு மாதிரியும்" எழுதுவது இலக்கிய உலகின் இருத்தல் நியாயங்களில் ஒன்றுதானே. 

லெ.ச ஒரு முக்கியமான எழுத்தாளர் என்பதில் சந்தேகம் ஏதும் இல்லை. 

குமுதத்தில் வெளிவரும் வைரமுத்து கதைகள் அருமையாகவே இருக்கின்றன. 

நான் விரும்பிப் படித்து வேதங்கள் சொல்லாதது (26/01/215). 

நடேச அய்யர் தனது தென்னந்தோப்பை ஒரு வக்கீலிடம் ஓர் நிபந்தனையுடன் விற்கிறார். அவரது தோப்பு வீட்டில்  மகா பெரிவர் வந்து தங்கிச் சென்றதால் அதைக் கோவில் எனக் கருதும் அவர் அதன் புனிதம் கெடாமல் பார்த்துக்கொள்ளச் சொல்கிறார். 

சில மாதங்களில் திரும்பும் அவர் தோட்ட வேலை பார்க்கும் தலித் ஒருவர் விளக்குப் போடுவதைக் கண்டு கொதித்துச் சபிக்கிறார். 

ஒரு பெருமழை தொடர்கிறது. தோட்டத்தில் இருளனின் குடில் பறக்க பெரியவர் இருந்த வீட்டில் குடிபுகுமாறு  பணிக்கிறார் வக்கீல்! 

கதை இத்துடன் முடிந்திருந்தால் பரவாயில்லை. ஆனால் ஒரு சிக்கலான வாக்கியத்துடன் முடிகிறது.

நடசே அய்யர் ஏற்கிறாரோ இல்லையோ பெரியவர் ஏற்றுக் கொள்வார் என்கிறது கதை. 

இந்தக் வாக்கியம் கதையின் ஆன்மாவை கொன்றுபோடுவதாக எனக்கு தோன்றுகிறது. 

இதே வாரம் இதைத் தொடர்ந்து கோமளா.ஜி அவர்கள் எழுதிய யாகம் என்கிற கதையும் சாதியத்தைத்தான் பேசுகிறது. 

ஒரு பெரிய சாதிப் பெண் சுமதி என்கிற தலித் பெண்ணுடன் நட்பாகி வீட்டிற்கு அழைத்து செல்கிறார். சில நாட்கள் கழித்து வீட்டார்க்கு அவளது சாதி தெரியவர அவள் கண்டவாறு ஏசப்பட்டு விரட்டப்படுகிறாள். அவளது நட்பை இழந்து தவிக்கும் நாயகி இன்னொருவனிடம் காதல் வயப்படுகிறாள். அவன் வீட்டார் கனிவுடன் பழகுகிறார்கள். ஒரு தனித்த தருணத்தில் அவனது வீட்டில் பஞ்சும் நெருப்பும் பற்றிக் கொள்கின்றன. ஆனால் அதன் பின்னர் அவள் அவனை மீண்டும் பார்க்கவே இல்லை என்கிறது கதை.  அவன் இவளது முன்னால் தோழியின் ஒன்றுவிட்ட அண்ணன் என்கிறது கதை. 

கதாசிரியர் ஒரு பெண்ணாக இருப்பதால் வெகு அழகாக காதல் சொல்லப்பட்டு இருக்கிறது. காதல் பகுதியை அவர் சொல்கிற பொழுது வாசகனுக்குள்ளும் சில பட்டாம்பூச்சிகள் பறக்கலாம்! அவ்வளவு அருமை. 

ஆனால் முடிவு. இயல்பு வாழ்க்கையில் இதுதான் முடியும் என்று வாதிட்டாலும் சரியான முடிவாக தெரியவில்லை. 

என்னம்மா இப்படி ?

படைப்பாளர் உணர்வுகளை அருமையாக கையாள்பவராக இருந்தும், முடிவுகளை தலையில் இருந்து எடுப்பவராக இருக்கிறார். 

வேதங்கள் சொல்லாதது, யாகம் இரண்டு படைப்புகளுமே ஒரு தாகத்தை ஏற்படுத்தி தணிப்பது போல் பாசாங்கு செய்து முடிந்து போகின்றன. 
இன்றைய சூழலில் சாதியம் குறித்து பேசுவதின்  ரிஸ்க் பெ.மு விசயத்தில் நாம் ஏற்கனவே பார்த்ததுதான்.

சிறந்த கதைகள் என நான் வாசிக்க ஆரம்பித்து வேண்டாம் என விலக்கிய கதைகள் இவை. 

எனது பார்வையில் இந்த மாதத்தின் சிறந்த கதையாக நான் தேர்ந்தெடுப்பது எஸ்.ராமகிருஷ்ணன் அவர்களின் இன்னும் கொஞ்சம் இனிப்பு. இந்தக் ஆனந்த விகடனில் வெளிவந்தது. 

கண்ணையா என்கிற லான்ட் ப்ரோக்கர் ஒரு வில்லங்கமான இடத்தை விற்பனை செய்ய விழித்திறனற்ற அருள்செல்வதையும், சியாமளாவையும் தேர்வு செய்கிறான். 

மனம் பதைக்க படிக்கவைத்து விழிநீரை சுரக்க வைக்கும் முடிவை எஸ்.ராவினால் எப்படித்தர முடிகிறது? 

இந்தக் கதை ஒன்றும் சாதியம், சமத்துவம், போலிப் புரட்சி என்று பேசவில்லை இது வாசகன் தன்னை சுத்தப் படுத்திக்கொள்ள ஒரு வாய்ப்பை வழங்குகிறது.  வெகு ஜோரான கதை இப்படித்தான் இருக்க வேண்டும். 

உயிர்மையில் இவர்(எஸ்.ரா) எழுதிய உலகின் கண்களிலும் நிர்வாணம் இருக்கிறது அது ரசிக்கத்தக்க வகையில் இருக்கிறது. முகம் சுளிக்கும் வகையில் அல்ல. இதை வளரும் படைப்பாளிகள் குறித்துவைத்துக் கொள்ளவேண்டும். 

தேர்வுப் புரவியின் உஷ்ண மூச்சில் எனது பிடரி மயிரெல்லாம் பொசுங்கிக் கொண்டிருக்கும் இந்த வேளையில் சிறுகதை உலகில் என்னை சஞ்சரிக்க வைத்து புதுப்பித்தமைக்கு வீதியின் அமைப்பாளர்களுக்கும் ஆளுமைகளுக்கும் எனது நன்றியினைத் தெரிவித்துக் கொள்கிறேன். 

பி.கு மது ஒரு வாசகன் இலக்கிய விமர்சகன் அல்ல. இது ஒரு பாமர வாசகனின் வாசித்தல் அனுபவப் பகிர்வுதனே ஒழிய சுப்ரீம் கோர்ட் ஜட்ஜின் தீர்ப்பெல்லாம் இல்லை

அன்பன்
மது 

14 comments:

  1. வணக்கம்
    சொல்வது உண்மைதான் காலத்தின் தேவைக்கு ஏற்ப வடிவங்கள் மாறுகிறது... கருப்பொருள் ஒன்றுதான்.....அருமையாக சொல்லியுள்ளீர்கள் பகிர்வுக்கு நன்றி
    த.ம-2
    -நன்றி-
    -அன்புடன்-
    -ரூபன்-

    ReplyDelete
    Replies
    1. நன்றி அய்யா.

      Delete
  2. மது ஒரு சாதாரண வாசகன் மட்டுமல்ல, நல்ல இலக்கிய விமர்சகனும் கூட என்பதாகத்தான் இந்தப் பதிவு எங்களுக்குக் காட்டுகிறது மது. “இலக்கியச் சிந்தனை“ ஒவ்வொருமாதமும் ஒரு கதையைத் தேர்வு செய்து வருட இறுதியில் அந்தப் பன்னிரண்டு கதைகளில் இது சிறந்த கதையைத் தேர்ந்தெடுக்கச் சொல்லி அதை ஒருவரிடம் தந்து, காரணத்தோடு தேர்ந்தெடுத்ததை முன்னுரையாக வெளியிடுவார்கள். அப்படி இருக்கிறது. உங்களுக்குக் கதைவிமர்சனம் வராது என்பது ஒரு நல்ல் கதை! தொடருங்கள் அய்யா, உங்களின் வாசிப்பு ருசி நல்ல விமர்சனத்தில் கொண்டுவிடும் அது, படைப்பில் கொண்டு நிறுத்தும்...வளர்க உங்கள் வாசிப்பும் விமர்சனமும், நல்ல படைப்புகளுக்கு வித்திட வாழ்த்துகிறேன்.

    ReplyDelete
    Replies
    1. நன்றி அண்ணா.

      Delete
    2. ஆமா...என்ன ஆச்சு மதூ? பத்தாம்ப்பு பன்னண்டாம்ப்பு பசங்கள கவனிங்க நா வேண்டாங்கள..அதுக்காக..என்னைப் போலும் உங்கள் வலையுலக வாசகர்களை இப்படி வாரக்கணக்கில் ஏமாற்றலாமா?
      எழுதுங்கள மது! உங்கள் இசையென்ற ச்செ எழுத்தென்ற இன்ப வெள்ளத்தில் நீந்திட வந்த எங்களை ஏமாற்றிவிடாதீர்கள் மதூஉஉஉ!
      பி.கு- எனது தளத்தில் உள்ள நட்பு வலைப்பக்க வரிசையைப் பாருங்கள் எழுதத் தாமதம் செய்வதில் நம் அய்யாவுக்கு அடுத்து நீங்க வந்துட்டீங்க அய்யாவே ஏத்துக்க மாட்டாரு..

      Delete
    3. அட ..........
      கருத்திடலாம் என்று வந்தால் முத்துநிலவன் அய்யா முந்திக் கொண்டாரே!!!

      அய்யாவின் கருத்தை நான் வழிமொழிகிறேன்.

      Delete
  3. வீதியின் செயல்பாடு அறிந்து மகிழ்ச்சி. இவ்வாறான பதிவுகள் மற்றவர்களையும் படிக்கவும் எழுதவும் தூண்டும் என்பதில் ஐயமில்லை. தங்களின் முயற்சி தொடரட்டும். வாழ்த்துக்கள்.

    ReplyDelete
  4. அண்ணே ! எப்படிணே எல்லா விஷயங்களையும் எழுதிட்டு எனக்கு இலக்கிய விமர்சனம் தெரியாதுனு சாதாரணமா சொல்றிங்க ? அப்பப்பா ! உங்களின் வாசிப்புத்திறன் என்னை ஆச்சரியப்படுத்துகிறது . சுமார் இரண்டாண்டுகளாக விகப்பத்திரிக்கைகள் படிப்பதையே விட்டிருந்தேன் . இனி அதையெல்லாம் படி்ககலாமா என்ற எண்ணம் தங்களின்பதிவின்வழி எனக்குத்தோன்றுகிறது .

    தம+

    ReplyDelete
  5. மது தோழரே! எங்கேயோ போயிட்டீங்க! எவ்வளவு அழகா சிறுகதைகளை விமர்சித்துச் சென்றுள்ளீர்கள்! எஸ் ரா வின் கதைகளை மிகவும் ரசிப்பவர்கள். மனதைத் தொட்டுச் செல்பவை. அவரது அனுபவக் கட்டுரைகளும் அப்படியேதான்.....

    நாங்களும் நிறைய வாசிக்க வேண்டும்....சுஜாதா கூட ஒரு வரிக்கதை ஒன்று சொல்லியிருந்தார்...இப்போது அது சரியாக நினைவில் இல்லை...

    ReplyDelete
  6. அன்புள்ள அய்யா,

    வீதிக் கூட்டத்தின் மாதந்திர சிறுகதை அறிமுகம்.... படித்த கதைகளை விமர்சனப் பதிவாக அருமையாக விளக்கி எழுதியிருந்தீர்கள்!

    சிறுகதை எப்படி இருக்கவேண்டும்... எத்தனை வரிகள் இருக்கவேண்டும் என்பதை வரையறுத்துக் கூறுவது காலத்துக்கு காலம் வேறுபடுகிறது.

    தங்களின் விமர்சனப் பார்வை நன்றாக இருக்கிறது. வீதி கலை இலக்கிய அமைப்பு ... தமிழகத்தின் விதியை மாற்றும்.... புதுகையை மட்டுமல்ல... இலக்கிய உலகையே புதியதாய் மாற்றட்டும்.
    நன்றி.

    த.ம.4

    ReplyDelete
  7. தாங்கள் சிறந்த வாசிப்பாளர் அதுதெரியும் புலிக்குப்பிறந்தது
    பூனையானால் அது ஞாயமாகுமா? நீங்க சொன்னவிதம்
    அருமை மிக அருமை.

    ReplyDelete
  8. உங்கள் வாசிப்பனுபவம் அழகிய இலக்கியமாய்...
    வாழ்த்துக்கள் சார்,

    ReplyDelete
  9. உங்களின் மூலமாகத்தான் மாதொரு பாகனை அறிந்தேன்... அதை வாசிப்பதில் முழ்கியிருக்கிறேன் ! இதோ இந்த பதிவு... உங்களுக்குள் இருக்கும் சிறப்பான இலக்கிய ரசனைமிக்க வாசகனை காட்டுகிறது !

    உங்களை போன்றவர்களின் பதிவுகளை படிக்கும்போது தான் நான் கடக்க வேண்டிய தூரம் தெரிகிறது....

    தொடருவோம் !

    எனது புதிய பதிவு : மதமாற்றம் மனமாற்றமாகுமா ?
    http://saamaaniyan.blogspot.fr/2015/01/blog-post_21.html
    தங்களுக்கு நேரமிருப்பின் படித்துவிட்டு உங்கள் கருத்தினை பதியுங்கள்.

    நன்றி
    சாமானியன்

    ReplyDelete
  10. ஒரு தரமான விமர்சகர் எப்படி எழுதவேண்டும் 80தை தங்களிடமிருந்து கற்றுக்கொண்டேன் தோழரே...
    தமிழ் மணம் – ஐந்தறிவி

    ReplyDelete

தங்கள் வருகை எனது உவகை...

Labels

12 Years a Slave (2013) 2001: எ ஸ்பேஸ் ஆடிசி A Walk Among the Tombstones Amr Waked Avengers Age of Ultron avms kaarthik bairava blogging tips buds to blossoms c.c.e Fast and Furious 8 Guardians of the Galaxy honour killings innovations in Marketing into the storm Iyothee Thass jci jci pudukkottai central kalvi kannaki kovil keezhadi khan's academy kochadaiyaan review Lucy(2014) spoiler madurai Min-sik Choi Morgan Freeman oblivion personal change positive attitude வெற்றி இலக்கியம் Rafeeq Friend robin williams rouge one 2016 sasikala for cm Scarlett Johansson shajakaan society spoiler ssa T.V.18 yaathum oore episode 12 Tamil Short Story tasmac tesla motors thamizh thirai vimarsanm udayakkumar viswaroopam movie want to write ? War for the Planet of the Apes www.ted.com X Standard Tamil Memory Songs Tamil Nadu X-Men: Days of Future Past அ பெ கா பண்பாட்டு இயக்கம் அ.பெ.கா அசத்தல் அரசுப் பள்ளி அச்சம் என்பது மடமையடா அப்பா அமெரிக்கா அம்மா அயோத்தி தாசர் அரசு ஊழியர்களின் குரல் அரசுப் பள்ளிகள் அரிமளம் பள்ளி அரைவல் அலைகள் அலையும் குரல்கள் அவென்ஜெர்ஸ் ஏஜ் ஆப் அல்ட்ரான் அறிவிப்புகள் அனுபவம் அன்னவாசல் கே. ரெங்கசாமி ஆஃபரா ஆங்கில கேட்டல் பயிற்சி ஆங்கிலத்தொடர்பாற்றல் ஆங்கிலப் படம் ஆங்கிலப் பயிற்சி ஆங்கிலம் ஆசிரியர் ஆசிரியர் தினம் ஆசிவகம் ஆசை தொடர் பதிவு ஆண்டனி ஆதிச்சநல்லூர் இசை இடஒதுக்கீடு இடைநிறுத்தம் இடைநிற்றல் இந்திய தேசிய ராணுவம் இந்தியா வரங்களும் சாபங்களும் இமான் இளையராஜா இறுதிச் சுற்று இனப்படுகொலை இன் டு தி ஸ்டார்ம் இன்னுமொரு சிறுகதை. புன்னகை இஸ்ரேல் ஈர்ப்பலைகள் ஈழம் ஈழம் சமுகம் உயிர்மை உலகின் பொருளாதாரக் கொள்கை உலோக உருக்கு ஆலை எக்ஸ்.மென் அபோகிளிப்ஸ் எட்ஜ் ஆப் டுமாரா எல்காம் எஸ்.எம்.எஸ். கொள்ளை ஏற்பாடுகள் ஐஸ் ஸ்டுபா ஒரு கோப்பை மனிதம் ஒரு முகநூல் பகிர்வு ஒலிம்பிக் ஒன்பதாம் வகுப்பு ஆங்கிலப் பாடம் ஓவியர்கள் கடிதம் கட்செவி பகிர்வு ஒன்று கட்டிடப் பொறியியல் கட்டுரைப் போட்டி கண்ணகி கோவில் கண்ணேநலமா - கண்ணாடி பவர் குறைபாடுகள் கதிர்வேல் கதை திரைக்கதை வசனம் இயக்கம் கத்தி கயல் கருத்தாளிகள் கலாச்சராம் கலிலியோ அறிவியல் மையம். கல்வி கல்வித்துறை விழா கல்வியாண்டு கவண் கவிஞர் தங்கம் மூர்த்தி கவிஞர் நீலா கவிதை கவிதை அறிமுகம் கவிதை பகிர்வு கவிதைகள் கவிதைத் தொகுப்பு கவுரவக் கொலைகள் கற்க கசடற கற்பித்தல் யுக்திகள் கனகசபை ராமசாமி கனவில் வந்த காந்தி கனிமொழி காக்கா முட்டை காணொளிகள் சில காதர் காந்தி திரைப்படம் காப்டன் அப்பாஸ் அலி காப்புரிமை கார்டியன்ஸ் ஆப் தி காலக்ஸி கார்த்திக் கார்த்திக் கார்த்திக் காவியத் தலைவன் காற்றுவெளியிடை கிரமத்து குழந்தைகள் கிரேஸ் பிரதிபா கிரேஸ் பிரதீபாவின் துளிர் விடும் விதைகள் கிஷோர் டேவிட் ராஜ ராஜன் கீழடி குருநாதசுந்தரம் குழந்தை வளர்ப்பு குழந்தைகள் தினம் குறும்படம் கேவல் நதி கொசுவத்தி கொசுவர்த்தி கொஞ்சம் புதிய அறிவியல் கொஞ்சம் வெப் கொடி காத்த குமரன் கொம்பன் திரை விமர்சனம் கோச்சடையான் கோடை நகர்ந்த கதை கோபிநாத் கோவை ஆவி க்விஸ் சக்கரக்காலன் சக்தி சவுந்தர் ராஜன் சச்சின் சதுர ஆவுடைகள் சந்தானம் சந்திப்பு சந்திரமோகன் வெற்றிவேல் சந்தைப்படுத்துதல் சமுகம் சமுத்திரக்கனி சமூகம் சர்தார் வல்லபாய் பட்டேல் சாதனைப் பெண்மணிகள் சித்தன்னவாசல் ஓவியங்கள் சித்தன்னாவாசல் இலக்கிய சந்திப்பு சிவகார்த்திகேயன் சிறுகதை சினிமா சின்னவள் கவிதைத் தொகுப்பு சீனு சுகு சுய முன்னேற்றம் சுயபுராணம் சுரபி சுரேந்தர் சூப்பர்மென் வெர்சஸ் பாட்மேன் செந்தூரன் பாலிடெக்னிக் செந்தூரன் பாலியின் தொடர் சாதனை செல்பி செவன்த் சென்ஸ் செவென்த் சென்ஸ் சொன்னாங்க சோ ஸ்வீட் வலைப்பூ ஞானாலயா ஆவணப் படம் டாக்டர் ஸ்ட்ரேஞ் டான் ஆப் ஜஸ்டிஸ் டி.எம்.என்.டி Teenage Mutant Ninja Turtles (2014) டினா அரீனா டெல்லி சம்பவம் ட்ரான்ஸ்பார்மர்ஸ் ஏஜ் ஆப் எக்ஸ்டின்ஷன் தங்கமகன் தஞ்சை தபால்காரர் தமிழ் தமிழ் ஹிந்து தமிழ்ச் செம்மல் விருது தயான் சந்த் தர்மதுரை தலைமைப் பண்பு தலைவாரி பூச்சூடி தாயம்மாள் தாய்மொழி தாரை தப்பட்டை தி இத்தாலியன் ஜாப் தி பிரஸ்டீஜ் தி.ஆலை பள்ளி தியாக வரலாறு திருச்சி புகைப்பட பொருட்கள் கண்காட்சி. நிகழ்வுகள் திரை இசை திரை வி மர்சனம் திரை விமர்சனம் திரைவிமர்சனம் தீபிகா படுகோன் தீரன் சின்னமலை துவரங்குறிச்சி தேவதைகளால் தேடப்படுபவன் தேறி தொடர்பதிவு தொலைகாட்சி 18 தொல்காப்பியர் விருது தொல்லியல் ஆய்வுக் கழகம் தொல்லியல் சான்றுகள் தொழில் நுட்பம் தொழில் முனைவு தொழில்முனைவு தோழர் ரபீக் பதிவு நகை நடாஷா ரைட் நடிகர் சங்கத் தேர்தல் நத்தார் தின வாழ்த்துக்கள் நந்தன் ஸ்ரீதரன் நமக்கு நாமே திட்டம் நம்பிக்கை மனிதர்கள். நம்மாழ்வார் நலம் நன்றிகள் நாகூர் ரூமி நாடகக் கலைஞர்கள் நாயகர்கள் நாளைய மனிதர்களின் நேற்று நான் ஒரு குழந்தை நிகழ்வு நிகழ்வுகள் நிகில் நிறுவனம் நிகில் பயிற்சி நிலைப்பாடுகள் நிழல் பதியம் நீட் பார் ஸ்பீட் நீயா நானா நுட்பம் நூர் டீச்சர் நூல் அறிமுகம் நூல் பட்டியல் நூல் விமர்சனம் நேர நிர்வாக தளம் நேர நிர்வாகம் நேர மேலாண்மை நேர்மறைச் சிந்தனை பக்தி படிக்க வேண்டாத பதிவுகள் பட்லர் பணமதிப்பு நீக்கம் பணிநிறைவு பதிவர் சந்திப்பு 2014 பதிவர் சந்திப்பு 2015 பதிவர் சந்திப்பு 2015 ஆல்பம் பதிவர் திருவிழா 2015 பத்தாம் வகுப்பு ஆங்கிலப் பாடம் பயிற்சிகள் பயிற்சித்துறை பலூஸ்சிஸ்தான் பள்ளி பள்ளிக்கல்வி பாகுபலி பாட்டன் காட்டைத் தேடி பாபநாசம் பாரதி புத்தகாலயம் பாரத் ஸ்டேஜ் 4 பாஸ்ட் அண்ட் ஃபியூரியஸ் 7 Fast and Furious 7 பாஸ்ட் அண்ட் ஃபியூரியஸ் 8 பாஸ்ட் எய்ட் பிட் டோரறேன்ட் பிரபு சாலோமோன் பிராங்கின் படங்கள் பிரார்த்தனை பிரித்தாளுதல் பிரியங்கா பிரேமா தக்ஷிணாமூர்த்தி பிரேம்சந்த் பு.கோ.சரவணன் புகைப்படத் தொகுப்பு புதியவன் புதுகை குளம் மீட்பு புதுகை செல்வா புதுகை தொல்லியல் ஆய்வுக் கழகம். புதுகையின் கல்வி முகங்கள் புதுக்கோட்டை புதுக்கோட்டை மாவட்ட பாறை ஓவியங்கள் புள்ளிகள் புறம்போக்கு பெரியார் பெற்றோர் பேப்பர் ஒன்று பேராசிரியர் அ. தட்சிணாமூர்த்தி பைரவா பொது பொதுப் போக்குவரத்து மேம்பாடு பொற்பனைக்கோட்டை போட்டிகள் ப்ரோசன் ப்ளாகர் டிப்ஸ் மணிகண்டன் ஆறுமுகம் மதத்தீவிரவாதம் மதுரை மதுரை வரலாறு மரபு வழி நடை மராத்திய மொழிப் படங்கள் மலர்தரு மழைமனிதர்கள் மனிதர்கள் மாட் மாக்ஸ் ஃபியூரி ரோட் Mad_Max:_Fury_Road மாணவர் போராட்டம் மாண்பு மிகு மகளிர் - அறிவியல் சுடர்கள் மாண்புமிகு மகளிர் மாதொரு பாகன் மாத்யு ப்ளோரிஸ் மாமழை நினைவுகள் மார்க் அண்டோனி மாறாப்புன்னகை மாற்றத்தின் முகங்கள் மியான்மர் மிருதன் மிஷன் இம்பாசிபிள் 5 Mission Imposible Rogue Nation முகநூல் முகநூல் நிலைத்தகவல்கள் முகநூல் பகிர்வு முத்துக்கிருஷ்ணன் முத்துநிலவன் முனைவர் மு பிரபு முனைவர் ஜம்புலிங்கம் முனைவர். அருள்முருகன் மூன்று புத்தகங்கள் வெளியீடும் குடும்ப விழாவும் மெட்ராஸ் மெமரி கார்ட் மேன்மை இதழ் அறிமுகம் மொழி மொழித்திறன் மோசன் காப்ச்சர் யாதும் ஊரே யாழியின் இரண்டு தொகுப்புகள் ரபீக் ரபீக் பகிர்வு ரம்ஜான் ரவீந்திரன் ரஜனி ரஷ் ரஹ்மான் ராஜ கோபால தொண்டைமான் ராஜ சுந்தர்ராஜன் ராஜசுந்தர்ராஜன் ராஜா சுந்தர்ராஜன் ராஜேஷ் வைத்யா ரிச்சர்ட் அட்டன்பரோ ரியோ ஒலிம்பிக் ருத்ரையா ரோக் ஒன் movie review ரோஹித் வேமுலா லாரீனா லூசி லோகன் 2017 வகுப்பறை அனுபவங்கள் வகை ஒன்று வணக்கம் வண்ணதாசன் வலைச்சரம் வலைப்பதிவர் மாநாடு வலைப்பூ நுட்பம் வள ஆசிரியர்கள் வனமகன் வாசிப்பு வாசிப்பு அனுபவப்பகிர்வு வாழ்த்துக்கள் வாழ்வியல் திறன்கள் பயிற்சி. வாழ்வியல் திறன்கள் பயிற்சி. தன்னை அறிதல் பயிற்சி வானவில் விடுதலை வேள்வியில் வீரத் தமிழர்கள் விடைபெறல் விதைக்கலாம் வித்டிராயல் சிம்ப்டம் விப்லாஷ் விருது விவசாயம் விஜய் டீ.வி விஜூ கனைக்ட் விஷாலின் விஸ்வரூபம் வீணை இசை வீதி கூட்டம் வீதிக் கூட்டம் வீதிக்கூட்டம் வீரபாண்டிய கட்டபொம்மன் வீரமுரசு சுப்பிரமணிய சிவா வெயிலில் நனைந்த மழை வெர்சடைல் ப்ளாகர் விருது வெள்ளைப் புலி வெற்றி இலக்கியம் வைகறை வைகறையின் ஜெய் நல நிதி ஜல்லிக்கட்டு ஜாக்கி சேகர் ஜாதவ் ஜூராசிக் வோர்ல்ட் ஜெயப் பிரபு ஜெர்மனி ஜே.சி. பயிற்சி ஜேசி இயக்கம் ஜோக்கர் ஜோசப் விஜூ ஷபானா பாஸிஜ் ஷாமிலா தலுவத் ஷாருக்கான் ஷான் கருப்புசாமி ஷாஜகான் ஸ்டான்லி குப்ரிக் ஸ்பாய்லர் ஸ்பிலிட் ஸ்ரீதர் சுப்பிரமணியன் ஹாக்ஸா ரிட்ஜ் ஹாண்ட்ஸ் ஆப் ஸ்டீல் ஹாலிவுட் ஹெர்குலிஸ்