Saturday, 11 July 2015

பாகுபலி எனும் டச் ஸ்டோன்...




சாண்டில்யன், கோவி மணிசேகரன்  நாவல்களை வெறிகொண்டு படித்தோருக்கு கிடைத்த ஜன்ம சாபல்யம் இந்தப்படம்.

ஓவரா ஹைப் வேறு. சமயங்களில் இதுவே படத்திற்கு நெகடிவ் ரிசல்டை கொடுத்துவிடும். போதாக் குறைக்கு ட்ரைலரில் கருப்பர்கள் அடிவாங்கி பறப்பதை பார்த்து காண்டாகி இருந்தேன். (கருப்பா இருக்கவங்க அடிவாங்கினால் வேறு மாறி யோசித்து தொலையும் என் மூளை). அதுவும் அடிக்கற பார்டி வெள்ளையா இருந்தா அதைவிட காண்டாவேன்!


பொதுவாக படைப்பாளிகள் ரசிகர்களின் மூளைக்குள் ஏற்கனவே பதிந்திருப்பதை பயன்படுத்திக் கொள்வார்கள். சேக்ஸ்பியரின் பல வில்லன்கள் யூதர்களானது இப்படித்தான்! அது ஒரு படைப்பாளியின் படைப்பை எளிமையாக பார்வையாளர்களிடம் எடுத்து சென்றுவிடும்.

எனது நண்பர் ஒருவர் எம்.சி.ஏ முதல் வகுப்பில் தேர்ந்த மென்பொருள் வல்லுநர். அவருடன் ஒரு ஆங்கிலப் படத்தை பார்த்துகொண்டிருந்த பொழுது வில்லன் கதாபாத்திரத்தை ஏய் இவன்தான் கொள்ளைக்கூட்ட பாஸா என்று கேட்ட பொழுது நாங்கள் விழுந்து விழுந்து சிரித்தது நினைவில் இருக்கு.

எனவே அன்றைய சௌகார் ஜானகி முதல் இன்றைய சரண்யா வரை ஒரு படத்தில் அழுவாச்சி கேரக்டர் என்றால் சாகும் வரை அந்தப் மாதிரி பாத்திரத்திரங்களில் தான்  நடித்தாக வேண்டும்.

ராஜ மௌலியை மட்டும் நாம் எப்படி குற்றம் சொல்ல முடியும்.  வில்லன்கள் எப்போதும் கருப்பாகவே இருந்துவிட்டுப் போகட்டும்!

ஆமா எப்படி இவர் மட்டும் தொடர்ந்து பாக்ஸ் ஆபிஸை தொடர்ந்து தகர்க்கிறார்? ஒரு படம் கூட தப்பாமல் அதிரடி சரவெடியாக இருக்கிறது.

ஒரு இயக்குனரின் படத்திற்காக இரண்டு ஆண்டுகள் ஒரு நடிகர் பட்டாளமே உழைக்கிறது என்றால் அந்த இயக்குனரின் படைப்புத் திறன் எத்தகையதாக இருக்க வேண்டும்?

மௌலி குறித்து எழுகின்ற மனச்சித்திரம் சாதரணமானது அல்ல.

ரொம்ப மொக்கையைப் போடாம படத்தை பத்தி சொல்லு என்று சீறுபவர்களுக்கு

அய்யா தொரைகளா எப்படிப்பா ஒரு பதிவில் எழுத முடியும். அம்புட்டு மேட்டர் கீதே.

ஷார்ட்டா எனக்கு பிடித்த விசயங்களை மட்டும் சொல்கிறேன்.

மாஸ் கிளாஸ் செமை என்று கொண்டாடும் அளவிற்கு பெண் கதாபாத்திரங்கள்!

எனக்கு மிகவும் பிடித்த விசயத்தில் இதுதான் முதலாவது.

இப்படி பெண் கதாபாத்திரங்களுக்கு வெய்ட் கொடுக்கும் தில் இங்கே ஒருவருக்கும் இல்லை என்கிற எல்லைக்கு போயிருக்கிறார் இயக்குனர்.

அவந்திகா பாத்திரத்தில் தமன்னா தனது காரீயரின் அடுத்த தளத்திற்கு போயிருக்கிறார். இவரது அறிமுகக் காட்சியில் அவர் எடுக்கும் ருத்ர அவதாரம் வீரியம். தமன்னாவிற்கு செமையான பாத்திரம் இது. ஆனால்  அடுத்தது பிரபாஸை சந்தித்து ஹவுஸ் ஆப் த ப்ளையிங் டாகர்ஸ், ஹிடன் டிராகன் க்ரவுச்சிங் டைகர் போலவே ஒரு காதல் ஒரு காமம் என சராசரியாக சரிந்து போகிறது அவரது பாத்திரம்.

சரி ஒரு பொண்ணுதான் கதையில் வெய்ட் என்று பார்த்தால் ரம்யா கிருஷ்ணன் பாத்திரம் ஒரு பயல் மறக்க மாட்டான்.

அருவிக் கரையில் இரண்டு வீரர்களை பலி போடுவதாகட்டும், குழந்தையை கையில் இருந்து  கீழே விடாமலேயே அமைச்சரை போட்டுத்தள்ளிவிட்டு அடுத்த நொடியில் குழந்தையை அணைத்துக் கொஞ்சுவதில் மாஸ் பெர்பாமான்ஸ்.

அடுத்தது அனுஷ்கா. அம்மணி இந்த பார்ட்டில் டம்மி என்றாலும் அடுத்த பார்ட்டில் அசத்துவார். இது இயக்குனரின் படைப்பு செறிவின் திமிர் அன்றி வேறென்ன.

படத்தில் பிடித்த மற்றொரு விசயம் சத்தியராஜ். பல படங்களில் கதாநாயகனாக நடித்த இன்றும்  நடிக்கிற மாஸ் ஹீரோ. தமிழ் திரையுலகில் எத்துனையோ முத்திரைகளை பதித்திருந்தாலும் இந்தப் படம் சத்தியராஜின் ஆகச் சிறந்த படம்.

ஒரே காட்சி பாகுபலியை தாக்க பாயும் அவர் முகத்தைப் பார்த்தவுடன் ஈட்டியைப் போட்டுவிட்டு சறுக்கிக் கொண்டே போய்க் கொடுக்கிறாரே ஒரு முகபாவம்.... சான்சே இல்லாத மேட்டர் என்று நினைத்துக் கொண்டிருக்கும் பொழுதே தனது தலையில் பிரபாஸின் காலை எடுத்து வைத்துக் கொண்டு பார்பவர்களை அதிரவைக்கிறார். இது போதாது என கிளைமாக்ஸில் ஒரு ட்விஸ்ட் அடுத்த பாகம் வரும் வரை  ரசிகர்கள் மனதில் அப்படியே இருக்கும் சத்தியராஜின் உருவமும் நடிப்பும்.

இந்த ஆண்டின் பல விருதுகளை சத்தியராஜ் பெற வாய்ப்பு இருக்கிறது.

படம் நிச்சயமாக உலகத்தரம் என்று சொல்ல வைப்பது மொக்கைக் காதல் வழியும் முதல் பாதியல்ல  இரண்டாம் பாதிதான்!

ஒரு காட்சியில் அந்தரத்தில் பறந்து சுழன்று ஓடும் வில்லன் ஒருவனின் தலையை வெட்ட அதைத் தொடர்ந்து அவன் முண்டமாக ஓடுவது தியேட்டரில் அப்ளாஸ் அள்ளுகிறது.


யப்பா மேக்னேஷ் பீட்டர் ஹெயின் பத்தி முதல்ல எழுதப்பா.  படத்தின் ஹீரோவே பீட்டர்தான் என்கிற அளவில் இருக்கின்றன சண்டைக் காட்சிகள்.

படத்தின் பிரமாண்டக் காட்சிகள் என்று சி ஜி ஐயில் மட்டும் இருக்கும் அருவி, அதில் பிரபாஸ் ஏறுவது என பிரேம் பிரமாண்டம். ஆனால் இயல்புக்கு மாறான இயல்பு அது. சினி இயல்புக்கே மாறானது அது!


பல இடங்களில் ப்ரோபோர்ஷன் காலியாகிருக்கிறது. முழங்கால் அளவு நதிநீரே உங்களை அடித்து செல்ல போதுமானது ஆனால் ஆர்பரித்து விரையும்  தோள் அளவு நீரில் நின்று நிமிடக்கணக்கில் வசனம் பேசுகிறார் ரம்யா. வாட்யா நீங்களுமாய்யா? அவர் குழந்தையை உயர்த்திப் பிடிக்கையில் சரியாக ரெண்டர் ஆகாத குழந்தையின்கால் பளிச்சென தெரிகிறது.

அவதார் போன்ற படங்கள் ஏன் ஆண்டுக்கணக்கில் தயாரிப்பில், பின் தயாரிப்பில் இருக்கிறது என நாம் உணர இத நொடிநேர தவறு போதும்.

ஒரு இலையில் இருந்து சொட்டும் நீருக்கு ரெண்டரிங் தர ஒரு நாள் முழுதும் கணிப்பொறிகள் இயங்கியவாறே இருக்கும் என்று சொல்லக் கேள்வி. அந்த பட்ஜெட்டும் காத்திருப்பும் நம்ம தயாரிப்பாளர்களுக்குக் கிடையாது. நட்சத்திரங்களுக்கும் பெரும் சவால்தான்.

இறுதிக் கலை வெளிப்பாடு என்பது இன்னும் மேம்பட்டதாக இருப்பது இந்த காத்திருத்தலின் காரணமாகத் தான்.

சமீபத்தில் மரித்த ஜேம்ஸ் ஹார்னர் டைடானிக் திரைப்படத்திற்கு ஒரு ஆண்டு முழுதும் அதிகாலை தன்னுடைய இசைப்பணியை ஆரம்பித்து நடு நிசிவரை தொடர்ந்தவர். இப்படி உழைப்பதால்தான் அவர்களின் படைப்புகள் உலகளவில் நெகிழ்ந்து ரசிக்கப்படுகின்றன.

எது எப்படியோ

இந்தியத் திரையுலகில் பாகுபலி ஒரு மைல் ஸ்டோன் படம் மட்டுமல்ல டச் ஸ்டோன் படமும் கூடத்தான்.

எஸ்.எஸ்.ஆர் ஆரம்பித்து வைத்துவிட்டார். உலகத்தரம் வாய்ந்த பொழுதுபோக்கு படங்களைக் கொடுக்க. பார்ப்போம் எத்துனைப் பேர் தொடர்கிறார்கள் என.

முத்து ஓடின மாதிரி ஜப்பான், யூரோப்பில் புதிய ரசிகர்கள் பார்க்கிறார்களா ரசிக்கிறார்களா என அறிய உங்களைப் போலவே நானும் காத்திருக்கிறேன்.

இந்தப் படத்திற்கு நான் எதிர்பார்க்கும் ரிசல்ட்  இந்தியர் அல்லாத எத்துனை ரசிகர்களை இந்தப் படம் ஈர்க்குது என்பதில்தான் இருக்கு. நிச்சயம் ஈர்க்கும்! பொறுத்திருப்போம்.

அன்பன் 
மது 

22 comments:

  1. படம் மாதிரியே இந்த விமர்சனமும் அசத்தல்.உங்கள் நடையில் இருந்து மாறுபட்டது போல் தோன்றுகிறது

    ReplyDelete
    Replies
    1. பார்த்துடீங்களா ...
      கருத்துக்கு நன்றி ...

      Delete
  2. ஷார்ட்டா மேட்டர் நல்லாயிருக்குங்க...

    ReplyDelete
    Replies
    1. நன்றி அண்ணா

      Delete
  3. வித்தியாசமான விமர்சனம் கண்டேன். நன்றி.

    ReplyDelete
    Replies
    1. நன்றி முனைவரே

      Delete
  4. அருமையான வித்தியாசமான பதிவு. தங்களிடமிருந்தது நான் எதிர்பார்த்ததும் இதைத் தான். பிரபாஸ் இயக்குநர் சொன்னதைக் கச்சிதமாக செய்திருக்கிறார் என்று தான் நான் சொல்வேன். பிரபாஸ்-தமனா காதல் காட்சிகள் இலக்கிய புனைவுகளின் தழுவல் போல தெரிகிறது.

    ReplyDelete
    Replies
    1. இதுகுறித்து விரிவாக பேசுவது கலைஞர்களின் இரண்டு ஆண்டு உழைப்பையும் காத்திருப்பையும் புண்படுத்தலாம் எனவே ஒரு மதம் கழித்து இன்னொரு பதிவை வெளியிட விருப்பம்
      நன்றி பாண்டியன்

      Delete
  5. எழுதரதுக்கு நிறைய மேட்டர் இருக்குங்ணே ! கிளைமேக்ஸ் சீன் போர்க்காட்சிகளுக்கு மட்டும் 2000 ஸ்டண்ட் மேன் பயன்படுத்துனாங்க . அதுனால தா அந்த சீன்ஸ் எல்லாம் பர்பெக்சன் தெரிக்குது. அதே மாதிரி ராஜ்மௌலியே ஒரு பர்பெக்ட் ஸ்டண்ட் டைரக்டர் தாங்ணா. இந்திய அளவில சிறந்த சண்டையெல்லாம் கண்டிப்பா ராஜ்மௌலி படங்கள் வந்துடும். பீட்டர் ஹெய்ன் கூட ஒரு ஹாலிவுட் ஸ்டண்ட் கோரியோ கிராபரும் சில காட்சிகள் உதவிருக்காரு . படத்துக்காக ப்ரபாஸ் ரெஸ்லிங் சூப்பர் ஸ்டார்ஸ சந்திச்சி உடம்ப ரெடி பண்ரதுக்கு அட்வைஸ் வாங்கிருக்காரு . முதல் பாதில வர ப்ரபாஸ் 100 கிலோ வெய்ட். இரண்டாம் பாதில வர பாகுபலி 70 கிலோ . இட விட அதிகமா உழச்சது ராணா தான் . இப்படியான விசயங்கள சொன்னா அதுவே 20 பக்கம் வரும்ணே . பக்கலாம் அடுத்த பார்ட் வரதுக்குள்ள ராஜமௌலிய ஒரு கடை கடைஞசிடரேன .

    ReplyDelete
    Replies
    1. அடுத்த பாகத்தையும் பார்ப்போம் மேக்...
      விரிவான தகவல்களுக்கு நன்றி

      Delete
  6. நண்பா கறுப்பு வெள்ளைனு நீங்க சொல்லும் போது எங்களுக்கும் என்னவெல்லாமோ நினைவுக்கு வருது...வேண்டாததுதான் வரும் வேற என்ன வரப் போகுது.......சொல்ல ஆரம்பிச்சா ...வேண்டாம்...அது இங்க ....நிற்காது.....தாங்காது அப்புறம்...மேட்டர் சினிமாக்கு அப்பால போயிடும்...

    விமர்சனம் போட்டுத் தாக்கிட்டீங்க நண்பா....தாக்கிட்டீங்கன்னா எதிர்மறை இல்ல...நேர்மறை இங்கு...பார்க்க வேண்டும்...

    பீட்டர் ஹெயின் செம ஸ்டன்ட் மாஸ்டர் ...

    மைல் ஸ்டோன், டச் ஸ்டோன் அப்படினு வேற சொல்லிருக்கீங்க...பார்த்துடுவோம்....

    நன்றி ...

    ReplyDelete
    Replies
    1. நன்றி
      உங்கள் படத்தையும் ஆவலுடன் எதிர்பார்க்கிறேன்.

      Delete
  7. படம் பார்க்கும் ஆவலைத் தூண்டும் விமர்சனம் மது சார்...
    படம் பார்க்கணும்..

    ReplyDelete
    Replies
    1. பாருங்க பரிவையாரே ..
      முதல் பாதி மெதுவாகத்தான் நகரும்
      இரண்டாம் பாதி ராக்கெட்டு ...
      பாருங்கள்

      Delete
  8. படம் பார்க்கத்தூண்டும் விமர்சனம் அண்ணா. ஒவ்வொன்றையும் அலசி பதிவைச் சுருக்கக் கஷ்டப்பட்டிருப்பீங்க போல :)

    ReplyDelete
    Replies
    1. எல்லாப் படங்களுக்கும் இப்படித்தான்
      நிகழ்கிறது ...
      ரஷ் திரைப்படம் குறித்து நான் எழுதாதது எழுதியதை விட அதிகம்...
      இதற்கும் இன்னொரு பதிவு என்று சொல்லியிருக்கிறேன்
      வந்த அன்றுதான் நிச்சயம்..
      வருகைக்கு நன்றி சகோ

      Delete
  9. அருமையான விமர்சனம் நண்பரே
    படம் பார்க்க, ரசிக்கத் தூண்டும் விமர்சனம்
    நன்றி
    தம +1

    ReplyDelete
    Replies
    1. நயமான பின்னூட்டம் நன்றிகள் அய்யா

      Delete
  10. நீங்க தமிழ் படம் பாக்குறீங்க ஆங்கில படம் பாக்குறீங்க. நண்பர்களை சந்திக்குறீங்க மீட்டிங்க் அது இதுன்னு போய் அட்டெண்ட் பண்ணுறீங்க...வலைத்தளத்தில் எழுதுறீங்க. பேஸ்புக்குல நிறைய படித்து ஷேர் பண்ணுறீங்க. இதெல்லாம் பண்ணிகிட்டு கூடவே மனைவியையும் சமாளித்து கொண்டே அவங்கிட்ட அடி வாங்காமலும் தப்பிகிட்டு இப்படி அருமையாய் விமர்சனமும் எழுதுறீங்க...நிச்சயம் நீங்கள் பெரிய ஆளுதாங்க

    ReplyDelete
  11. மதுரைத் தமிழன்.... :))))

    அருமையான விமர்சனம். பெரிய பட்ஜெட்டில் தயாராகி இருக்கும் படம். நிச்சயம் பிரம்மாண்டமாக எடுதிருப்பார்கள் என்பதால் பார்க்க நினைத்திருக்கிறேன். இந்த வாரத்தில் செல்ல வேன்டும். இங்கே ஹிந்தியில் பார்க்க வேண்டிய சூழல். தமிழ் படம் பார்க்க வெகு தொலைவு செல்ல வேண்டும் என்பதால் கொஞ்சம் யோசனை!

    ReplyDelete
  12. படத்தை... பார்த்தாகிவிட்டது..தொலைக்காட்சியில் வரும்போது தாங்கள் சொல்லாத விபரத்தையும் பாத்துக்கிலாம் த.ம்8

    ReplyDelete
  13. மது சார்

    விமர்சனம் அருமை . படம் பார்த்தேன் . ரசித்தேன். மிகவும் பிரமாண்டமான படம் . சரித்திரக் கதைகள் வாசித்தபோது நமது மனபிம்பத்தில் தோன்றிய விசயங்களுக்கு மேல் படத்தில் காட்டப்பட்டுள்ளது .

    கறுப்பர் வெள்ளை பார்வை ஒரு அரசியல் பார்வை. கறுப்பு நிறத்தவன் என்றால் வில்லன் , கொடுங்கோலன் என்று பழைய சினிமா ஏற்படுத்திய தாக்கம் இன்னும் மறையவில்லை. மக்களுக்கு எளிதாய் புரியவைக்க ராஜமௌலிக்கு வேறு வழிகள் தெரியவில்லை என்று எடுத்துக் கொள்ளலாம். தென்னிந்திய சினிமாக்களில் காலங்காலமாய் காட்டப்படும் கறுப்பு வண்ணம் பூசிய காட்டுமிராண்டிகள் அவர்கள் என்றும் எடுத்துக் கொள்ளலாம் . மற்றபடி கறுப்பு மேல் காழ்ப்புணர்வை திணிப்பதாக தோன்றவில்லை. நீங்கள் சொன்னது போல் இன்னும் எழுத வேண்டியது நிறைய அந்தப் படத்தில் உள்ளது.

    போர்க் காட்சிகள் பிரமாதம் என்றாலும் ' மெல் கிப்சன் ' பிரேவ் ஹார்ட் என்ற படத்தில் பத்து வருடங்களுக்கு முன்பே அதை விட பிரமாதமாக காட்டிவிட்டார். அந்தப் படத்தை பார்த்துவிட்டு ' போர் என்றால் இவ்வளவு கொடூரமானதா ...' என்னும் அதிர்ச்சியும் பிரமிப்பும் பல நாட்கள் நீடித்தது.

    ReplyDelete

தங்கள் வருகை எனது உவகை...

Labels

12 Years a Slave (2013) 2001: எ ஸ்பேஸ் ஆடிசி A Walk Among the Tombstones Amr Waked Avengers Age of Ultron avms kaarthik bairava blogging tips buds to blossoms c.c.e honour killings innovations in Marketing into the storm Iyothee Thass jci jci pudukkottai central kalvi kannaki kovil keezhadi khan's academy kochadaiyaan review Lucy(2014) spoiler madurai Min-sik Choi Morgan Freeman oblivion Rafeeq Friend robin williams rouge one 2016 sasikala for cm Scarlett Johansson shajakaan spoiler ssa T.V.18 yaathum oore episode 12 Tamil Short Story tesla motors thamizh thirai vimarsanm udayakkumar viswaroopam movie want to write ? www.ted.com X Standard Tamil Memory Songs Tamil Nadu X-Men: Days of Future Past அ பெ கா பண்பாட்டு இயக்கம் அ.பெ.கா அசத்தல் அரசுப் பள்ளி அச்சம் என்பது மடமையடா அப்பா அமெரிக்கா அம்மா அயோத்தி தாசர் அரசு ஊழியர்களின் குரல் அரசுப் பள்ளிகள் அரிமளம் பள்ளி அரைவல் அலைகள் அலையும் குரல்கள் அவென்ஜெர்ஸ் ஏஜ் ஆப் அல்ட்ரான் அறிவிப்புகள் அனுபவம் அன்னவாசல் கே. ரெங்கசாமி ஆஃபரா ஆங்கில கேட்டல் பயிற்சி ஆங்கிலப் படம் ஆங்கிலப் பயிற்சி ஆங்கிலம் ஆசிரியர் ஆசிரியர் தினம் ஆசை தொடர் பதிவு ஆண்டனி ஆதிச்சநல்லூர் இசை இடைநிறுத்தம் இடைநிற்றல் இந்திய தேசிய ராணுவம் இந்தியா வரங்களும் சாபங்களும் இமான் இளையராஜா இறுதிச் சுற்று இனப்படுகொலை இன் டு தி ஸ்டார்ம் இன்னுமொரு சிறுகதை. புன்னகை இஸ்ரேல் ஈர்ப்பலைகள் ஈழம் ஈழம் சமுகம் உயிர்மை உலகின் பொருளாதாரக் கொள்கை உலோக உருக்கு ஆலை எக்ஸ்.மென் அபோகிளிப்ஸ் எட்ஜ் ஆப் டுமாரா எல்காம் எஸ்.எம்.எஸ். கொள்ளை ஏற்பாடுகள் ஐஸ் ஸ்டுபா ஒரு கோப்பை மனிதம் ஒரு முகநூல் பகிர்வு ஒலிம்பிக் ஒன்பதாம் வகுப்பு ஆங்கிலப் பாடம் ஓவியர்கள் கடிதம் கட்செவி பகிர்வு ஒன்று கட்டிடப் பொறியியல் கட்டுரைப் போட்டி கண்ணகி கோவில் கதிர்வேல் கதை திரைக்கதை வசனம் இயக்கம் கத்தி கயல் கருத்தாளிகள் கலாச்சராம் கலிலியோ அறிவியல் மையம். கல்வி கல்வித்துறை விழா கல்வியாண்டு கவண் கவிஞர் தங்கம் மூர்த்தி கவிஞர் நீலா கவிதை கவிதை அறிமுகம் கவிதை பகிர்வு கவிதைகள் கவிதைத் தொகுப்பு கவுரவக் கொலைகள் கற்க கசடற கற்பித்தல் யுக்திகள் கனவில் வந்த காந்தி கனிமொழி காக்கா முட்டை காணொளிகள் சில காதர் காந்தி திரைப்படம் காப்டன் அப்பாஸ் அலி காப்புரிமை கார்டியன்ஸ் ஆப் தி காலக்ஸி கார்த்திக் கார்த்திக் கார்த்திக் காவியத் தலைவன் காற்றுவெளியிடை கிரமத்து குழந்தைகள் கிரேஸ் பிரதிபா கிரேஸ் பிரதீபாவின் துளிர் விடும் விதைகள் கிஷோர் டேவிட் ராஜ ராஜன் கீழடி குருநாதசுந்தரம் குழந்தை வளர்ப்பு குழந்தைகள் தினம் குறும்படம் கேவல் நதி கொசுவத்தி கொசுவர்த்தி கொஞ்சம் புதிய அறிவியல் கொஞ்சம் வெப் கொடி காத்த குமரன் கொம்பன் திரை விமர்சனம் கோச்சடையான் கோடை நகர்ந்த கதை கோபிநாத் கோவை ஆவி க்விஸ் சக்கரக்காலன் சக்தி சவுந்தர் ராஜன் சந்தானம் சந்திப்பு சந்திரமோகன் வெற்றிவேல் சந்தைப்படுத்துதல் சமுகம் சமுத்திரக்கனி சமூகம் சர்தார் வல்லபாய் பட்டேல் சித்தன்னவாசல் ஓவியங்கள் சித்தன்னாவாசல் இலக்கிய சந்திப்பு சிவகார்த்திகேயன் சிறுகதை சினிமா சீனு சுகு சுயபுராணம் சுரபி சுரேந்தர் சூப்பர்மென் வெர்சஸ் பாட்மேன் செந்தூரன் பாலிடெக்னிக் செந்தூரன் பாலியின் தொடர் சாதனை செல்பி செவன்த் சென்ஸ் செவென்த் சென்ஸ் சொன்னாங்க சோ ஸ்வீட் வலைப்பூ ஞானாலயா ஆவணப் படம் டாக்டர் ஸ்ட்ரேஞ் டான் ஆப் ஜஸ்டிஸ் டி.எம்.என்.டி Teenage Mutant Ninja Turtles (2014) டினா அரீனா டெல்லி சம்பவம் ட்ரான்ஸ்பார்மர்ஸ் ஏஜ் ஆப் எக்ஸ்டின்ஷன் தங்கமகன் தஞ்சை தபால்காரர் தமிழ் தமிழ் ஹிந்து தயான் சந்த் தர்மதுரை தலைமைப் பண்பு தலைவாரி பூச்சூடி தாயம்மாள் தாய்மொழி தாரை தப்பட்டை தி இத்தாலியன் ஜாப் தி பிரஸ்டீஜ் தி.ஆலை பள்ளி தியாக வரலாறு திருச்சி புகைப்பட பொருட்கள் கண்காட்சி. நிகழ்வுகள் திரை இசை திரை வி மர்சனம் திரை விமர்சனம் திரைவிமர்சனம் தீபிகா படுகோன் தீரன் சின்னமலை துவரங்குறிச்சி தேவதைகளால் தேடப்படுபவன் தேறி தொடர்பதிவு தொலைகாட்சி 18 தொழில் நுட்பம் தொழில் முனைவு தோழர் ரபீக் பதிவு நகை நடாஷா ரைட் நடிகர் சங்கத் தேர்தல் நத்தார் தின வாழ்த்துக்கள் நந்தன் ஸ்ரீதரன் நமக்கு நாமே திட்டம் நம்பிக்கை மனிதர்கள். நலம் நன்றிகள் நாடகக் கலைஞர்கள் நாயகர்கள் நாளைய மனிதர்களின் நேற்று நான் ஒரு குழந்தை நிகழ்வு நிகழ்வுகள் நிகில் நிறுவனம் நிகில் பயிற்சி நிலைப்பாடுகள் நிழல் பதியம் நீட் பார் ஸ்பீட் நீயா நானா நுட்பம் நூர் டீச்சர் நூல் அறிமுகம் நூல் விமர்சனம் நேர நிர்வாக தளம் நேர நிர்வாகம் நேர மேலாண்மை பக்தி படிக்க வேண்டாத பதிவுகள் பட்லர் பணமதிப்பு நீக்கம் பணிநிறைவு பதிவர் சந்திப்பு 2014 பதிவர் சந்திப்பு 2015 பதிவர் சந்திப்பு 2015 ஆல்பம் பதிவர் திருவிழா 2015 பத்தாம் வகுப்பு ஆங்கிலப் பாடம் பயிற்சிகள் பயிற்சித்துறை பலூஸ்சிஸ்தான் பள்ளி பாகுபலி பாட்டன் காட்டைத் தேடி பாபநாசம் பாரத் ஸ்டேஜ் 4 பாஸ்ட் அண்ட் ஃபியூரியஸ் 7 Fast and Furious 7 பாஸ்ட் எய்ட் பிட் டோரறேன்ட் பிரபு சாலோமோன் பிராங்கின் படங்கள் பிரார்த்தனை பிரித்தாளுதல் பிரியங்கா பிரேமா தக்ஷிணாமூர்த்தி பிரேம்சந்த் பு.கோ.சரவணன் புகைப்படத் தொகுப்பு புதியவன் புதுகை குளம் மீட்பு புதுகை செல்வா புதுகை தொல்லியல் ஆய்வுக் கழகம். புதுகையின் கல்வி முகங்கள் புதுக்கோட்டை புதுக்கோட்டை மாவட்ட பாறை ஓவியங்கள் புள்ளிகள் புறம்போக்கு பெரியார் பெற்றோர் பேப்பர் ஒன்று பேராசிரியர் அ. தட்சிணாமூர்த்தி பைரவா பொது பொற்பனைக்கோட்டை போட்டிகள் ப்ளாகர் டிப்ஸ் மணிகண்டன் ஆறுமுகம் மதுரை மதுரை வரலாறு மரபு வழி நடை மராத்திய மொழிப் படங்கள் மலர்தரு மனிதர்கள் மாட் மாக்ஸ் ஃபியூரி ரோட் Mad_Max:_Fury_Road மாணவர் போராட்டம் மாண்பு மிகு மகளிர் - அறிவியல் சுடர்கள் மாண்புமிகு மகளிர் மாதொரு பாகன் மாத்யு ப்ளோரிஸ் மாமழை நினைவுகள் மார்க் அண்டோனி மாறாப்புன்னகை மாற்றத்தின் முகங்கள் மியான்மர் மிருதன் மிஷன் இம்பாசிபிள் 5 Mission Imposible Rogue Nation முகநூல் முகநூல் நிலைத்தகவல்கள் முகநூல் பகிர்வு முத்துக்கிருஷ்ணன் முத்துநிலவன் முனைவர் மு பிரபு முனைவர். அருள்முருகன் மூன்று புத்தகங்கள் வெளியீடும் குடும்ப விழாவும் மெட்ராஸ் மெமரி கார்ட் மேன்மை இதழ் அறிமுகம் மொழி மொழித்திறன் மோசன் காப்ச்சர் யாதும் ஊரே யாழியின் இரண்டு தொகுப்புகள் ரபீக் ரபீக் பகிர்வு ரம்ஜான் ரவீந்திரன் ரஜனி ரஷ் ரஹ்மான் ராஜ கோபால தொண்டைமான் ராஜ சுந்தர்ராஜன் ராஜசுந்தர்ராஜன் ராஜா சுந்தர்ராஜன் ராஜேஷ் வைத்யா ரிச்சர்ட் அட்டன்பரோ ரியோ ஒலிம்பிக் ருத்ரையா ரோக் ஒன் movie review ரோஹித் வேமுலா லாரீனா லூசி லோகன் 2017 வகுப்பறை அனுபவங்கள் வகை ஒன்று வண்ணதாசன் வலைச்சரம் வலைப்பதிவர் மாநாடு வலைப்பூ நுட்பம் வள ஆசிரியர்கள் வாசிப்பு வாசிப்பு அனுபவப்பகிர்வு வாழ்த்துக்கள் வாழ்வியல் திறன்கள் பயிற்சி. வாழ்வியல் திறன்கள் பயிற்சி. தன்னை அறிதல் பயிற்சி வானவில் விடுதலை வேள்வியில் வீரத் தமிழர்கள் விடைபெறல் விதைக்கலாம் வித்டிராயல் சிம்ப்டம் விப்லாஷ் விருது விவசாயம் விஜய் டீ.வி விஜூ கனைக்ட் விஷாலின் விஸ்வரூபம் வீணை இசை வீதி கூட்டம் வீதிக் கூட்டம் வீதிக்கூட்டம் வீரபாண்டிய கட்டபொம்மன் வீரமுரசு சுப்பிரமணிய சிவா வெயிலில் நனைந்த மழை வெர்சடைல் ப்ளாகர் விருது வெள்ளைப் புலி வெற்றி இலக்கியம் வைகறை வைகறையின் ஜெய் நல நிதி ஜல்லிக்கட்டு ஜாக்கி சேகர் ஜாதவ் ஜூராசிக் வோர்ல்ட் ஜெயப் பிரபு ஜெர்மனி ஜே.சி. பயிற்சி ஜேசி இயக்கம் ஜோக்கர் ஷபானா பாஸிஜ் ஷாமிலா தலுவத் ஷாருக்கான் ஷான் கருப்புசாமி ஷாஜகான் ஸ்டான்லி குப்ரிக் ஸ்பாய்லர் ஸ்பிலிட் ஸ்ரீதர் சுப்பிரமணியன் ஹாக்ஸா ரிட்ஜ் ஹாண்ட்ஸ் ஆப் ஸ்டீல் ஹாலிவுட் ஹெர்குலிஸ்