Friday, 19 May 2017

பத்தாம் வகுப்பு தேர்வு முடிவுகள் 2017


அப்பாடா

ஒருவழியாகத் தேர்வு முடிவுகள் வந்துவிட்டன. 

ஐம்பத்தேழு பேர் எழுதிய தேர்வில் ஐம்பத்தி நான்கு பேர் தேர்ச்சி. 

வழக்கம் போல பள்ளியின் தேர்ச்சி விகிதத்தை நிர்ணயிப்பது எனது பாடத் தேர்ச்சிதான். (ஆங்கிலம்)

அந்த மூன்றுபேர் ..

முதலாமவள் கற்றல் திறன் குறைவுடைய மாணவி. உடல் செயல்பாடுகளே சவால்தான்,  ஆனால் நம்பவே முடியாத அளவு பள்ளிக்கு ஒழுங்காக வருவாள். மொழிப்பாடங்களில் மட்டுமே தேர்ச்சி பெறவில்லை. வருத்தம்தான்.

இரண்டாவது பையன் 

மற்ற மாணவர்களின் நோட்டுப் புத்தகங்களைக் கவர்ந்து சமோசாக் கடையில் போட்ட புண்ணியவான். ஒருநாள் கூட  பேனாவுடன் வரமாட்டார். வாங்கிக் கொடுத்தாலும் வீட்டில் வைத்துவிட்டு வந்துவிடுவார். ஆனால் ஒரே நாளில் இவர் பலகாரக் கடையில் செலவிடும் தொகை அறுநூற்றி ஐம்பது ரூபாய். தாயாரை அழைத்து விளக்கம் கேட்ட பொழுது உங்கள் பள்ளி என்ன பெரிய டுமாங்கி பள்ளியா, டி.சி கொடுங்க நான் வேற பள்ளிக்கு போறேன் என்று டி.சி வாங்கிகொண்டு போனவர். பயலின் திறமைக் கண்டு அரண்ட வேறு பள்ளிகள் எதுவும் சேர்க்கை அளிக்கவில்லை. மீண்டும் வந்தார்.  ஆச்சர்யப் படும் விதமாக மற்ற மூன்று பாடங்களிலும் தேர்ச்சி. மொழிப் பாடங்களைத் தவிர. 

மூன்றாமவர் 
பள்ளி என்பது நண்பர்களின் ஒன்றுகூடல், இங்கே போய் இந்தப் பாடு படுத்துரான்களே என்பவர். வேறு வழி, மொழிப்பாடமும் கணிதமும் காலைவாரி விட்டன. 

ஏனைய 
மதில் மேல் பூனைகள் வெற்றிகரமாக கடந்துவிட்டன. எனவே சேதாரம் அதிகமில்லை. 

பொதுவாக தேர்வுக்கு மாணவர்கள் சென்றவுடன் முற்றாக அவர்களைப் பற்றி மறந்துவிடுவது எனது பாணி. 

எனது உழைப்பைக் கொடுத்தாயிற்று எனவே பலன் அதற்குத் தகுந்தார்போலதான் வரும் என்கிற மனப்பான்மைதான் காரணம். 

கல்வித்துறைச் செயலரின் அறிவிப்பையும் மீறி இரவு எட்டு மணி வரை சிறப்பு வகுப்புகள் நடத்தியது தேர்ச்சி விகிதத்திற்கு ஒரு முக்கியக் காரணம். 

மாநிலத்தில் சில பள்ளிகளில் நிகழ்ந்த விரும்பத் தகாத  சம்பவங்களினால்தான் செயலர் அப்படி ஒரு அறிவிப்பை வெளியிட்டிருந்தார். 

தேர்வு நேரத்தில் ஏன் சிறப்பு வகுப்பு நடைபெறுவது அவசியம் என்பது பலருக்குப் வியப்பான கேள்வியாக இருக்கலாம். 

எங்கள் மாவட்டத்தில் பெற்றோரிடமும், மாணவரிடமும் கல்வி குறித்த விழிப்புணர்வு இருக்கும் கிராமங்கள் தனித்துத் தெரியும். 

அந்த மாணவர்கள் பயிலும் பள்ளிகளில் எப்போதும் தேர்ச்சி சதவிகிதம் அதிகமாவே இருக்கும். ஏன் முழுத்தேர்ச்சி பள்ளிகளாக இருக்கும். 

இன்னும் சில கிராமங்கள் கல்வி தரும் சிறகுகளை நம்பவே இல்லை. நாளை முளைக்கும் சிறகுகளை விட இன்று கிடைக்கும் கூலி பெரிது என்கிற கிராமங்கள் இன்றும் இருக்கின்றன. 

ஆறாம் வகுப்பு வரை ஒழுங்காக பள்ளிக்கு வந்த ஒரு மாணவனை அவனது தாயார் அழைத்துச் சென்று விட்டார். 

அவனுக்குத் தரப்பட்ட பணி கிளிகளைப் பிடித்து விற்பது. அவனது தந்தை மொடாக்குடியர். 

நிறை போதையில் பள்ளிக்கு வந்து மகனைப் பார்த்துவிட்டு வகுப்பின் எதிரே இருக்கும் செடியின் அருகே சென்று கைலிக்குள் இருக்கும் மது புட்டியை எடுத்துக் குடித்துவிட்டு அங்கேயே போடுவார். 

யாருமே ஒன்றும் கேள்வி கேட்க முடியாது. நேரிடையாக உயர்த்திப் பிடித்த அரிவாளோடுதான் பேசுவார். 

இப்படி ஒரு அப்பா இருந்தால் பையன் எப்படி பள்ளியில் தொடர முடியும். 

சில நாட்கள் கழித்து பள்ளியில் இருந்து வரும்பொழுது பார்த்தேன் புதிதாகப் பிடிக்கப்பட்ட கிளிகளோடு ராஜா போல நிமிர்த்து நடந்து வந்துகொண்டிருந்தான். உலகின் கர்வம் அனைத்தையும் கோர்த்து என் மீது ஒரு பார்வையை வீசியபடியே பின்னால் சென்றுகொண்டிருந்தார் ராஜா மாதா. 

இவர்களுக்கு கல்வி குறித்து சொல்லி வெட்டுப்பட்டு சாக யாருக்கும் விருப்பம் இல்லை. (பலமுறை பெண் ஆசிரியர்கள் பேசிப்பார்த்தும் நடக்கவில்லை, மேலும் அடிக்கடி அவனது தந்தை சாராய வாசனையுடன் வந்து  அவர்களுக்கு கொலை நடுக்கத்தை தரவும் வேறு வழியே இல்லாமல்தான் கைவிட்டோம்) 

இந்த ஒரு சம்பவமே அரசுப் பள்ளி ஆசிரியர்கள் எந்தமாதிரி சவாலான சூழல்களில் பணியாற்றுகிறார்கள் என்பதை  சொல்லும். 

இருப்பினும் இன்னும் சில சம்பவங்கள்

கறிச்சோறு 

ஒருமுறை சிறப்பு வகுப்பின் பொழுது ஒரு மாணவர் மாயமாக மறைந்துவிட்டார். 

எங்கடா என்றால் பள்ளியின் எதிர்புறம்தான் அவன் வீடு எனவே பயல் அப்ஸ்கான்ட். 

நேரே வீட்டிற்கு போனேன். 

வீட்டில் என்னைப் பார்த்ததும் பேந்த பேந்த விழித்துக் கொண்டு நின்றான் அவன்.

என்னடா, எதுக்கு வந்த?

சார், கறிச்சோறு சார்.... 

வாய் நிறைய சோற்றுடன் நின்றுகொண்டு 

மீண்டும் மீண்டும் சொன்னான் அவன் 

கறிச்சோறு சார், கறிச்சோறு சார் 

வெகுநாட்கள் கழித்து அவனை தொடர்வண்டி நிலையத்தில் பார்த்தேன். 

டேய் கறிச்சோறு என்ன பண்ற?

பல்தொழில்நுட்பக் கல்லூரியில்  பயிற்சி.

 மகிழ்ச்சி. 

சம்பவம் 2 கூத்து 

டேய் எங்கடா மூணுபேர காணோம்?

சார்  பக்கத்து ஸ்கூல்ல ஆண்டுவிழா டான்ஸ் பாக்கப் போயிட்டானுக. 

வேறு வழி, அவ்வளவு கூட்டத்திலும் நான் வருவதைப் பார்த்தவுடன் ஒழுங்காக பள்ளிக்கு வந்தனர். மறுநாள் அரசுத்  தேர்வு. 

2008 என்று நினைக்கிறன், தனி ஒருவனாக நான் துவக்கிய சிறப்பு வகுப்பு நிகழ்வு இது. கட்டிடங்களே இல்லாத நிலையில் நான்கு குழல் விளக்குகளை பெற்றோர்  ஆசிரியர் கழகத் தலைவர் வழங்க, தலைமை ஆசிரியர் திரு.மோகன் அவர்கள் இரண்டு குழல்விளக்குளைத் தந்து ஆரம்பித்துவைத்த நிகழ்வு இது. பெற்றோரின் வற்புறுத்தலால் கைவிட முடியாத  நிலையில்  தொடர்ந்து நிகழ்ந்து கொண்டிருக்கிறது. 

என் பள்ளி இருக்கும் பகுதியில் மாணவர்களின் மனநிலையை நன்கு உள்வாங்கியதால் முன்னெடுத்த நிகழ்வு இது. 

முதல் ஆண்டே பதினான்கு சதவிகிதம் வித்தியாசத்தில் தேர்ச்சி பெறவே இன்றுவரை தொடர்கிறது. 

என் மாணவர்களின் மனப்பாங்கு நன்றாகத் தெரிந்ததால்தான் இந்த முடிவை எடுத்தேன். 

பள்ளியிலேயே பாதிப் பேர்  புத்தகத்தைத் தொட மாட்டார்கள். இந்த நிலையில் தம்பி ஸ்டெடி லீவ், எல்லாம் வீட்லேயே படியுங்கள் என்றால் ரிசல்ட் பணால் ஆகிவிடும் என்பதும் புரிந்ததால்தான் இந்த முடிவை எடுத்தேன். 

இரண்டாம் ஆண்டு எனது பாணியில் வகுப்பைத் தொடர முடியவில்லையே ஒழிய, சக ஆசிரியர்கள் அனைவரும் கரம் கோர்க்க ஒரு கூட்டு முயற்சியாக மாறி ஆக்கபூர்வமான பணியாக உருப்பெற்றுவிட்டது இந்த இரவு சிறப்பு வகுப்பு. 

என்னுடைய பாடத்தின் தேர்ச்சி விகிதம் எனக்கு மகிழ்வைத் தரவில்லை என்பதற்கு பல காரணங்கள் இருக்கின்றன என்றால், முதல் காரணம் இந்த இரவு வகுப்பும் என்பது உங்களுக்கு வியப்பாக இருக்கலாம். 

உண்மை அதுதான். நான் கொடுக்கிற உழைப்பிற்கு இது ரிசல்ட் அல்ல. ஆயிரம் ரூபாய் செலவழித்து ஐந்து ரூபாய் பொருளை வாங்கினால் மகிழ்வா இருக்கும்? 

சிறப்பு வகுப்பிற்காக   இரண்டு மாதங்களாவது (இரவுகளில்) நான் மாணவர்களிடம் இருக்கிறேன். ஆனால் அதற்குரிய தேர்ச்சி இதுவல்ல. 

மாணவர்களைப் படியுங்கள் என்று சொல்லவதைவிட தேர்வுகளை நடத்துவதுதான் சரியாக இருக்கிறது. இந்த ஆண்டு வந்த ரிசல்டுக்கு பின்னர் இரவு வகுப்புகளில்  வைக்கப்பட்ட முப்பது தேர்வுகள் இருகின்றன. இந்த டரில் அவசியமாகிறது. 

படித்தே ஆக வேண்டுமா அதை வீட்டில் வைத்துக் கொள்ளுங்கள், இங்கே தேர்வு மட்டுமே என்கிற நிலையில்தான் மாணவர்களை நிர்வகிக்க முடிகிறது. 

மாணவர்கள் மனப்பாங்கும் மாறிக்கொண்டே வருகின்றது. பத்து ஆண்டுகளுக்கு முன்னர் இருந்த பண்புகள் பல இன்று இல்லை. 

வெகு எளிதாக பள்ளிப்  பொருட்களை உடைக்கிறார்கள், தீய விசயங்களில் ஈடுபடுகிறார்கள். 

பத்து ஆண்டுகளில் இதைப்போன்ற செயல்களில் ஈடுபடும் மாணவர்களின் எண்ணிக்கை திகைக்க வைக்கும் அளவில் பெருகியிருக்கிறது. 

மிக நன்றாகப் படிக்கும் மாணவர்கூட இதைப்போன்ற காரியங்களில் ஈடுபடுவது சோர்வூட்டுகிறது. 

ஸ்மார்ட் போன், மெமரிக்கார்ட், மடிக்கணினி போன்றவற்றின் வருகைக்கு பின்னர் மாணவர் மனநிலையிலும், செயல்பாட்டிலும் அதிரடி மாற்றங்கள் ஏற்பட்டிருக்கின்றன.

பல்வேறு சவால்கள் இருந்தாலும், பெரும் மன அழுத்தங்கள் ஏற்பட்டாலும் இரவு வகுப்புகள் தொடர்ந்தே ஆகவேண்டிய  கட்டாயம் இருகின்றது. 

மாணவர்களே கைப்பட எழுதியிருக்கிறார்கள், அதைப் பின்னர் பகிர்கிறேன். 

இப்போதைக்கு ஆழ இழுத்து ஒரு பெருமூச்சு போதுமானதாக இருக்கிறது. 

சந்திப்போம்
அன்பன் 
மது 

10 comments:

  1. நீங்கள் பட்ட பாடு வீண் போகவில்லை !
    உங்களின் சிரமங்களை அரசும் புரிந்து கொண்டு ஒத்துழைத்தால் ,தேர்ச்சி விகிதம் கூடும் !

    ReplyDelete
  2. வாழ்த்துக்கள்நண்பரே

    ReplyDelete
  3. உங்கள் விரிவான பதிவின் மூலம்
    உங்கள் பணியின் பால் கடமையை
    மீறிய நேசம் உங்களுக்கு இருப்பதை
    தெளிவாய்ப் புரிந்து கொள்ள முடிகிறது
    மனமார்ந்த நல்வாழ்த்துக்கள்

    ReplyDelete
  4. சேவை தொடர வாழ்த்துகள்...

    ReplyDelete
  5. அரசு ஆசிரியர் பணி சவாலானது. சமூக அக்கறையுடனும் உண்மையான் ஈடுபாட்டோடு செய்பவர்கள் மிக சிலரே. அந்த வகையில் நீங்கள் செயல்படுவது பாராட்டுக்குரியது.
    தேர்வுப் பயிற்சிக் களமாக மட்டுமே பள்ளிகள் விளங்குகிறது. பல உயர் நிலை மேல் நிலைப் பள்ளிகளை கடந்து செல்லும்போது கவனித்தது என்ன வெனில் எப்போதும் மரத்தடியிலோ வகுப்பறையிலோ தேர்வுகள் நடைபெற்றுக் கொண்டே இருக்கின்றன. அல்லது இடைவெளி விட்டு அமர வைத்து மாணவர்களை படிக்க சொல்லி மேற்பார்வை பார்த்துக் கொண்டிருக்கிறார்கள். கற்பித்தல் நிகழ்வுகள் நடைபெறுவதாகவே என் கண்ணில்படவில்லை.

    ReplyDelete
  6. நாம் பல வருடங்கள் முன்பு பார்த்த விஷயம் எப்படி இருந்ததோ அவ்வாறு தான் இன்றும் இருக்கும் என்று நினைத்து கொண்டிருந்தேன். மாணவர்களின் இன்றைய நிலையை பற்றி அறிந்துகொள்ள முடிந்தது.

    ReplyDelete
  7. கஸ்தூரி! உங்கள் உழைப்புக்கு முதலில் பெரிய பூங்கொத்து + குடோஸ்!! வாழ்த்துகள்! உங்களைப் போன்று அரசுப்பள்ளிகளில் வேலைபார்க்கும் அனைத்து ஆசிரியர்களும் இருந்துவிட்டால் நம் அரசுப்பள்ளிகள் எங்கோ போய்விடும்!

    நீங்கள் சொல்லியிருக்கும் சவால்கள் மிகப் பெரிய சவால்கள்! கிராமங்களின் நிலைமை புரிகிறது.

    //முதலாமவள் கற்றல் திறன் குறைவுடைய மாணவி. உடல் செயல்பாடுகளே சவால்தான், ஆனால் நம்பவே முடியாத அளவு பள்ளிக்கு ஒழுங்காக வருவாள். மொழிப்பாடங்களில் மட்டுமே தேர்ச்சி பெறவில்லை. வருத்தம்தான்.// என் மகனை-உங்கள் மருமகப்பிள்ளையை நினைவுப்படுத்தினாள் இந்த மாணவி! மொழிப்பாடம் என்பது அவனுக்குச் சவாலாக மட்டுமில்லை எந்த ஒரு தேர்வையும் எழுதுவது என்பதும் மிகப்பெரிய சவாலாக இருந்தது. இந்த மாணவிக்கு உங்கள் ஊக்கம், அக்கறை கிடைத்திருக்கிறது. ஆனால் வீட்டில் புரிதல் இல்லாததால் பாவம் தேர்ச்சி பெறவில்லை என்றே தெரிகிறது. மகனுக்குப் பள்ளியில் ஊக்கம் கிடைக்கவில்லை ஆனால் வீட்டில் எங்களது சப்போர்ட் அவனுக்கு இருந்தது அவனும் எதிர்நீச்சல் போடக் கற்றுக் கொண்டுவிட்டான்...

    உங்கள் உழைப்பும்சேவையும் பிரமிக்க வைக்கிறது. தொடர வாழ்த்துகள்...

    கீதா

    ReplyDelete
  8. கஸ்தூரி ஒரு சின்ன சஜஷன் நீங்களுமே யோசித்திருப்பீர்கள். இந்தச் சிறப்பு வகுப்புகளைத் தேர்விற்கு முன்பு வைப்பதை விட ஆண்டுத் தொடக்கத்திலிருந்தெ அதாவது ஒரு மாதம் ஆன நிலையில் கொஞ்சம் பாடங்கள் நடந்திருக்கும் இல்லையா அப்போதிருந்தே 8 மணி வரை என்றில்லாமல், வாரத்தில் மூன்று நாட்கள், ஏனென்றால் விளையாட்டுகளில் உள்ள மாணவர்கள் அதிலும் பங்கு பெற வேண்டுமில்லையா அதானல் வகுப்புகள் முடிந்ததும் ஒரு இரண்டு மணி நேரம் என்று வைத்தால் சரியாகாதோ...அன்றன்றைய பாடங்கள் என்று வந்தால் கொஞ்சம் மாணவர்களுக்கும் எளிதாகும் இல்லையோ? ஜஸ்ட் எ சஜஷன். ஆசிரியராகிய உங்களுக்குத்தான் இது பற்றி இன்னும் அனுபவம் அதிகம்...

    கீதா

    ReplyDelete
  9. இவ்வாறான அனுபவங்கள் நம் மனதிற்கு மகிழ்வினைத் தரும் என்பதில் ஐயமில்லை. அதனைப் பகிரும்போது மேலும் சுகமாக இருக்கும் என்பதே உண்மை.

    ReplyDelete
  10. அரசுப் பள்ளியில் பணியாற்றும் ஆசிரியர் மாப்பிள்ளை போல் இருந்த காலம் மலையேறி விட்டது என்பதைஉங்களின் பதிவு காட்டுகிறது. உண்மை. நாம் படித்த காலத்தில் ஆசிரியர்களும் கடுமை காட்டியதில்லை. மாணவர்களும் அலட்டிக் கொண்டதில்லை. ஆனால் இப்போது கல்வி என்பது கடினமான விஷயமாக மாணவர்களால் பார்க்கப்படுகிறது. உங்கள் அனுபவத்தை வியப்புக்குரியதாக நான் பார்க்கவில்லை.

    ஏனென்றால் இதை விட மோசமான பள்ளியில் பணியாற்றும் ஆசிரியர்களின் அனுபவம் நான் அறிவேன். சிறப்பு வகுப்பு எடுத்தும் உழைத்தும் மாணவர்கள் தோல்வி அடைகிறார்கள் என்றால் பெற்றோரும் சமூகமும் சரியில்லை என்றுதான் அர்த்தம். யாரை திருத்த? குடிப்பதற்கு முக்கியத்துவம் கொடுக்கும் அரசு நம்மை ஆளும் வரை பெற்றோரும் சமூகமும் அப்படிதான் இருப்பார்கள் . எல்லாம் திருந்தினால் மாணவரும் நலமாவார்.

    இருந்தாலும் உங்கள் முயற்சி வீண் போகவில்லை . உங்கள் மாணவர்கள் அதிக பட்சம் வெற்றி அடைந்திருக்கிறார்கள். பாராட்டுகள்.
    உங்களை போன்ற நல்லோர் ஊரில் கொஞ்சம் இருக்கிறார்கள். அவர்களும் உழைத்தால் நல்ல மாணவரை உருவாக்கலாம்.

    ReplyDelete

தங்கள் வருகை எனது உவகை...

Labels

12 Years a Slave (2013) 2001: எ ஸ்பேஸ் ஆடிசி A Walk Among the Tombstones Amr Waked Avengers Age of Ultron avms kaarthik bairava blogging tips buds to blossoms c.c.e Fast and Furious 8 Guardians of the Galaxy honour killings innovations in Marketing into the storm Iyothee Thass jci jci pudukkottai central kalvi kannaki kovil keezhadi khan's academy kochadaiyaan review Lucy(2014) spoiler madurai Min-sik Choi Morgan Freeman oblivion personal change positive attitude வெற்றி இலக்கியம் Rafeeq Friend robin williams rouge one 2016 sasikala for cm Scarlett Johansson shajakaan society spoiler ssa T.V.18 yaathum oore episode 12 Tamil Short Story tasmac tesla motors thamizh thirai vimarsanm udayakkumar viswaroopam movie want to write ? War for the Planet of the Apes www.ted.com X Standard Tamil Memory Songs Tamil Nadu X-Men: Days of Future Past அ பெ கா பண்பாட்டு இயக்கம் அ.பெ.கா அசத்தல் அரசுப் பள்ளி அச்சம் என்பது மடமையடா அப்பா அமெரிக்கா அம்மா அயோத்தி தாசர் அரசு ஊழியர்களின் குரல் அரசுப் பள்ளிகள் அரிமளம் பள்ளி அரைவல் அலைகள் அலையும் குரல்கள் அவென்ஜெர்ஸ் ஏஜ் ஆப் அல்ட்ரான் அறிவிப்புகள் அனுபவம் அன்னவாசல் கே. ரெங்கசாமி ஆஃபரா ஆங்கில கேட்டல் பயிற்சி ஆங்கிலத்தொடர்பாற்றல் ஆங்கிலப் படம் ஆங்கிலப் பயிற்சி ஆங்கிலம் ஆசிரியர் ஆசிரியர் தினம் ஆசிவகம் ஆசை தொடர் பதிவு ஆண்டனி ஆதிச்சநல்லூர் இசை இடஒதுக்கீடு இடைநிறுத்தம் இடைநிற்றல் இந்திய தேசிய ராணுவம் இந்தியா வரங்களும் சாபங்களும் இமான் இளையராஜா இறுதிச் சுற்று இனப்படுகொலை இன் டு தி ஸ்டார்ம் இன்னுமொரு சிறுகதை. புன்னகை இஸ்ரேல் ஈர்ப்பலைகள் ஈழம் ஈழம் சமுகம் உயிர்மை உலகின் பொருளாதாரக் கொள்கை உலோக உருக்கு ஆலை எக்ஸ்.மென் அபோகிளிப்ஸ் எட்ஜ் ஆப் டுமாரா எல்காம் எஸ்.எம்.எஸ். கொள்ளை ஏற்பாடுகள் ஐஸ் ஸ்டுபா ஒரு கோப்பை மனிதம் ஒரு முகநூல் பகிர்வு ஒலிம்பிக் ஒன்பதாம் வகுப்பு ஆங்கிலப் பாடம் ஓவியர்கள் கடிதம் கட்செவி பகிர்வு ஒன்று கட்டிடப் பொறியியல் கட்டுரைப் போட்டி கண்ணகி கோவில் கண்ணேநலமா - கண்ணாடி பவர் குறைபாடுகள் கதிர்வேல் கதை திரைக்கதை வசனம் இயக்கம் கத்தி கயல் கருத்தாளிகள் கலாச்சராம் கலிலியோ அறிவியல் மையம். கல்வி கல்வித்துறை விழா கல்வியாண்டு கவண் கவிஞர் தங்கம் மூர்த்தி கவிஞர் நீலா கவிதை கவிதை அறிமுகம் கவிதை பகிர்வு கவிதைகள் கவிதைத் தொகுப்பு கவுரவக் கொலைகள் கற்க கசடற கற்பித்தல் யுக்திகள் கனகசபை ராமசாமி கனவில் வந்த காந்தி கனிமொழி காக்கா முட்டை காணொளிகள் சில காதர் காந்தி திரைப்படம் காப்டன் அப்பாஸ் அலி காப்புரிமை கார்டியன்ஸ் ஆப் தி காலக்ஸி கார்த்திக் கார்த்திக் கார்த்திக் காவியத் தலைவன் காற்றுவெளியிடை கிரமத்து குழந்தைகள் கிரேஸ் பிரதிபா கிரேஸ் பிரதீபாவின் துளிர் விடும் விதைகள் கிஷோர் டேவிட் ராஜ ராஜன் கீழடி குருநாதசுந்தரம் குழந்தை வளர்ப்பு குழந்தைகள் தினம் குறும்படம் கேவல் நதி கொசுவத்தி கொசுவர்த்தி கொஞ்சம் புதிய அறிவியல் கொஞ்சம் வெப் கொடி காத்த குமரன் கொம்பன் திரை விமர்சனம் கோச்சடையான் கோடை நகர்ந்த கதை கோபிநாத் கோவை ஆவி க்விஸ் சக்கரக்காலன் சக்தி சவுந்தர் ராஜன் சச்சின் சந்தானம் சந்திப்பு சந்திரமோகன் வெற்றிவேல் சந்தைப்படுத்துதல் சமுகம் சமுத்திரக்கனி சமூகம் சர்தார் வல்லபாய் பட்டேல் சாதனைப் பெண்மணிகள் சித்தன்னவாசல் ஓவியங்கள் சித்தன்னாவாசல் இலக்கிய சந்திப்பு சிவகார்த்திகேயன் சிறுகதை சினிமா சின்னவள் கவிதைத் தொகுப்பு சீனு சுகு சுய முன்னேற்றம் சுயபுராணம் சுரபி சுரேந்தர் சூப்பர்மென் வெர்சஸ் பாட்மேன் செந்தூரன் பாலிடெக்னிக் செந்தூரன் பாலியின் தொடர் சாதனை செல்பி செவன்த் சென்ஸ் செவென்த் சென்ஸ் சொன்னாங்க சோ ஸ்வீட் வலைப்பூ ஞானாலயா ஆவணப் படம் டாக்டர் ஸ்ட்ரேஞ் டான் ஆப் ஜஸ்டிஸ் டி.எம்.என்.டி Teenage Mutant Ninja Turtles (2014) டினா அரீனா டெல்லி சம்பவம் ட்ரான்ஸ்பார்மர்ஸ் ஏஜ் ஆப் எக்ஸ்டின்ஷன் தங்கமகன் தஞ்சை தபால்காரர் தமிழ் தமிழ் ஹிந்து தமிழ்ச் செம்மல் விருது தயான் சந்த் தர்மதுரை தலைமைப் பண்பு தலைவாரி பூச்சூடி தாயம்மாள் தாய்மொழி தாரை தப்பட்டை தி இத்தாலியன் ஜாப் தி பிரஸ்டீஜ் தி.ஆலை பள்ளி தியாக வரலாறு திருச்சி புகைப்பட பொருட்கள் கண்காட்சி. நிகழ்வுகள் திரை இசை திரை வி மர்சனம் திரை விமர்சனம் திரைவிமர்சனம் தீபிகா படுகோன் தீரன் சின்னமலை துவரங்குறிச்சி தேவதைகளால் தேடப்படுபவன் தேறி தொடர்பதிவு தொலைகாட்சி 18 தொல்காப்பியர் விருது தொழில் நுட்பம் தொழில் முனைவு தொழில்முனைவு தோழர் ரபீக் பதிவு நகை நடாஷா ரைட் நடிகர் சங்கத் தேர்தல் நத்தார் தின வாழ்த்துக்கள் நந்தன் ஸ்ரீதரன் நமக்கு நாமே திட்டம் நம்பிக்கை மனிதர்கள். நம்மாழ்வார் நலம் நன்றிகள் நாகூர் ரூமி நாடகக் கலைஞர்கள் நாயகர்கள் நாளைய மனிதர்களின் நேற்று நான் ஒரு குழந்தை நிகழ்வு நிகழ்வுகள் நிகில் நிறுவனம் நிகில் பயிற்சி நிலைப்பாடுகள் நிழல் பதியம் நீட் பார் ஸ்பீட் நீயா நானா நுட்பம் நூர் டீச்சர் நூல் அறிமுகம் நூல் பட்டியல் நூல் விமர்சனம் நேர நிர்வாக தளம் நேர நிர்வாகம் நேர மேலாண்மை நேர்மறைச் சிந்தனை பக்தி படிக்க வேண்டாத பதிவுகள் பட்லர் பணமதிப்பு நீக்கம் பணிநிறைவு பதிவர் சந்திப்பு 2014 பதிவர் சந்திப்பு 2015 பதிவர் சந்திப்பு 2015 ஆல்பம் பதிவர் திருவிழா 2015 பத்தாம் வகுப்பு ஆங்கிலப் பாடம் பயிற்சிகள் பயிற்சித்துறை பலூஸ்சிஸ்தான் பள்ளி பள்ளிக்கல்வி பாகுபலி பாட்டன் காட்டைத் தேடி பாபநாசம் பாரதி புத்தகாலயம் பாரத் ஸ்டேஜ் 4 பாஸ்ட் அண்ட் ஃபியூரியஸ் 7 Fast and Furious 7 பாஸ்ட் அண்ட் ஃபியூரியஸ் 8 பாஸ்ட் எய்ட் பிட் டோரறேன்ட் பிரபு சாலோமோன் பிராங்கின் படங்கள் பிரார்த்தனை பிரித்தாளுதல் பிரியங்கா பிரேமா தக்ஷிணாமூர்த்தி பிரேம்சந்த் பு.கோ.சரவணன் புகைப்படத் தொகுப்பு புதியவன் புதுகை குளம் மீட்பு புதுகை செல்வா புதுகை தொல்லியல் ஆய்வுக் கழகம். புதுகையின் கல்வி முகங்கள் புதுக்கோட்டை புதுக்கோட்டை மாவட்ட பாறை ஓவியங்கள் புள்ளிகள் புறம்போக்கு பெரியார் பெற்றோர் பேப்பர் ஒன்று பேராசிரியர் அ. தட்சிணாமூர்த்தி பைரவா பொது பொதுப் போக்குவரத்து மேம்பாடு பொற்பனைக்கோட்டை போட்டிகள் ப்ரோசன் ப்ளாகர் டிப்ஸ் மணிகண்டன் ஆறுமுகம் மதத்தீவிரவாதம் மதுரை மதுரை வரலாறு மரபு வழி நடை மராத்திய மொழிப் படங்கள் மலர்தரு மழைமனிதர்கள் மனிதர்கள் மாட் மாக்ஸ் ஃபியூரி ரோட் Mad_Max:_Fury_Road மாணவர் போராட்டம் மாண்பு மிகு மகளிர் - அறிவியல் சுடர்கள் மாண்புமிகு மகளிர் மாதொரு பாகன் மாத்யு ப்ளோரிஸ் மாமழை நினைவுகள் மார்க் அண்டோனி மாறாப்புன்னகை மாற்றத்தின் முகங்கள் மியான்மர் மிருதன் மிஷன் இம்பாசிபிள் 5 Mission Imposible Rogue Nation முகநூல் முகநூல் நிலைத்தகவல்கள் முகநூல் பகிர்வு முத்துக்கிருஷ்ணன் முத்துநிலவன் முனைவர் மு பிரபு முனைவர் ஜம்புலிங்கம் முனைவர். அருள்முருகன் மூன்று புத்தகங்கள் வெளியீடும் குடும்ப விழாவும் மெட்ராஸ் மெமரி கார்ட் மேன்மை இதழ் அறிமுகம் மொழி மொழித்திறன் மோசன் காப்ச்சர் யாதும் ஊரே யாழியின் இரண்டு தொகுப்புகள் ரபீக் ரபீக் பகிர்வு ரம்ஜான் ரவீந்திரன் ரஜனி ரஷ் ரஹ்மான் ராஜ கோபால தொண்டைமான் ராஜ சுந்தர்ராஜன் ராஜசுந்தர்ராஜன் ராஜா சுந்தர்ராஜன் ராஜேஷ் வைத்யா ரிச்சர்ட் அட்டன்பரோ ரியோ ஒலிம்பிக் ருத்ரையா ரோக் ஒன் movie review ரோஹித் வேமுலா லாரீனா லூசி லோகன் 2017 வகுப்பறை அனுபவங்கள் வகை ஒன்று வணக்கம் வண்ணதாசன் வலைச்சரம் வலைப்பதிவர் மாநாடு வலைப்பூ நுட்பம் வள ஆசிரியர்கள் வனமகன் வாசிப்பு வாசிப்பு அனுபவப்பகிர்வு வாழ்த்துக்கள் வாழ்வியல் திறன்கள் பயிற்சி. வாழ்வியல் திறன்கள் பயிற்சி. தன்னை அறிதல் பயிற்சி வானவில் விடுதலை வேள்வியில் வீரத் தமிழர்கள் விடைபெறல் விதைக்கலாம் வித்டிராயல் சிம்ப்டம் விப்லாஷ் விருது விவசாயம் விஜய் டீ.வி விஜூ கனைக்ட் விஷாலின் விஸ்வரூபம் வீணை இசை வீதி கூட்டம் வீதிக் கூட்டம் வீதிக்கூட்டம் வீரபாண்டிய கட்டபொம்மன் வீரமுரசு சுப்பிரமணிய சிவா வெயிலில் நனைந்த மழை வெர்சடைல் ப்ளாகர் விருது வெள்ளைப் புலி வெற்றி இலக்கியம் வைகறை வைகறையின் ஜெய் நல நிதி ஜல்லிக்கட்டு ஜாக்கி சேகர் ஜாதவ் ஜூராசிக் வோர்ல்ட் ஜெயப் பிரபு ஜெர்மனி ஜே.சி. பயிற்சி ஜேசி இயக்கம் ஜோக்கர் ஜோசப் விஜூ ஷபானா பாஸிஜ் ஷாமிலா தலுவத் ஷாருக்கான் ஷான் கருப்புசாமி ஷாஜகான் ஸ்டான்லி குப்ரிக் ஸ்பாய்லர் ஸ்பிலிட் ஸ்ரீதர் சுப்பிரமணியன் ஹாக்ஸா ரிட்ஜ் ஹாண்ட்ஸ் ஆப் ஸ்டீல் ஹாலிவுட் ஹெர்குலிஸ்