Tuesday, 28 November 2017

புத்தகத் திருவிழா 2017இல் எல்லைப்பட்டி மாணவர்கள்

புதுகையை புத்தகக் கோட்டையாக்கும் முயற்சியில் கவிஞர் தங்கம் மூர்த்தி 
புதுகையில் ஒரு புத்தகத் திருவிழாவை நடத்த இலக்கிய ஆர்வலர்கள் திட்டமிட்டு, இதுதொடர்பாக விவாதிக்க தொடர் கூட்டங்களை நடத்த விரும்பினார்கள். கவிஞர் தங்கம் மூர்த்தி, கவிஞர் முத்துநிலவன் மற்றும் கம்பன் கழக நிறுவனர் சம்பத் குமார் ஆகியோரின் முன்னெடுப்பில்  விவாதங்கள் தொடங்கின, கவிஞர்கள் வீடுகளில் ஆலோசனை துவங்கி மெல்ல மெல்ல உறுப்பினர்கள் எண்ணிக்கை அதிகமாகி இறுதியாக சில்வர் ஹாலில் கூட்டம் நடைபெற்றது.

படம் பார்க்க கிளிக்குங்க 

ஊர்கூடி இழுத்த தேர் திடுமென நின்றுபோக, இனி புத்தகத் திருவிழா சாத்தியமா என்கிற நிலையில் சிலமாதங்கள் நீடித்தது.


திடுமென தமிழ்நாடு அறிவியல் இயக்கம் தேரை இழுக்கத் துவங்கியது. அய்யா மணவாளன், தோழர் பாலா, புதுகை புதல்வன் என்கிற ஒரு அணி ஒன்றிணைந்து மீண்டும் கவிஞர் தங்கம் மூர்த்தியை அழைத்து விழாக்குழுவிற்கு தலைமையேற்க கோர முதலாண்டு புத்தகத் திருவிழா வெற்றிகரமான முறையில் நடந்தேறியது.

பிரச்னை என்னவென்றால் கடந்தமுறை திருவிழாவின் போதுதான் மோடி பகவான் ரூபாய் நோட்டுக்கள் மூலமாக இந்தியர்களின் தேசபக்தியை சோதித்துக்கொண்டிருந்தார். போதாக்குறைக்கு முதல்வர் ஜெயா உடல்நிலை வேறு சேர்ந்துகொள்ள திரில்லிங்கான நிலையில் நடந்தேறியது நிகழ்வு. சுமார் அறுபது லட்சத்திற்கு நூல்கள் விற்பனையாகியிருந்தன.

எல்லைப்பட்டி மாணவர்களை அழைத்துச் செல்ல நான்கு பேருந்துகளை அனுப்பிவைத்தார் அண்ணன் தங்கம் மூர்த்தி. மாணவர்கள் சுமார் ஐந்தாயிரம் ரூபாய்க்கு நூற்களை வாங்கினார்கள். அவர்கள் அதிகம் செலவிட்டதென்னவோ கேன்டீனில்தான். மாணவர்கள் ஐந்தாயிரம் ரூபாய்க்கு நூற்களை வாங்க ஸ்ரீ வெங்கடேஷ்வரா பள்ளியோ டீசலுக்கு எட்டாயிரத்தை செலவிட்டிருந்தது.

இந்நிலையில் இரண்டாம் ஆண்டு புத்தகத் திருவிழாக் குழுவில் மீண்டும் அழைக்கப்பட்டேன்.


இரண்டாம் ஆண்டு அறிவியல் இயக்க தோழர்களுடன் பணியாற்றும் வாய்ப்பு கிடைத்தது. முதலாம் ஆண்டே நண்பர் நாரயணன் உரிமையுடன் ஒரு நூலை கேட்டு வாங்கிக்கொண்டார். மால்கம் கிளாட்வெல்லின் பிளிங். (நான் இன்னும் முடிக்கவில்லை அவர் என்ன செய்கிறார் என்பது தெரியவில்லை)

இம்முறை திட்டக்குழு கடந்த ஆண்டே விவாதித்த ஒரு விஷயத்தை அறிமுகம் செய்தது. மாணவர்களுக்கு உண்டியல்களை கொடுத்து சேகரிக்க கோரி அந்த பணத்திற்கு டோக்கனைகளை வழங்கி அவர்களை நூற்களை வாங்க அனுமதித்தல். கூடுதலாக பத்து முதல் பதினைந்து சதவீதம் வரை மாணவர்களுக்கு கழிவும் உண்டு.

இலுப்பூர், மதர் தெரசா கல்விநிறுவனங்கள் உண்டியலை ஸ்பான்சர் செய்ய பத்தாயிரம் உண்டியல்கள் புதுகைப்பள்ளி மாணவர்களுக்கு வழங்கப்பட்டன. எம் பள்ளி மாணவர்களில் ஆர்வம் உள்ள மாணவர்களுக்கு மட்டுமே வழங்கப்பட்டன. ஒரு மாதத்திற்கு பிறகு சில உண்டியல்கள் கிழித்தெறியப்பட்டிருந்தன, சில வாயைப் பிளந்துகொண்டு குழந்தைகளுக்கு அவசர செலவிற்கு நிதியளித்துக்கொண்டிருந்தன. தப்பிப் பிழைத்த உண்டியல்களில் இருந்து திரட்டப்பட்டது ரூபாய் இருபத்தி ஆறாயிரத்து எழுநூற்றி எண்பத்தி ஐந்து ரூபாய்கள்.

அரண்டு போய்விட்டேன் நான், எதிர்பார்த்ததென்னவோ பத்தாயிரம்தான்.

வந்தது ஒன்றை மடங்கு அதிகம்.

அரசுப் பள்ளிகளில் இரண்டாவது இடத்தில் எல்லைப்பட்டி மாணவர்கள்! (முதலிடம் கவரப்பட்டி மேல்நிலைப்பள்ளி,ஐம்பத்தி ஐந்து ஆயிரம்!)


மீண்டும் ஒரு பிரச்சனை. எப்படி மாணவர்களை அழைத்து வருவது?

ஒருவருடம் மாணவர்களுக்கு வாகனத்தினை அளிக்கலாம். இரண்டாம் வருடமும் சாத்தியமா ? தயங்கி தயங்கி ஒரு விண்ணப்பத்தை பள்ளித் தலைமை ஆசிரியர் விழாக்குழு தலைவர் கவிஞர்  தங்கம் மூர்த்திக்கு அனுப்ப, அவர் செய்திடலாம் என்று சொல்லிவிட்டார்.


இப்போது எழுந்தது இன்னொரு பிரச்சனை, ஆர்.எம்.எஸ்.ஏ நிகழ்த்தும் ஆசிரியர்களுக்கான  ஐ.சி.டி பயிற்சிகள். திங்கள் அன்று துவங்கினால் திட்டம் பணால் ஆகிவிடும் என்கிற நிலையில் அய்யா ராசி பன்னீர்செல்வம் இருபத்தி எட்டுதான் கஸ்தூரி என்று பால்வார்த்தார். திங்கள் என்று தேதியை உறுதிசெய்து கவிஞரிடம் சொல்லியாயிற்று.

கவிஞரே வெகு சரியாக ஞாயிறு மாலையே அழைத்து நாளை காலை பள்ளிக்கு மூன்று வாகனங்கள் வந்துவிடும் என்று என்னை ஆச்சர்யப்படுத்தினார். முன்னேற்றம் என்பது அவ்வளவு எளிதில் வந்துவிடாது. அதற்கு பல நுட்பமான காரணிகள் உண்டு என்பதை உணர்ந்தேன்.

காலையில் இன்னொரு பிரச்சனை . மழை. அநேகமாக பள்ளி விடுமுறையாகிவிடும் என்று பதைக்க வைத்தது வானம். தொலைக்காட்சியில்  ஒவ்வொரு  நியூஸ் சானலாக மாற்றிப் பார்த்துக்கொண்டிருந்துவிட்டு பிறகு பள்ளிக்கு விரைந்தேன்.

மழைபடுத்திய பாட்டில் எங்கே வாகனங்கள் வருகின்றனவோ இல்லையோ என்கிற கேள்வி வேறு. ஸ்ரீ வெங்கடேஸ்வரா பள்ளியின் துணை முதல்வர் லைனில் வந்து மூன்று பேருந்துகள் வந்துகொண்டிருக்கின்றன என்றார்.

ஒருவழியாக டோக்கன்களை கொடுத்து மாணவர்களை வண்டியில் ஏற்றி திருவிழா நடைபெறும் நகர்மன்றம் அடைந்தோம்.

வண்டிகள் வருவதற்கு முன்னரே அறிவியல் இயக்கத் தொண்டர்கள் தடைகளை அகற்றி வண்டிகளை நிறுத்த வாகான இடத்தை தயார் செய்து வைத்திருந்தனர்.

எதிர்பாரா இன்ப அதிர்ச்சியாக அறிவியல் இயக்கம் மாணவர்களுக்கு இரண்டு சிறப்புரைகளை வழங்கியது. ஜெ.சி.ஐ  ரெயின்போவின் தலைவர் திரு.விஜயக்குமார், வெகுநேர்தியாக மைக்கேல் பாரடே குறித்த அறிமுகத்தை தர தொடர்ந்து வந்த முனைவர் தினகரன் விரிவான தகவல்களை வழங்கி, மாணவர்களை கேள்வி கேட்கச் சொல்லி பதில்களைத் தந்தார்.

கிரிஸ்பர் குறித்து அவர்பேச என் மாணவர்களில் யாரவது கேள்விப்பட்டிருக்கிறோம் என்றாவது சொல்வார்களா என்று எதிர்பார்த்தேன். சில முறை வகுப்பில் சொல்லியிருக்கிறேன்.

பதியும் வண்ணம் சொல்லவில்லை போல, அதுவும் நான் க்ரிஸ்பார் என்று சொல்லியிருந்தேன், முனைவர் தினகரனோ ஒவ்வொரு எழுத்தாக சொன்னார் சி.ஆர்.ஐ.எஸ்.பி.ஆர். 49 என்று சொல்ல மாணவர்கள் அமைதியாக உட்கார்ந்திருந்தார்கள். பிறகு அவரே விளக்கினார். (நான் இங்கிருந்து சொன்னேன் )

எல்லா மாணவர்களையும் ஒரே நேரத்தில் அரங்கின் உள்ளே அனுப்பினால் அரங்கு கொள்ளாது என்கிற காரணத்தினால் எழுந்த ஏற்பாடு என்றாலும் எல்லைப்பட்டி பள்ளியின் முதல் துளிர் இல்ல நிகழ்வாகவும் இது அமைந்தது.

அறிவியல் இயக்கத் தோழர்களுக்கு நன்றிகள்.

மாணவர்கள் சுமார் இரண்டு மணிநேரங்கள் செலவிட்டு இருபத்தி ஏழு ஆயிரங்களுக்கு நூற்களை வாங்கினார்கள்.

ஒரு அரசு பள்ளி மாணவர்கள் இருபத்தி ஏழு ஆயிரங்களுக்கு நூற்களை வாங்குவது என்பது ஒரு வரியில் கடந்துபோகின்ற செய்தியல்ல. கடந்த ஒருவார காலமாக பள்ளியில் இருக்கிற மாணவர்களும், பயிற்சி ஆசிரியைகளும் இதற்காக உழைத்தனர். உண்டியல் தொகையை வாங்கி வரவு வைப்பது, சில்லறைக்காசுகளை எண்ணுவது, பொட்டிலமிடுவது பிறகு டோக்கன் வழங்குவது என நெடும் பணி இதற்கு பின்னே இருக்கிறது.

ஒருங்கிணைத்தது என்னவோ நான் என்றாலும், அனுமதித்த தலைமை ஆசிரியை திருமிகு.தேன்மொழி, சகிப்புத்தன்மை மிக்க சக ஆசிரியர்களும்தான்.


இத்துணை வேலை இருக்கும் என்று தெரிந்ததால்தான் புத்திசாலித்தனமாக மற்ற பள்ளிகள் தவிர்த்திருக்க வேண்டும். நமக்கு அவ்வளவு புத்திசாலித்தனம் கிடையாதே. செம பிரஷர் நிகழ்வு நடந்தேறும்வரை.




ஒருவார காலமாக நடந்த உண்டியல் பணி, மற்றும் டோக்கன் வழங்கும் பணி 

டோக்கன் கவர்கள் 

 பணிக்கு நடுவே பயிற்சி ஆசிரியைகள் டோக்கன் பொட்டலங்களை தயார் செய்கிறார்கள்.
 பள்ளி மாணவர்கள் டோக்கன்கள் அடங்கிய உறையை பெறுகிறார்கள்

பேருந்து பயணம்
மாணவர்களை  வழிநடத்தும்  ஆசிரியைகள் 

பயல் மெர்சல் படம் பார்த்திருப்பான் போல 


புத்தகத் திருவிழா நடைபெறும் அரங்கில் பேருந்துகள் நுழைகின்றன. 

அறிவியல் இயக்கத்தின் மாநில பொறுப்பாளர் பாலகிருஷ்ணன் வாகனங்களை வழிநடத்துகிறார். 

தன்னார்வ தொண்டர்கள் தளாரது பணியாற்றுகிறார்கள்.

 எல்லைப்பட்டி  அரசு உயர்நிலைப்பள்ளியின் முதல் துளிர் இல்ல நிகழ்வு 

தோழர் பாலா பேச கண்ணுறும் ஆசிரியர்கள் மற்றும் துளிர் இல்ல உறுப்பினர்கள் 

மிக நேர்த்தியாக பேசுகிற நண்பர் விஜயகுமார் 

தன்னார்வ தொண்டர் படை தளபதிகளில் ஒருவர் சோலை 

முனைவர் தினகரன் அவர்கள் வருகைதந்த பொழுது தோழர் பாலா மற்றும் தோழர் மணவாளன் 

\
முனைவர் தினகரன் அவர்களின் உரை 

முனைவர் தினகரன் அவர்களின் உரை 


திருவிழாவேதான் 

நூற்பூக்களை மொய்க்கும் மாணவத் தேனீக்கள் 

 கவிஞர் சுடாலின் சரவணன் தனது படையுடன்


இளம் வாசகர்கள்


என்னுடைய மாணவராம், ஐ.ஏ.எஸ்.தேர்வுக்கு தயார் செய்துகொண்டிருக்கிறார். அரவிந்தன்...வாழ்துகள் 


 விழாவின் வரவேற்புக்குழு தலைவர் திருமிகு.தங்கம் மூர்த்தி அவர்களுக்கு எத்துணை முறை நன்றிகளைத் தெரிவித்தாலும் போதாது என்பதுதான் உண்மை.

நிகழ்விற்கு பின்னர் பள்ளி திரும்பி உணவருந்திய மாணவர்களை அழைத்து அவர்கள் வாங்கியிருக்கும் நூற்களின் பட்டியலை எழுதித்தரக்கோரினேன். வாரம்தோறும் படித்த நூற்களை பற்றி பேசுமாறு கூறியிருக்கிறேன். பரிசாக நூற்கள் தருவேன் என்றும் அறிவித்திருக்கிறேன்.

இந்த அறிவிப்பிற்கு பின்னர் இருப்பது எம்.ஆர்.எம். பள்ளியின் தாளாளர் திரு.முருகப்பன் அவர்கள்.

ஒரு உரையாடலில் சார் எங்க பிள்ளைக ஐம்பதாயிரம் கொடுத்திருக்கிறார்கள்.

இதனால் யாருக்கு லாபம் என்று அவர் கேட்க யோசிக்காமல் சொன்னேன் நிச்சயமாக மாணவர்களுக்குத்தான்.

இல்லை தவறாக சொல்கிறீர்கள், லாபம் நூல் விற்பனையாளருக்கு மட்டுமே. பிள்ளைகள் நூற்களை வாங்கி படிக்கிறார்களா இல்லையா என்று யார் பார்ப்பது? வாங்கி ஒரு ஓரமாய் வைத்துவிட்டால் என்ன செய்வீர்கள் என்று சொல்லவே ங்கே என்று விழித்தேன்.

அவரேதான் சொன்னார் வாசிப்பு முகாம்களை தொடர்ந்து நடத்துங்கள் என்று.

நல்ல விஷயம்தானே செய்துடலாம் என்று என் பள்ளியில் துவங்கிவிட்டேன்.

எம்.ஆர்.ம். முருகப்பன் அவர்களுக்கு நன்றிகள்.


எம் பள்ளிப்பிள்ளைகள் நூற்களை சும்மா போட்டு வைத்திருக்க மாட்டார்கள்!

நன்றிகள்

பொறுமையாகப் படித்த உங்களுக்கும்.

அன்பன்
மது

8 comments:

  1. மகிழ்ந்தேன்
    நன்றி நண்பரே

    ReplyDelete
    Replies
    1. நன்றிகள் அய்யா

      Delete
  2. ரொம்பவே 'ரிஸ்க் எடுத்து பணியாற்றிய அனைவருக்கும் பாராட்டுகள்.

    ReplyDelete
    Replies
    1. நன்றிகள் அய்யா

      Delete
  3. உங்கள் பிள்ளைகள் மீதான உங்களின நம்பிக்கைக்கும் அன்பிற்கும் மனமார்ந்த பாராட்டுகள். குழந்தைகளின் முகத்தில் ஈடுபாடு, ஆர்வம் அருமையாகத் தெரிகிறது. ஊக்குவிக்கும் உங்களைப் போன்ற ஆசிரியர்கள் போற்றத்தக்கவர்கள்.

    ReplyDelete
    Replies
    1. நன்றிகள் அய்யா

      Delete
  4. வார நாள்களில் தான் வாங்கிப் படித்த 2 புத்தகம் பற்றி ஐந்து நிமிடம் (குறிப்புகள் இல்லாமல்) பேசும் மாணவர் - மாணவிகள் எத்தனை பேரானாலும் தலா 100ரூபாய் மதிப்புள்ள -அவர்கள் விரும்பும் - நூல்களைப் பள்ளிக்கு வந்தே பரிசளிக்க விரும்புகிறேன். பத்து மாணவர் சேர்ந்ததும் வரவேண்டிய நாள் எதுவென்று நீங்களே முடிவு செய்யுங்கள்.

    ReplyDelete
  5. சிறு பிராயத்திலேயே நூல்களை வாசிப்பதில் ஈர்ப்பு எடுத்துவது மிகச் சிறப்பு. தொடரட்டும் உங்கள் சேவை.

    ReplyDelete

தங்கள் வருகை எனது உவகை...

Labels

12 Years a Slave (2013) 2:22 2001: எ ஸ்பேஸ் ஆடிசி A Walk Among the Tombstones aathaar Amr Waked appavin whistle satham Avengers Age of Ultron avms kaarthik bairava beautiful inside Paul Holmes blogging tips buds to blossoms c.c.e divorce Fast and Furious 8 fb share freedom fighters of India geostorm 2017 Guardians of the Galaxy hariharasuthan Hinduism honour killings innovations in Marketing into the storm Iyothee Thass jci jci pudukkottai central kalvi kannaki kovil keezhadi khan's academy kochadaiyaan review lakshmi short film linking fraud Logu sir Lucy(2014) spoiler madurai Michiel Huisman Teresa Palmer Sam Reid Simone Kessell Maeve Dermody Min-sik Choi Morgan Freeman nanarkadan oblivion paleo diet personal change positive attitude வெற்றி இலக்கியம் Rafeeq Friend robin williams Rotary rouge one 2016 sasikala for cm Scarlett Johansson shajakaan short story collection society spoiler ssa T.V.18 yaathum oore episode 12 Tamil Short Story tasmac tesla motors thamizh thirai vimarsanm udayakkumar vishwaroopam 2 viswaroopam movie want to write ? War for the Planet of the Apes www.ted.com X Standard Tamil Memory Songs Tamil Nadu X-Men: Days of Future Past அ பெ கா பண்பாட்டு இயக்கம் அ.பெ.கா அசத்தல் அரசுப் பள்ளி அச்சம் என்பது மடமையடா அப்பா அமெரிக்கா அம்மா அம்மா ஜோதிமணியின் மரணத்தை முன்னிட்டு அயோத்தி தாசர் அரசு ஊழியர் ஓய்வூதிய போராட்டம் அரசு ஊழியர்களின் குரல் அரசுப் பள்ளிகள் அரிமளம் பள்ளி அரைவல் அலைகள் அலையும் குரல்கள் அவன்ஜர்ஸ் இன்பினிட்டி வார்ஸ். அவென்ஜெர்ஸ் ஏஜ் ஆப் அல்ட்ரான் அறிவிப்புகள் அனுபவம் அன்னவாசல் கே. ரெங்கசாமி ஆஃபரா ஆங்கில கேட்டல் பயிற்சி ஆங்கிலத்தொடர்பாற்றல் ஆங்கிலப் படம் ஆங்கிலப் பயிற்சி ஆங்கிலம் ஆசிரிய வேலைவாய்ப்பு சேவை ஆசிரியர் ஆசிரியர் தினம் ஆசிரியர் போராட்டம் ஆசிரியர்கள் ஆசிவகம் ஆசை தொடர் பதிவு ஆண்டனி ஆதிச்சநல்லூர் இசை இடஒதுக்கீடு இடைநிறுத்தம் இடைநிற்றல் இந்திய தேசிய ராணுவம் இந்தியா வரங்களும் சாபங்களும் இந்துத்துவம் இமான் இல்லறம் இளையராஜா இறுதிச் சுற்று இனப்படுகொலை இன் டு தி ஸ்டார்ம் இன்னுமொரு சிறுகதை. புன்னகை இஸ்ரேல் ஈர்ப்பலைகள் ஈழம் ஈழம் சமுகம் உயிர்மை உலகின் பொருளாதாரக் கொள்கை உலோக உருக்கு ஆலை எக்ஸ்.மென் அபோகிளிப்ஸ் எட்ஜ் ஆப் டுமாரா எல்காம் எஸ்.எம்.எஸ். கொள்ளை ஏற்பாடுகள் ஐ.சி.டி ஐஸ் ஸ்டுபா ஒரு கோப்பை மனிதம் ஒரு முகநூல் பகிர்வு ஒலிம்பிக் ஒன்பதாம் வகுப்பு ஆங்கிலப் பாடம் ஓவியர்கள் கடிதம் கட்செவி பகிர்வு ஒன்று கட்டிடப் பொறியியல் கட்டுரைப் போட்டி கண்ணகி கோவில் கண்ணேநலமா - கண்ணாடி பவர் குறைபாடுகள் கதிர்வேல் கதை திரைக்கதை வசனம் இயக்கம் கத்தி கயல் கருத்தாளிகள் கலாச்சராம் கலிலியோ அறிவியல் மையம். கல்லுக்குடியிருப்பு கல்வி கல்வித்துறை கல்வித்துறை விழா கல்வியாண்டு கவண் கவிஞர் தங்கம் மூர்த்தி கவிஞர் நீலா கவிதை கவிதை அறிமுகம் கவிதை பகிர்வு கவிதைகள் கவிதைத் தொகுப்பு கவிநாடு கண்மாய் கவுரவக் கொலைகள் கற்க கசடற கற்பித்தல் யுக்திகள் கனகசபை ராமசாமி கனவில் வந்த காந்தி கனிமொழி கன்வாரியா காக்கா முட்டை காசு பணம் துட்டு மணி மணி காணொளிகள் சில காதர் காந்தி திரைப்படம் காப்டன் அப்பாஸ் அலி காப்புரிமை கார்டியன்ஸ் ஆப் தி காலக்ஸி கார்த்திக் கார்த்திக் கார்த்திக் காவியத் தலைவன் காற்றுவெளியிடை கிரமத்து குழந்தைகள் கிரேஸ் பிரதிபா கிரேஸ் பிரதீபாவின் துளிர் விடும் விதைகள் கிஷோர் டேவிட் ராஜ ராஜன் கீழடி குருநாதசுந்தரம் குழந்தை வளர்ப்பு குழந்தைகள் தினம் குறும்படம் கூகிள் பார் தமிழ் கேரள பேரிடர் கேவல் நதி கொசுவத்தி கொசுவர்த்தி கொஞ்சம் புதிய அறிவியல் கொஞ்சம் வெப் கொடி காத்த குமரன் கொம்பன் திரை விமர்சனம் கோச்சடையான் கோடை நகர்ந்த கதை கோபிநாத் கோவை ஆவி க்விஸ் சக்கரக்காலன் சக்தி சவுந்தர் ராஜன் சச்சின் சதுர ஆவுடைகள் சந்தானம் சந்திப்பு சந்திரமோகன் வெற்றிவேல் சந்தைப்படுத்துதல் சமணச் சிலை சமுகம் சமுத்திரக்கனி சமூகம் சர்தார் வல்லபாய் பட்டேல் சாதனைப் பெண்மணிகள் சித்தன்னவாசல் ஓவியங்கள் சித்தன்னாவாசல் இலக்கிய சந்திப்பு சிவகார்த்திகேயன் சிறுகதை சினிமா சின்னவள் கவிதைத் தொகுப்பு சீனு சுகு சுய முன்னேற்றம் சுயபுராணம் சுரபி சுரேந்தர் சூப்பர்மென் வெர்சஸ் பாட்மேன் செந்தூரன் பாலிடெக்னிக் செந்தூரன் பாலியின் தொடர் சாதனை செல்பி செவன்த் சென்ஸ் செவென்த் சென்ஸ் சொன்னாங்க சோ ஸ்வீட் வலைப்பூ ஞாநி மறைந்தார் ஞானாலயா ஆவணப் படம் டாக்டர் ஸ்ட்ரேஞ் டான் ஆப் ஜஸ்டிஸ் டி.எம்.என்.டி Teenage Mutant Ninja Turtles (2014) டினா அரீனா டெட்பூல் 2 டெல்லி சம்பவம் ட்ரான்ஸ்பார்மர்ஸ் ஏஜ் ஆப் எக்ஸ்டின்ஷன் தங்கமகன் தஞ்சை தபால்காரர் தமிழ் தமிழ் ஹிந்து தமிழ்ச் செம்மல் விருது தயான் சந்த் தர்மதுரை தலைமைப் பண்பு தலைவாரி பூச்சூடி தாயம்மாள் தாய்மொழி தாரை தப்பட்டை தி இத்தாலியன் ஜாப் தி பிரஸ்டீஜ் தி.ஆலை பள்ளி தியாக வரலாறு திருச்சி புகைப்பட பொருட்கள் கண்காட்சி. நிகழ்வுகள் திரை இசை திரை வி மர்சனம் திரை விமர்சனம் திரைவிமர்சனம் தீபிகா படுகோன் தீரன் அதிகாரம் ஒன்று தீரன் சின்னமலை துவரங்குறிச்சி தேர்தல் தேவதைகளால் தேடப்படுபவன் தேறி தொடர்பதிவு தொலைகாட்சி 18 தொல்காப்பியர் விருது தொல்லியல் ஆய்வுக் கழகம் தொல்லியல் சான்றுகள் தொழில் நுட்பம் தொழில் முனைவு தொழில்முனைவு தோழர் ரபீக் பதிவு நகை நடாஷா ரைட் நடிகர் சங்கத் தேர்தல் நத்தார் தின வாழ்த்துக்கள் நந்தன் ஸ்ரீதரன் நமக்கு நாமே திட்டம் நம்பிக்கை மனிதர்கள். நம்மாழ்வார் நலம் நன்றிகள் நாகூர் ரூமி நாடகக் கலைஞர்கள் நாயகர்கள் நாளைய மனிதர்களின் நேற்று நான் ஒரு குழந்தை நிகழ்வு நிகழ்வுகள் நிகில் நிறுவனம் நிகில் பயிற்சி நிமிர் நிலைப்பாடுகள் நிழல் பதியம் நீட் பார் ஸ்பீட் நீயா நானா நுட்பம் நூர் டீச்சர் நூல் அறிமுகம் நூல் பட்டியல் நூல் விமர்சனம் நேர நிர்வாக தளம் நேர நிர்வாகம் நேர மேலாண்மை நேர்மறைச் சிந்தனை பக்தி பஞ்ச் 75 படிக்க வேண்டாத பதிவுகள் பட்லர் பணமதிப்பு நீக்கம் பணிநிறைவு பதிவர் சந்திப்பு 2014 பதிவர் சந்திப்பு 2015 பதிவர் சந்திப்பு 2015 ஆல்பம் பதிவர் திருவிழா 2015 பத்தாம் வகுப்பு ஆங்கிலப் பாடம் பத்தாம் வகுப்பு பாடல் ஒன்று பயிற்சிகள் பயிற்சித்துறை பலூஸ்சிஸ்தான் பள்ளி பள்ளிக்கல்வி பாகுபலி பாட்டன் காட்டைத் தேடி பாபநாசம் பாரதி புத்தகாலயம் பாரத் ஸ்டேஜ் 4 பாஸ்ட் அண்ட் ஃபியூரியஸ் 7 Fast and Furious 7 பாஸ்ட் அண்ட் ஃபியூரியஸ் 8 பாஸ்ட் எய்ட் பிட் டோரறேன்ட் பிரபு சாலோமோன் பிரமாண்டமான பேலியோ அறிமுக மாநாடு - புதுக்கோட்டை பிராங்கின் படங்கள் பிரார்த்தனை பிரித்தாளுதல் பிரியங்கா பிரேமா தக்ஷிணாமூர்த்தி பிரேம்சந்த் பு.கோ.சரவணன் புகைப்படத் தொகுப்பு புதியவன் புதுகை குளம் மீட்பு புதுகை செல்வா புதுகை தொல்லியல் ஆய்வுக் கழகம். புதுகை தொல்லியல் ஆய்வுக்கழகம் புதுகை புத்தகத்திருவிழா 2017 தொடர் நிகழ்வு -2 book fest 2017 follow up activities புதுகைப் புத்தக திருவிழா 2017 புதுகையின் கல்வி முகங்கள் புதுக்கோட்டை புதுக்கோட்டை மாவட்ட பாறை ஓவியங்கள் புரட்டுகள் புள்ளிகள் புறம்போக்கு பெரியார் பெற்றோர் பேப்பர் ஒன்று பேராசிரியர் அ. தட்சிணாமூர்த்தி பேருந்தில் ஒரு உரையாடல் பைரவா பொது பொதுப் போக்குவரத்து மேம்பாடு பொற்பனைக்கோட்டை போட்டிகள் ப்ரோசன் ப்ளாகர் டிப்ஸ் மணிகண்டன் ஆறுமுகம் மதத்தீவிரவாதம் மதுரை மதுரை வரலாறு மரபு நடை மரபு வழி நடை மராத்திய மொழிப் படங்கள் மலர்தரு மழைமனிதர்கள் மனிதர்கள் மாட் மாக்ஸ் ஃபியூரி ரோட் Mad_Max:_Fury_Road மாணவர் போராட்டம் மாண்பு மிகு மகளிர் - அறிவியல் சுடர்கள் மாண்புமிகு மகளிர் மாண்புமிகு மாணவர்கள் மாதொரு பாகன் மாத்யு ப்ளோரிஸ் மாமழை நினைவுகள் மார்க் அண்டோனி மாறாப்புன்னகை மாற்றத்தின் முகங்கள் மாற்றத்தின் முகவர்கள் மியான்மர் மிருதன் மிஷன் இம்பாசிபிள் 5 Mission Imposible Rogue Nation முகநூல் முகநூல் நிலைத்தகவல்கள் முகநூல் பகிர்வு முத்தலாக் முத்துக்கிருஷ்ணன் முத்துநிலவன் முனைவர் மு பிரபு முனைவர் ஜம்புலிங்கம் முனைவர். அருள்முருகன் முனைவர்.பிரபு மூன்று புத்தகங்கள் வெளியீடும் குடும்ப விழாவும் மெட்ராஸ் மெமரி கார்ட் மேயாத மான் ராஜாசுந்தர்ராஜன் அவர்களின் பார்வையில் மேன்மை இதழ் அறிமுகம் மொழி மொழித்திறன் மோசன் காப்ச்சர் யாதும் ஊரே யாழியின் இரண்டு தொகுப்புகள் ரபீக் ரபீக் பகிர்வு ரம்ஜான் ரவீந்திரன் ரஜனி ரஷ் ரஹ்மான் ராம்பேஜ் ராஜ கோபால தொண்டைமான் ராஜ சுந்தர்ராஜன் ராஜசுந்தர்ராஜன் ராஜா சுந்தர்ராஜன் ராஜேஷ் வைத்யா ரிச்சர்ட் அட்டன்பரோ ரியோ ஒலிம்பிக் ருத்ரையா ரோக் ஒன் movie review ரோஹித் வேமுலா லட்சுமி குறும்பட விமர்சனங்கள் லதா லாரீனா லூசி லோகன் 2017 வகுப்பறை அனுபவங்கள் வகை ஒன்று வணக்கம் வண்ணதாசன் வலைச்சரம் வலைப்பதிவர் மாநாடு வலைப்பூ நுட்பம் வள ஆசிரியர்கள் வனமகன் வாசிப்பு வாசிப்பு அனுபவப்பகிர்வு வாழ்த்துக்கள் வாழ்வியல் திறன்கள் பயிற்சி. வாழ்வியல் திறன்கள் பயிற்சி. தன்னை அறிதல் பயிற்சி வாழ்வு வானவில் விடுதலை வேள்வியில் வீரத் தமிழர்கள் விடைபெறல் விதைக்கலாம் வித்டிராயல் சிம்ப்டம் விப்லாஷ் விருது வில்வன்னி நாகரீகம் விவசாயம் விவாகரத்து விழியன் விஜய் டீ.வி விஜூ கனைக்ட் விஷாலின் விஸ்வரூபம் விஸ்வரூபம் 2 வீணை இசை வீதி கூட்டம் வீதிக் கூட்டம் வீதிக்கூட்டம் வீரபாண்டிய கட்டபொம்மன் வீரமுரசு சுப்பிரமணிய சிவா வெயிலில் நனைந்த மழை வெர்சடைல் ப்ளாகர் விருது வெள்ளைப் புலி வெற்றி இலக்கியம் வைகறை வைகறையின் ஜெய் நல நிதி ஜல்லிக்கட்டு ஜாக்கி சேகர் ஜாதவ் ஜியோஸ்டார்ம் 2017 ஜூராசிக் வேர்ல்ட் பாலன் கிங்டம் ஜூராசிக் வோர்ல்ட் ஜெயப் பிரபு ஜெர்மனி ஜே.சி. பயிற்சி ஜேசி இயக்கம் ஜோக்கர் ஜோசப் விஜூ ஷபானா பாஸிஜ் ஷாமிலா தலுவத் ஷாருக்கான் ஷான் கருப்புசாமி ஷாஜகான் ஸ்கெட்ச் ஸ்டான்லி குப்ரிக் ஸ்பாய்லர் ஸ்பிலிட் ஸ்ரீதர் சுப்பிரமணியன் ஹாக்ஸா ரிட்ஜ் ஹாண்ட்ஸ் ஆப் ஸ்டீல் ஹாலிவுட் ஹெர்குலிஸ்