Thursday, 28 May 2015

கடவுளைக் கொல்பவர்கள்

மியான்மர் எனப்படும் பர்மாவில் நடப்பது என்ன.. முழுமையாக தெரிந்து கொள்ள விரும்பும் நண்பர்கள் இந்த பதிவை முழுமையாகப் படிக்கவும்..
\\

எதற்காக இந்த படுகொலைகள்?
மியான்மரின் ராகின் மாகாணத்தில் புத்த மதத்தைச் சேர்ந்த இளம்பெண் ஒருவர் பாலியல் வன்முறைக்கு ஆளாக்கப்பட்டு கொலை செய்யப்பட்டார். இதைச் செய்தது என்று கூறி மூன்று முஸ்லிம்களை கைது செய்தது மியான்மர் அரசு. ஆனால் இளம்பெண்ணின் படுகொலைக்கு ரோஹிங்கியா முஸ்லிம்களை பழிவாங்கவேண்டும் என்று துண்டுப் பிரசுரங்கள் விநியோகிக்கப்பட்டன. மிகத் தீவிரமான இன எதிர்ப்புப் பிரசாரம் முடுக்கி விடப்பட்டது.
முஸ்லிம்கள் மீதான வன்முறை தொடங்கியது. அவசர நிலை பிரகடனம் செய்யப்பட்டது. தொடக்கத்தில் இருதரப்பிலும் உயிர்ச் சேதங்கள் இருந்தாலும் ஒரு கட்டத்தில் ராகின் பௌத்தர்களின் கை ஓங்கியது. கடைகள், கல்வி நிலையங்கள், வங்கிகள் என்று அனைத்தும் மூடப்பட்டன. ஊரடங்குச் சட்டம் முஸ்லிம்களை வீட்டுக்குள் முடக்கிப் போட்டதால், அவர்களை வேட்டையாடிய பௌத்த ராகின்களுக்கு மிக வசதியாகப் போய்விட்டது. அவர்களின் வீடுகளுக்குள்ளேயே சென்று அவர்களைக் கொன்றனர்.
ஊரடங்கு உத்தரவுக்கு ராகின் வன்முறையாளர்கள் செவிசாய்க்கவில்லை. காவல்துறையும் ராணுவமும் இவர்களுக்கு உதவின. உள்நாட்டில் வாழ வழியில்லாத முஸ்லிம்கள், உயிரைக் காத்துக்கொள்ள படகுகளில் வங்கதேசத்துக்கு அகதிகளாகச் சென்றனர். ஆனால் வங்கதேசமோ ஏற்கனவே 3 லட்சம் ரோஹிங்கியா அகதிகள் தங்கள் நாட்டில் இருப்பதால் மேற்கொண்டு அகதிகளை ஏற்றுக்கொள்ளமுடியாது என்று கூறி திருப்பி அனுப்பியது. நடுக்கடலில் போவதற்கு திக்கற்று அலைந்து திரிந்தே பசியிலும் பட்டினியிலும் நோயுற்றும் பலர் இறந்துபோயுள்ளனர்.
இது ஒருபுறம் என்றால் படகுகளில் தப்பித்துச் செல்லும் அகதிகளை குறிவைத்து ஹெலகாப்டர் மூலமும் தாக்குதல் நடத்தப்பட்டு கொல்லப்படுகிறார்கள். அகதிகளாகத் தப்பித்தவர்கள் கதி இதுவென்றால், உள்ளேயே இருந்தவர்கள் பேரினவாத குழுக்களிடம் சிக்கி தங்கள் உயிரை இழக்கின்றனர். படுகொலை செய்யப்பட்டு இறந்த முஸ்லிம்களின் தலைமுடியை அகற்றி மொட்டையடித்து, அவர்களுக்கு பௌத்த்த் துறவிகள் போன்று உடை அணிவிக்கப்பட்டு, புகைப்படங்கள் எடுக்கப்பட்டு முஸ்லிம்களால் கொல்லப்பட்ட்து போன்ற தோற்றம் உருவாக்கப்பட்டு கலவரங்கள் தூண்டப்படுவதாக சர்வதேச ஊடகங்களில் செய்திகள் வெளியாகின.
ஆனால் இதை உண்மை என்று நம்பும் மியான்மர் நாட்டினர் முஸ்லிம்களுக்கெதிரான கலவரங்களில் தொடர்ந்து ஈடுபடுகின்றனர். ரோஹிங்கியா மக்கள் மத்தியில் வேலை செய்துகொண்டிருந்த தொண்டு நிறுவனமான கிலிஜிஷிணிகிழி ''இது போன்ற மோசமான நிலைமையை, நாம் இதற்கு முன்னர் சந்தித்திருக்கவில்லை. இனப்படுகொலை என்பதைக் குறிக்கும் சர்வதேச சட்டத்தினால் வரையறுக்கப் படக் கூடிய சம்பவங்கள் நடந்து கொண்டிருக்கின்றன. ரோஹிங்கியா வங்காளிகள் என்ற இனம், மியான்மரில் அழிந்து கொண்டிருக்கிறது." என்கிறது.
சீனாவும் இந்தியாவும் இதுகுறித்து கனத்த மௌனம் சாதிக்கின்றன. நோபல் பரிசு வென்ற மியான்மரின் எதிர்க்கட்சித் தலைவர் ஆங்-சாங்-சூ-கீயும் இது குறித்து மௌனம் சாதிக்கிறார். அமைதிக்கான நோபல் பரிசை வென்ற இன்னொருவரான தலாய் லாமாவும் இது குறித்து மௌனம் சாதிக்கின்றார். ஒருவேளை அமைதிக்கான நோபல் பரிசை, இதுபோன்ற சமயங்களில் அமைதியாய் இருப்பதற்காக வழங்கப்பட்டது என்று புரிந்துகொண்டார்களோ என்னவோ?
ரோஹிங்கியா முஸ்லிம்கள் 8 லட்சம் பேருக்கு குடியுரிமை வழங்கவில்லை மியான்மர் அரசு. திருமணம் செய்துகொள்ள ராணுவ உயர் அதிகாரிகளிடம் அனுமதி பெற வேண்டும். எல்லைக் காவல்படை உட்பட 4 இடங்களில் அனுமதிப் பத்திரம் பெறப்பட வேண்டும்.. திருமணம் செய்யாமல் ஓர் ஆணும் பெண்ணும் இணைந்து வாழ்வது அங்கு குற்றம். அப்படி வாழ்ந்து கருவுற்ற ஓர் இளம்பெண்ணின் கால்நடைகளையும் உடைமைகளையும் ராணுவத்தினர் அபகரித்துச் சென்ற சம்பவமும் நடந்தது.
2 குழந்தைகளுக்கு மேல் பெறக்கூடாது. மிகக் குறைவான ஊதியமே அவர்களுக்கு வழங்கப்படும். அவர்களுடைய நிலங்கள் பிடுங்கிக்கொள்ளப்படுகின்றன. ஓரிடத்தில் இருந்து இன்னொரு இட்த்திற்கு நாட்டுக்குள்ளேயே இடம்பெயர அரசின் அனுமதியை அவர்கள் பெறவேண்டும். உயர்கல்வி வழங்கப்படுவதில்லை. பாஸ்போர்ட் கிடையாது.
7 வயது முதலே குழந்தைகள் தொழிலாளிகளாக்கப்படுகிறார்கள். நாட்டின் மிக அபாயகரமான, மோசமான தொழில்கள் செய்ய நிர்பந்திக்கப்படுகிறார்கள். பாலம் கட்டுவது, பாதைகளை சீரமைப்பது போன்ற பல கட்டுமானப் பணிகளிலும் இவர்களே குறைந்த கூலிகளில் அடிமைகள் போல வேலை வாங்கப்படுகிறார்கள். இவர்களின் வீடுகளுக்குள் எப்போது வேண்டுமானாலும் காவல்துறை நுழைந்து சோதனை செய்கிறது. அவர்கள் கூடும் இடங்களில் துப்பாக்கிச்சூடுகள் நடத்தப்படுகின்றன.
ராணுவம் முஸ்லிம் பெண்களை பாலியல் வல்லாங்கு செய்வது வாடிக்கையாகிப் போனது. இத்தனை அடக்குமுறைகளைத் தாங்கிக்கொண்டிருக்கும் ஒரு சமூகம் இந்நேரம் பொங்கியெழுந்திருக்க வேண்டும். ஆனால், குர்துக்கள், பாலஸ்தீனியர்கள் போல அவர்களை வழிநடத்த ஒரு தலைவர் அவர்களுக்கு இல்லை என்பதால் அது நடக்கவில்லை..
அண்டை நாடு என்கிற முறையில் இந்தப் படுகொலைகளைப் பார்த்துக்கொண்டு சும்மா இருக்கப்போகிறதா இந்தியா? அல்லது ஒரு கண்டன அறிக்கையாவது இந்திய அரசு வெளியிடுமா என்கிற எதிர்ப்பார்ப்பு இந்திய முஸ்லிம்களிடையே உள்ளது. அதையாவது நிறைவேற்றுமா அரசு?
--நன்றி கவின்மலர்....\\

கடும் அதிர்ச்சியையும் வருத்தத்தையும் தரும் நிகழ்வு ... பகிர்ந்த கவிஞர் நந்தனுக்கும், எழுதிய  கவின்மலருக்கும் வலியுடன் நன்றிகள்

27 comments:

  1. மனதை உருக்கும் பதிவு இதை வெளியுலகம் இன்னும் சரியாக அறிய வில்லையா!?

    ReplyDelete
    Replies
    1. வினோதம் என்றாலும் உண்மை இதுதான் ..
      மீடியாக்கள் இதைப்பற்றி பேசாது மௌனிகின்றன..
      வருகைக்கு நன்றி அய்யா

      Delete
  2. வணக்கம்
    வேதனையான விடயம் அவர்கள்வாழ்விலும் விடியல் பிறக்கட்டும்
    பகிர்வுக்கு நன்றி.

    -நன்றி-
    -அன்புடன்-
    -ரூபன்-

    ReplyDelete
    Replies
    1. வருகைக்கு நன்றி அய்யா

      Delete
  3. படிக்கும் பொழுது ஒவ்வொரு விடயங்களும் வேதனையை அளிக்கின்றது தோழரே உலகமெங்கும் மனிதம் செத்துக்கொண்டு இருக்கின்றது இதன் முடிவு உலத அழிவில்தான் தீரும் பூகம்பங்களும். சுனாமிகளும் பெருகிக்கொண்டே வருவதற்க்கு மனிதர்களின் அட்டூழியங்களே முதல் காரணம் இதைப் பகிர்ந்த கவிஞர் நந்தன் ஸ்ரீதரன் அவர்களுக்கும், தங்களுக்கும் வேதனையுடன் நன்றி.

    தமிழ் மணம் முதலாவது.

    ReplyDelete
    Replies
    1. மனிதர்கள் இறைவனின் பெயரால் மிருகங்களாக மாறி வருடங்கள் ஆகின்றது

      Delete
  4. இதுவொரு மிகக் கொடுமையான இன அழிப்பு போர். இதைப் பற்றி நானும் ஐந்து வருடங்களுக்கு முன்பு ஒரு கட்டுரையை பத்திரிகையில் எழுதியிருந்தேன். விரைவில் அதை எனது வலைதளத்தில் வெளியிடுகிறேன். அருமையான கட்டுரையை படிக்க தந்தமைக்கு நன்றி!
    த ம 4

    ReplyDelete
    Replies
    1. நன்றி திரு.செந்தில் உங்கள் கட்டுரைக்கு காத்திருக்கிறேன்

      Delete
  5. இப்படியெல்லாம் கொடுமை நடப்பதை ,இருந்தால் அல்லவா ,கடவுள் பார்த்துக் கொண்டு இருப்பார் ?

    ReplyDelete
    Replies
    1. அவனைப் போட்டுத் தள்ளி ரொம்ப நாட்கள் ஆச்சு ...

      Delete
  6. கடும் அதிர்ச்சியையும் வருத்தத்தையும் தரும் நிகழ்வு
    என்ன உலகம் இது
    தம +1

    ReplyDelete
    Replies
    1. வேதனை தரும் நிகழ்வுகள்தான் ..

      Delete
  7. முகநூலிலேயே வாசித்தேன் தோழர். நல்ல பதிவைப் பகிர்ந்தமைக்கு நன்றி.

    புத்திஷ்டுகள் செய்தாலும் புத்தனே செய்தாலும் நாம் கொலைகளின் எதிரிகளே

    ReplyDelete
    Replies
    1. நன்றி தோழர் ...

      Delete
  8. விரைவில் நல்லதொரு முடிவு வரட்டும்...

    ReplyDelete
    Replies
    1. நன்றி அண்ணா

      Delete
  9. பகிர்வுக்கு நன்றி விரைவில் ஒரு நல்ல முடிவு ஏற்பட வேண்டும்.

    ReplyDelete
    Replies
    1. நல்லது நடத்தால் சரி
      வருகைக்கு நன்றி அய்யா

      Delete
  10. http://arumbithazh.blogspot.in/2015/05/blog-post_27.html

    ReplyDelete
    Replies
    1. வருகைக்கு நன்றி

      Delete
  11. தற்போது உலகில் நடக்கும் கொடூரங்களில் இதுவும் ஒன்று. இயற்கைப் பேரிடம் ஒரு புறம், இவ்வாறான நிகழ்வுகள் மறுபுறம், வாழ்க்கையின் அவலத்தை நினைக்கும்போது வேதனையாக உள்ளது. தாங்கள் இதனைப் பொறுப்புடன் பகிர்ந்தமைக்கு நன்றி.

    ReplyDelete
    Replies
    1. நன்றி முனைவரே

      Delete
  12. பொதுவாக பெரியார் முதல்க் கொண்டு பலரும் மைனாரிட்டிக்கு சப்போர்ட் பண்ணுவோம். அதாவது இஸ்லாமியர், கிருத்தவர்களை நாம் அதிகம் சாடுவதில்லை. மெஜாரிட்டியான இந்ந்துக்களையே அதிகம் விமர்சிப்போம். இதை சுயநலம் மட்டுமே புரியும் பார்ப்பனர்கள் அடிக்கடி விமர்சிப்பதைக் காணலாம். ரகுவீரன் பிரச்சினையைப் பேசினாலும் பார்ப்பனர்கள் (இந்துக்களுடன் ஒண்ணு சேர்ந்து மெஜாரிட்டியாகிவிடும் இவர்கள்) , இஸ்லாமியர்களையும் கிருந்த்தவர்களையும் இழுத்து வந்து நிறுத்துவதைப் பார்க்கலாம்.

    எனிவே, இதுபோல் நாம் மைனாரிட்டியை அரவணைப்பதற்கு முக்கியக் காரணம் என்னவென்றால்..மைனாரிட்டியை இதுபோல் மெஜாரிட்டி தாக்க ஆரம்பித்தால் அவர்களை காப்பாத்துவது கஷ்டம் என்பதால்த்தான். சுயநலம் தவிர எதுவுமே தெரியாத பார்ப்பனர்களுக்கு இது விளங்குவதே இல்லை. எதுக்கெடுத்தாலும் பார்ப்பனர்களுக்கு ஒப்பாரி வைப்பவர்களுக்கும், நம்முடைய நிலைப்பாடு புரிவதில்லை. மைனாரிட்டியை நாம் பாதுகாக்க வேண்டிய அவசியம் இருக்கிறது.

    ஒரு பெண்ணை 3 பேரு வன்புணர்வு செய்து உள்ளார்கள். பெண் புத்த மதத்தை தழுவியவள். மூவரும் இஸ்லாமியர்கள் என்கிறார்கள். இச்சூழலில் எழுந்த பிரச்சினை, மதச் சண்டையாகி மைனாரிட்டி மெஜாரிட்டியைத் தாக்க ஆரம்பிச்சுட்டாங்க.

    இதேபோல் சைனாவிலும் மைனாரிட்டி முஸ்லிம்ஸ் இருக்காங்க. சீனாவிலும் இவர்களை கவனமாகத்தான் "டீல்" பண்ணுறாங்க. அதாவது இவர்களை வளரவிடக்கூடாது என்றுதான் அரசாங்கமே நினைக்கிறது.

    இஸ்லாமியர்களுடைய மதப்பற்று எல்லோரையும் பயமுறுத்துகிறது என்பதுதான் இதை புதைந்து கிடக்கும் கசப்பான உண்மை. மதத்தை சாதாரணமாக எடுத்துக்கொள்ளாமல் தீவிரமாக எடுத்துக்கொண்டால் இதுபோல்தான் வந்து முடிகிறது. மதத்தை ஒரு "கல்ச்சராக" நாம் பார்க்கக் கற்றுக்கொண்டால் நல்லதுனு நினைக்கிறேன். "நாம்" என்பது நானும் நீங்களும் இல்லை. இவ்வுலகே பார்க்கக் கத்துக்கணும். அதெல்லாம் நடக்கிற காரியாமா?னு அவநம்பிக்கைதான் வருகிறது. :(

    ReplyDelete
    Replies
    1. சட்டம் தனது கடமையை செய்யாமல் மதத்தின் முன் மண்டியிட்டால் என்ன நடக்கும் என்பதற்கு மீண்டும் ஒரு கசப்பான உதா.
      வருகைக்கு நன்றி

      Delete
  13. கடும் அதிர்ச்சியையும் வருத்தத்தையும் தரும் நிகழ்வினை பகிர்ந்தளித்த ளித்த கவிஞர் நந்தனுக்கும், எழுதிய கவின்மலருக்கும் வலியுடன்கூடிய நன்றிகளை நாமும் பகிர்ந்தளிக்கின்றோம் தோழரே!
    த ம +1
    நட்புடன்,
    புதுவை வேலு

    ReplyDelete
  14. உண்மையில் இச்சம்பவங்கள் 2012ல் நடைபெற்றன . தற்போது 2012 போன்ற பாரிய வன்முறை மீண்டும் அங்கு வெடிக்கவில்லை. மியன்மாரிலிருந்து முஸ்லிம்களுடன் புறப்பட்ட நான்கு படகுகளை மலேசியா, பங்களதேஷ், தாய்லாந்து போன்ற நாடுகள் ஏற்க மறுக்க அவர்கள் கடலில் உணவின்றி தத்தளித்துக்கொண்டிருந்த உண்மைச் செய்தியோடு இன்று சொல்லப்படும் கொடூர வன்முறை பற்றிய சோடிக்கப்பட்ட கதை ஆரம்பித்தது.இந்த நான்கு படகுகள் பற்றிய கதையை கொஞ்சம் திரிவுபடுத்தி உசுப்பேற்றிவிட்ட சில இணையத்தளங்களை மேற்கொண்டு கூகுளில் கிடைத்த பழைய புகைப்படங்களை (2012) பிரசுரித்து முகப்புத்தக போராளிகள் இந்த கதையை இல்லாததுபோல ஒரு இன்டென்சாக மாற்றிவிட்டிருக்கிறார்கள். இன்று சமூக வலைத்தளங்களில் பகிரப்படுவது போன்ற எந்த வன்முறைகளைப் பற்றியும் எந்த உலக செய்தி நிறுவனங்களோ அல்லது மனிதாபிமான அமைப்புக்களோ உறுதிசெய்யவில்லை. இத்தளத்தில் படித்துப்பாருங்கள் http://www.rajamal.com/?p=1164

    ReplyDelete
  15. என்ன கொடுமை இது?! கொடூரமா இருக்குதே! நாம் எந்த உலகில் இருக்கின்றோம்? பார்பேரியன்ஸ்? ஆம் அப்படித்தான் தோன்றுகின்றது....உலகில் பல பகுதிகள் இன்னும் கற்காலத்திலிருந்து வெளிவரவே இல்லை என்றுதான் தோன்றுகின்றது.....

    அதே சமயம் திரு அன்னொஜென் பாலகிருஷ்ணன் அவர்கள் சொல்லி இருப்பதையும் பார்க்க வேண்டும்....

    .எதுப்பா உண்மை?!!!

    ReplyDelete

தங்கள் வருகை எனது உவகை...

Labels

12 Years a Slave (2013) 2001: எ ஸ்பேஸ் ஆடிசி A Walk Among the Tombstones Amr Waked Avengers Age of Ultron avms kaarthik bairava blogging tips buds to blossoms c.c.e honour killings innovations in Marketing into the storm Iyothee Thass jci jci pudukkottai central kalvi kannaki kovil keezhadi khan's academy kochadaiyaan review Lucy(2014) spoiler madurai Min-sik Choi Morgan Freeman oblivion Rafeeq Friend robin williams rouge one 2016 sasikala for cm Scarlett Johansson shajakaan spoiler ssa T.V.18 yaathum oore episode 12 Tamil Short Story tesla motors thamizh thirai vimarsanm udayakkumar viswaroopam movie want to write ? www.ted.com X Standard Tamil Memory Songs Tamil Nadu X-Men: Days of Future Past அ பெ கா பண்பாட்டு இயக்கம் அ.பெ.கா அசத்தல் அரசுப் பள்ளி அச்சம் என்பது மடமையடா அப்பா அமெரிக்கா அம்மா அயோத்தி தாசர் அரசு ஊழியர்களின் குரல் அரசுப் பள்ளிகள் அரிமளம் பள்ளி அரைவல் அலைகள் அலையும் குரல்கள் அவென்ஜெர்ஸ் ஏஜ் ஆப் அல்ட்ரான் அறிவிப்புகள் அனுபவம் அன்னவாசல் கே. ரெங்கசாமி ஆஃபரா ஆங்கில கேட்டல் பயிற்சி ஆங்கிலப் படம் ஆங்கிலப் பயிற்சி ஆங்கிலம் ஆசிரியர் ஆசிரியர் தினம் ஆசை தொடர் பதிவு ஆண்டனி ஆதிச்சநல்லூர் இசை இடைநிறுத்தம் இடைநிற்றல் இந்திய தேசிய ராணுவம் இந்தியா வரங்களும் சாபங்களும் இமான் இளையராஜா இறுதிச் சுற்று இனப்படுகொலை இன் டு தி ஸ்டார்ம் இன்னுமொரு சிறுகதை. புன்னகை இஸ்ரேல் ஈர்ப்பலைகள் ஈழம் ஈழம் சமுகம் உயிர்மை உலகின் பொருளாதாரக் கொள்கை உலோக உருக்கு ஆலை எக்ஸ்.மென் அபோகிளிப்ஸ் எட்ஜ் ஆப் டுமாரா எல்காம் எஸ்.எம்.எஸ். கொள்ளை ஏற்பாடுகள் ஐஸ் ஸ்டுபா ஒரு கோப்பை மனிதம் ஒரு முகநூல் பகிர்வு ஒலிம்பிக் ஒன்பதாம் வகுப்பு ஆங்கிலப் பாடம் ஓவியர்கள் கடிதம் கட்செவி பகிர்வு ஒன்று கட்டிடப் பொறியியல் கட்டுரைப் போட்டி கண்ணகி கோவில் கதிர்வேல் கதை திரைக்கதை வசனம் இயக்கம் கத்தி கயல் கருத்தாளிகள் கலாச்சராம் கலிலியோ அறிவியல் மையம். கல்வி கல்வித்துறை விழா கல்வியாண்டு கவண் கவிஞர் நீலா கவிதை கவிதை அறிமுகம் கவிதை பகிர்வு கவிதைகள் கவிதைத் தொகுப்பு கவுரவக் கொலைகள் கற்க கசடற கற்பித்தல் யுக்திகள் கனவில் வந்த காந்தி கனிமொழி காக்கா முட்டை காணொளிகள் சில காதர் காந்தி திரைப்படம் காப்டன் அப்பாஸ் அலி காப்புரிமை கார்டியன்ஸ் ஆப் தி காலக்ஸி கார்த்திக் கார்த்திக் கார்த்திக் காவியத் தலைவன் காற்றுவெளியிடை கிரமத்து குழந்தைகள் கிரேஸ் பிரதீபாவின் துளிர் விடும் விதைகள் கிஷோர் டேவிட் ராஜ ராஜன் கீழடி குருநாதசுந்தரம் குழந்தை வளர்ப்பு குழந்தைகள் தினம் குறும்படம் கேவல் நதி கொசுவத்தி கொசுவர்த்தி கொஞ்சம் புதிய அறிவியல் கொஞ்சம் வெப் கொடி காத்த குமரன் கொம்பன் திரை விமர்சனம் கோச்சடையான் கோடை நகர்ந்த கதை கோபிநாத் கோவை ஆவி க்விஸ் சக்கரக்காலன் சக்தி சவுந்தர் ராஜன் சந்தானம் சந்திப்பு சந்திரமோகன் வெற்றிவேல் சந்தைப்படுத்துதல் சமுகம் சமுத்திரக்கனி சமூகம் சர்தார் வல்லபாய் பட்டேல் சித்தன்னவாசல் ஓவியங்கள் சித்தன்னாவாசல் இலக்கிய சந்திப்பு சிவகார்த்திகேயன் சிறுகதை சினிமா சீனு சுகு சுயபுராணம் சுரபி சுரேந்தர் சூப்பர்மென் வெர்சஸ் பாட்மேன் செந்தூரன் பாலிடெக்னிக் செந்தூரன் பாலியின் தொடர் சாதனை செல்பி செவன்த் சென்ஸ் செவென்த் சென்ஸ் சொன்னாங்க சோ ஸ்வீட் வலைப்பூ ஞானாலயா ஆவணப் படம் டாக்டர் ஸ்ட்ரேஞ் டான் ஆப் ஜஸ்டிஸ் டி.எம்.என்.டி Teenage Mutant Ninja Turtles (2014) டினா அரீனா டெல்லி சம்பவம் ட்ரான்ஸ்பார்மர்ஸ் ஏஜ் ஆப் எக்ஸ்டின்ஷன் தங்கமகன் தஞ்சை தபால்காரர் தமிழ் தமிழ் ஹிந்து தயான் சந்த் தர்மதுரை தலைமைப் பண்பு தலைவாரி பூச்சூடி தாயம்மாள் தாய்மொழி தாரை தப்பட்டை தி இத்தாலியன் ஜாப் தி பிரஸ்டீஜ் தி.ஆலை பள்ளி தியாக வரலாறு திருச்சி புகைப்பட பொருட்கள் கண்காட்சி. நிகழ்வுகள் திரை இசை திரை வி மர்சனம் திரை விமர்சனம் திரைவிமர்சனம் தீபிகா படுகோன் தீரன் சின்னமலை துவரங்குறிச்சி தேறி தொடர்பதிவு தொலைகாட்சி 18 தொழில் நுட்பம் தொழில் முனைவு தோழர் ரபீக் பதிவு நகை நடாஷா ரைட் நடிகர் சங்கத் தேர்தல் நத்தார் தின வாழ்த்துக்கள் நந்தன் ஸ்ரீதரன் நமக்கு நாமே திட்டம் நம்பிக்கை மனிதர்கள். நலம் நன்றிகள் நாடகக் கலைஞர்கள் நாயகர்கள் நாளைய மனிதர்களின் நேற்று நான் ஒரு குழந்தை நிகழ்வு நிகழ்வுகள் நிகில் நிறுவனம் நிகில் பயிற்சி நிலைப்பாடுகள் நிழல் பதியம் நீட் பார் ஸ்பீட் நீயா நானா நுட்பம் நூர் டீச்சர் நூல் அறிமுகம் நூல் விமர்சனம் நேர நிர்வாக தளம் நேர நிர்வாகம் நேர மேலாண்மை பக்தி படிக்க வேண்டாத பதிவுகள் பட்லர் பணமதிப்பு நீக்கம் பணிநிறைவு பதிவர் சந்திப்பு 2014 பதிவர் சந்திப்பு 2015 பதிவர் சந்திப்பு 2015 ஆல்பம் பதிவர் திருவிழா 2015 பத்தாம் வகுப்பு ஆங்கிலப் பாடம் பயிற்சிகள் பயிற்சித்துறை பலூஸ்சிஸ்தான் பள்ளி பாகுபலி பாபநாசம் பாரத் ஸ்டேஜ் 4 பாஸ்ட் அண்ட் ஃபியூரியஸ் 7 Fast and Furious 7 பாஸ்ட் எய்ட் பிட் டோரறேன்ட் பிரபு சாலோமோன் பிராங்கின் படங்கள் பிரார்த்தனை பிரித்தாளுதல் பிரியங்கா பிரேமா தக்ஷிணாமூர்த்தி பிரேம்சந்த் பு.கோ.சரவணன் புகைப்படத் தொகுப்பு புதியவன் புதுகை குளம் மீட்பு புதுகை செல்வா புதுகை தொல்லியல் ஆய்வுக் கழகம். புதுகையின் கல்வி முகங்கள் புதுக்கோட்டை புதுக்கோட்டை மாவட்ட பாறை ஓவியங்கள் புள்ளிகள் புறம்போக்கு பெரியார் பெற்றோர் பேப்பர் ஒன்று பேராசிரியர் அ. தட்சிணாமூர்த்தி பைரவா பொது பொற்பனைக்கோட்டை போட்டிகள் ப்ளாகர் டிப்ஸ் மணிகண்டன் ஆறுமுகம் மதுரை மதுரை வரலாறு மரபு வழி நடை மராத்திய மொழிப் படங்கள் மனிதர்கள் மாட் மாக்ஸ் ஃபியூரி ரோட் Mad_Max:_Fury_Road மாணவர் போராட்டம் மாண்பு மிகு மகளிர் - அறிவியல் சுடர்கள் மாண்புமிகு மகளிர் மாதொரு பாகன் மாத்யு ப்ளோரிஸ் மாமழை நினைவுகள் மார்க் அண்டோனி மாறாப்புன்னகை மாற்றத்தின் முகங்கள் மியான்மர் மிருதன் மிஷன் இம்பாசிபிள் 5 Mission Imposible Rogue Nation முகநூல் முகநூல் நிலைத்தகவல்கள் முகநூல் பகிர்வு முத்துக்கிருஷ்ணன் முத்துநிலவன் முனைவர் மு பிரபு முனைவர். அருள்முருகன் மூன்று புத்தகங்கள் வெளியீடும் குடும்ப விழாவும் மெட்ராஸ் மெமரி கார்ட் மேன்மை இதழ் அறிமுகம் மொழி மொழித்திறன் மோசன் காப்ச்சர் யாதும் ஊரே யாழியின் இரண்டு தொகுப்புகள் ரபீக் ரபீக் பகிர்வு ரம்ஜான் ரவீந்திரன் ரஜனி ரஷ் ரஹ்மான் ராஜ கோபால தொண்டைமான் ராஜ சுந்தர்ராஜன் ராஜசுந்தர்ராஜன் ராஜா சுந்தர்ராஜன் ராஜேஷ் வைத்யா ரிச்சர்ட் அட்டன்பரோ ரியோ ஒலிம்பிக் ருத்ரையா ரோக் ஒன் movie review ரோஹித் வேமுலா லாரீனா லூசி லோகன் 2017 வகுப்பறை அனுபவங்கள் வகை ஒன்று வண்ணதாசன் வலைச்சரம் வலைப்பதிவர் மாநாடு வலைப்பூ நுட்பம் வள ஆசிரியர்கள் வாசிப்பு வாசிப்பு அனுபவப்பகிர்வு வாழ்த்துக்கள் வாழ்வியல் திறன்கள் பயிற்சி. வாழ்வியல் திறன்கள் பயிற்சி. தன்னை அறிதல் பயிற்சி வானவில் விடுதலை வேள்வியில் வீரத் தமிழர்கள் விடைபெறல் விதைக்கலாம் வித்டிராயல் சிம்ப்டம் விப்லாஷ் விருது விவசாயம் விஜய் டீ.வி விஜூ கனைக்ட் விஷாலின் விஸ்வரூபம் வீணை இசை வீதி கூட்டம் வீதிக் கூட்டம் வீதிக்கூட்டம் வீரபாண்டிய கட்டபொம்மன் வீரமுரசு சுப்பிரமணிய சிவா வெயிலில் நனைந்த மழை வெர்சடைல் ப்ளாகர் விருது வெள்ளைப் புலி வெற்றி இலக்கியம் வைகறை வைகறையின் ஜெய் நல நிதி ஜல்லிக்கட்டு ஜாக்கி சேகர் ஜாதவ் ஜூராசிக் வோர்ல்ட் ஜெயப் பிரபு ஜெர்மனி ஜே.சி. பயிற்சி ஜேசி இயக்கம் ஜோக்கர் ஷபானா பாஸிஜ் ஷாமிலா தலுவத் ஷாருக்கான் ஷான் கருப்புசாமி ஷாஜகான் ஸ்டான்லி குப்ரிக் ஸ்பாய்லர் ஸ்பிலிட் ஸ்ரீதர் சுப்பிரமணியன் ஹாக்ஸா ரிட்ஜ் ஹாண்ட்ஸ் ஆப் ஸ்டீல் ஹாலிவுட் ஹெர்குலிஸ்